Chaʼlen wersa a taj jiñi cʌntesa muʼ bʌ i yʌqʼueñonla Jehová

¿CHUCOCH ÑUC I CʼɅJÑIBAL? Jehová, jiñi laj Caj Cʌntesa, miʼ yʌqʼueñonla jiñi ñumen wem bʌ cʌntesa. Miʼ pʌsbeñonla chaʼan ñumen wen mi la cajñel yicʼot miʼ chajpañonla chaʼan jiñi wen utsʼatax bʌ miʼ cajel, i mi lac taj iliyi ti lac majtan jach (Is. 11:6-9; 30:20, 21; Ap. 22:17). Ili cʌntesa muʼ bʌ i yʌqʼueñonla Jehová, jiñʌch muʼ bʌ i chajpañonla chaʼan mi laj cʌntesan jiñi quixtañujob i miʼ tajob i cuxtʌlel jaʼel (2 Co. 3:5).

¿BAJCHEʼ YOM MIʼ MEJLEL?

• Chaʼlen wersa chaʼan maʼ taj a pecʼlel yicʼot a wutslel (Sal. 25:8, 9).

• Jacʼʌ jiñi cʌntesʌntel muʼ bʌ a taj ili ora, bajcheʼ jiñi asignación muʼ bʌ i ñumel yaʼ ti tempa bʌ I Subtʼan yicʼot i Melbal jiñi xÑoptʼan.

• Ñumen ñaʼtan chaʼan a wom a melben i yeʼtel Dios (Fil. 3:13).

• Cʌyʌ a mel muʼ bʌ a mulan chaʼan maʼ ñumen taj a cʌntesʌntel (Fil. 3:8).

CHEʼ BɅ TSAʼIX A QʼUELE JIÑI VIDEO MIʼ PʼɅTʼESAÑONLA JIÑI I CɅNTESA TAC JEHOVÁ, JACʼɅ JIÑI CʼAJTIYA TAC:

• ¿Chuqui ti wocol tsiʼ ñusayob jiñi hermanojob chaʼan miʼ mejlelob ti majlel ti jiñi Cʌntesʌntel chaʼan xSubtʼañob chaʼan bʌ i Yumʌntel Dios?

• ¿Chuqui miʼ pʌstʌl ti jiñi Cʌntesʌntel?

• ¿Bajcheʼ an i chaʼleyob coltaya jiñi congregación cheʼ bʌ miʼ cʼotelob jiñi hermanojob muʼ bʌ i loqʼuelob ti jiñi cʌntesʌntel?

• ¿Chuqui miʼ cʼajtibentelob jiñi yomoʼ bʌ majlel ti jiñi Cʌntesʌntel chaʼan xsubtʼañob chaʼan bʌ i Yumʌntel Dios? (kr-S 189).

• ¿Baqui bʌ yambʌ cʌntesʌntel miʼ mejlel a chaʼlen wersa chaʼan maʼ taj?