Пархатарлӑ пулнине айтӑр кӑтартар. Апрелӗн 17-мӗшӗнче Ҫӳлхуҫан каҫхи апат уявӗ
1. Псалом юрлакан кӑтартнӑ мӗнле туйӑм Ҫӳлхуҫан каҫхи апат уявӗн тапхӑрӗнче уйрӑмах вырӑнлӑ?
1 Нумай хутчен Иегова хӑйне хӗрхенсе пулӑшнӑшӑн тата ҫӑлӑнӑҫ панӑшӑн пархатарлӑ пулнӑран псалом юрлакан ыйтнӑ: «Хама кӑтартнӑ мӗнпур ырӑлӑхшӑн Ҫӳлхуҫана мӗнле тав тӑвам-ши?» (Пс. 115:13.) Паян Туррӑн ӗҫлекенӗсен пархатарлӑ пулмашкӑн сӑлтав тата та нумай. Турӑ Сывлӑшӗ пӗлтернипе ҫак сӑмахсене ҫырнӑ хыҫҫӑн, ӗмӗрсем иртсен, ҫынсем Иеговӑран калама ҫук чаплӑ парне илнӗ. Ку вӑл — тӳлесе илни. Апрелӗн 17-мӗшӗнче Христосӑн вилӗмне паллӑ тума хатӗрленнӗ май пирӗн пархатарлӑ пулнине кӑтартма пур сӑлтав та пур (Кол. 3:15).
2. Тӳлесе илнишӗн мӗншӗн пархатарлӑ пулмаллине, хӑш-пӗр сӑлтавӗсене, калӑр.
2 Тӳлесе илнипе ҫыхӑннӑ пиллӗхсем. Тӳлесе илнине пула «ҫылӑхӑмӑрсем каҫарӑнма» пултараҫҫӗ. Ҫакӑ пире таса совеҫпе Иеговӑна пуҫҫапма пулӑшать (Евр. 9:13, 14). Иеговӑна кӗлӗ тунӑ чухне эпир хӑюллӑн калаҫма пултаратпӑр (Евр. 4:14—16). Тӳлесе илнине ӗненекенсене тӗлӗнмелле лайӑх пуласлӑх кӗтет — ӗмӗрлӗх пурнӑҫ! (Иоан. 3:16.)
3. Тӳлесе илнишӗн Иеговӑна пархатарлӑ пулнине эпир мӗнле кӑтартма пултаратпӑр?
3 Пархатарлӑ пулнине кӑтартӑр. Тӳлесе илнишӗн питӗ пархатарлӑ пулнине кӑтартмалли майсенчен пӗри вӑл — ҫак тапхӑрта вулама палӑртнӑ Библири сӑвӑ йӗркисене кунсерен вулани тата мӗн вулани ҫинчен шухӑшлани. Ҫакна тума пире «Как сохранить счастье в браке?» брошюрӑри «Готовы ли вы к самому важному событию года?» статья пулӑшӗ. Тӳлесе илнине ҫав тери хакланине эпир чӗререн тухакан кӗлӗре Иеговӑна калама пултаратпӑр (1 Фес. 5:17, 18). Иисус хушса хӑварнине итлесе Ҫӳлхуҫан каҫхи апат уявӗнче пулнипе те эпир пархатарлӑ пулнине кӑтартатпӑр (1 Кор. 11:24, 25). Унсӑр пуҫне, май килнӗ таран ытларах ҫынна Ҫӳлхуҫан каҫхи апат уявне чӗнсе эпир, Иегова пекех, пысӑк юрату кӑтартатпӑр (Ис. 55:1—3).
4. Пирӗн мӗнле шухӑш-кӑмӑл пулмалла?
4 Иеговӑн пархатарлӑ ӗҫлекенӗсем Ҫӳлхуҫан каҫхи апачӗ пирки вӑл пухӑвӑн тепӗр тӗлпулӑвӗ кӑна тесе шутламаҫҫӗ. Ҫакӑ ҫулталӑкра чи пысӑк пӗлтерӗшлӗ тӗлпулу! Ҫӳлхуҫан каҫхи апат уявӗ ҫывхарса килнӗ май, псалом юрлакан пекех ҫирӗп шухӑш-кӑмӑллӑ пулнине айтӑр кӑтартар, вӑл ҫырнӑ: «Эй чунӑм, Ҫӳлхуҫана мухта, Вӑл тунӑ ырӑлӑхсене пӗрне те ан манӑҫла» (Пс. 102:2).