CɅNTESɅNTEL 5

Wem bʌ i pejcʌntel jun

1 Timoteo 4:13

YOM BɅ MIʼ CɅJÑEL: Cheʼʌch yom maʼ pejcan bajcheʼ tsʼijbubil ti jun.

Chajpan a bʌ ti wen. Sʌclan chucoch ti tsʼijbunti jiñi texto. Ñopo a pejcan jujunmojt tʼan tac i mach jujumpʼejl tʼan. Yom tsajilet chaʼan maʼañic maʼ wotsan, maʼ locʼ o maʼ qʼuextan tʼan tac. Qʼuele ti ñuc jiñi punto, coma yicʼot signo tac chaʼan cʼajtiya.

Suben juntiquil a wamigo chaʼan miʼ ñʌchʼtan bajcheʼ woli a pejcan jiñi jun i yom miʼ subeñet baqui tac bʌ tʼan mach weñic tsaʼ pejca.
Yom toj maʼ pejcan jujumpʼejl tʼan. Mi mach a wujilic bajcheʼ miʼ yʌjlel jumpʼejl tʼan, ñʌchʼtan jumpʼejl grabación chaʼan jiñi jun o cʼajtiben i coltaya juntiquil wem bʌ miʼ pejcan jun.
Yom tsiquil maʼ chaʼlen tʼan. Yom wen maʼ wʌl jiñi tʼan tac, letsan a wut yicʼot jamʌ ti wen jiñi a wej. Chaʼlen wersa chaʼan maʼ wʌl jujumpʼejl sílaba.

Mach yomic ñumen ti pʼis bajcheʼ maʼ pejcan jun come mach cheʼix miʼ caj ti ubintel bajcheʼ ñʌmʌlet ti tʼan.