Ырӑ хыпар сарас ӑсталӑха лайӑхлататпӑр. Вӗренекенсене Библие тӑрӑшса вӗренме хӑнӑхтарасси
Ҫакӑ мӗншӗн питӗ кирлӗ. Ырӑпа усала уйӑрса илме вӗренсе ҫитмешкӗн Библие вӗренекенсен Турӑ Сӑмахӗнчи тӗп вӗрентӳсене ҫеҫ пӗлнипе ҫырлахмалла мар (Евр. 5:12—6:1). Вӗреннӗ чухне вӑй хумалла. Ҫакӑ ҫӗнӗ пӗлӳсене унччен мӗн пӗлнипе ҫыхӑнтармаллине тата вӗсем мӗнле усӑ панине курмаллине пӗлтерет (Ытар. 2:1—6). Вӗренекенсем, тӗпчеме вӗренсе ҫитсессӗн, пирӗн публикацисемпе усӑ курса Библипе ҫыхӑннӑ ыйтусем ҫине хуравлама пултарӗҫ. Мӗн пӗлнипе усӑ курма тӑрӑшни вӗсене христиансен ҫулӗ ҫинче тӗл пулма пултаракан йывӑрлӑхсене ҫӗнтерме пулӑшӗ (Лука 6:47, 48).
Уйӑх тӑршшӗпе усӑ курмалли канаш:
Плана вӗренсе тухнӑ хыҫҫӑн вӗренекене вӑл мӗн пӗлнине кӗскен каласа пама ыйт. Эсӗ никампа та Библи вӗренместӗн пулсан, Библие е вӗренмелли статьяри абзаца вуланӑ чухне ҫак канашпа хӑв усӑ кур. Ҫапла туни сана мӗн вуланине лайӑхрах ӑнланма пулӑшӗ.