SUTQʼUIN TI XCɅNTʼAN YAÑOʼ BɅ
LECCIÓN 10
Maʼañic chuqui yom miʼ mʌctañet
Texto baqui chucul: «Mach jiñic jach jiñi wen tʼan tiʼ tojlel Dios tsaʼ c ñaʼta cʌqʼueñet lojon ti jumpʼejl lon c pusicʼal, yicʼotʌch jiñi lon j cuxtʌlel, come tsaʼ cʼoti lon c wen cʼuxbiñetla» (1 Tes. 2:8).
Tsaʼ bʌ i mele Jesús
1. Qʼuele jiñi VIDEO o pejcan Juan 3:1, 2. Cheʼ jiñi ñaʼtan ili cʼajtiya tac:
¿Chucoch ti acʼʌlel tsajñi Nicodemo i pejcan Jesús? (Qʼuele Juan 12:42, 43).
Cheʼ Jesús tsaʼʌch i jacʼʌ i pejcan Nicodemo ti acʼʌlel, ¿bajcheʼ tsiʼ pʌsʌ chaʼan yomʌch i sutqʼuin ti xcʌntʼan lac piʼʌlob?
¿Chuqui mi laj cʌn tiʼ tojlel Jesús?
2. An ti lac wenta mi la cubin chaʼan mi lac sutqʼuiñob ti xcʌntʼan jiñi lac piʼʌlob come mi laj cʼuxbiñob.
Lajin Jesús
3. Acʼʌ jiñi estudio jiñʌch bajcheʼ hora yicʼot baqui miʼ subeñet jiñi estudiante. ¿Chuqui ti qʼuin o bajcheʼ hora miʼ ñumen mulan? ¿Baqui miʼ ñumen mulan chaʼan miʼ yʌqʼuentel jiñi estudio: Yaʼ ba tiʼ yeʼtel, tiʼ yotot o ti yambʌ parte? Chaʼlen wersa chaʼan mucʼʌch a jacʼ cheʼ bajcheʼ hora miʼ subeñet.
4. Mach a wʌcʼ chaʼan jiñi estudiante miʼ sʌt jiñi estudio. Mi an baqui mi caj a majlel, mach a suben chaʼan maʼañic mi caj a wʌqʼuen estudio. Miʼ mejlel a mel iliyi.
Miʼ mejlel a wʌqʼuen estudio ti yambʌ qʼuin, pero ti jin jach bʌ semana.
Maʼ wʌqʼuen estudio ti teléfono o ti videoconferencia.
Miʼ mejlel a suben yambʌ hermano chaʼan miʼ majlel i yʌqʼuen estudio.
5. Cʼajtiben Jehová ti oración chaʼan wen jach chuqui maʼ ñaʼtan tiʼ tojlel a estudiante. Cʼajtiben Jehová chaʼan miʼ coltañet a qʼuel chaʼan mucʼʌch caj i jacʼ jiñi i sujmlel. Ñumento mi mach ti bele ora miʼ chaʼlen estudio o mi wocol miʼ yubin chaʼan miʼ jacʼ woli bʌ i cʌn (Filip. 2:13). Cʼajtiben Jehová chaʼan miʼ coltañet a qʼuel wen tac bʌ i melbal come cabʌlʌch wem bʌ i melbal jiñi estudiante.
QʼUELE JAʼEL
Pr. 3:27; Hech. 20:35; 2 Cor. 12:15