¿A wom ba majlel ti jiñi Cʌntesʌntel chaʼan xsubtʼañob chaʼan bʌ i yumʌntel Dios?

Mi woli a melben i yeʼtel Jehová tiʼ pejtelel ora, cʼoqʼuet yicʼot maʼ mejlel ti majlel baqui ñumen yomto coltʌntel, ¿muʼ ba mejlel a butʼ jumpʼejl solicitud chaʼan maʼ majlel ti jiñi Cʌntesʌntel chaʼan xsubtʼañob chaʼan bʌ i yumʌntel Dios? Mi añix 23 a jabilel i maxto ñumic ti 65, miʼ mejlel a butʼ jiñi solicitud. Cʼʌlʌl cheʼ bʌ tsaʼ tejchi ili cʌntesʌntel, cabʌl xñujpuñelob, hermanajob yicʼot hermanojob maxto bʌ ñujpuñemobic ajñemob ti jiñi cʌntesʌntel. Pero jiñi muʼ bʌ i ñumen cʼajtintel chaʼan miʼ majlelob ti ili cʌntesʌntel jiñʌch jiñi hermanojob maxto ñujpuñemobic. Cʼajtiben Jehová chaʼan miʼ coltañet a ñumen mulan a melben i yeʼtel yicʼot chaʼan maʼ lajiben tsaʼ bʌ i mele i Yalobil (Sal. 40:8; Mt. 20:28; He. 10:7). Jin chaʼan, mi an chuqui yom mi laʼ mel come woli laʼ coltan laʼ familia o an laʼ weʼtel o laʼ bet, ¿am ba chuqui miʼ mejlel laʼ qʼuextan chaʼan mi laʼ mejlel ti majlel ti jiñi cʌntesʌntel?

¿Chuqui tac ti eʼtel an i meleyob jiñi hermanojob am bʌ i yujtesayob jiñi cʌntesʌntel? An tsaʼ bʌ chojquiyob majlel baqui yujilob yambʌ tʼan o ti tejclum tac chaʼan miʼ chaʼleñob subtʼan yaʼ baqui miʼ ñumelob cabʌl quixtañujob. An muʼ bʌ i waʼchocontelob bajcheʼ sustituto i chaʼan circuito o bajcheʼ superintendente i chaʼan circuito o bajcheʼ misionero. Cheʼ bʌ wolito a ñaʼtan chuqui miʼ mejlel a mel chaʼan maʼ ñumen melben i yeʼtel Jehová, miʼ mejlel a lajin jiñi xʼaltʼan Isaías cheʼ bʌ tsiʼ yʌlʌ: «Um baʼ añon c Yum. Chocoyon majlel» (Is. 6:8).

CHEʼ BɅ TSAʼIX LAʼ QʼUELE JIÑI VIDEO MISIONEROJOB: MIʼ WEN CHAʼLEÑOB EʼTEL TI JIÑI CʼAJBAL, JACʼɅ ILI CʼAJTIYA TAC:

• 

  ¿Bajcheʼ miʼ yajcʌntelob jiñi misionerojob?

• 

  ¿Chuqui wem bʌ eʼtel miʼ melob jiñi misionerojob?

• 

  ¿Chuqui ti bendición an i tajayob jiñi misionerojob?