Калаҫӑва мӗнле пуҫламалла

Ноябрьте, пӗрремӗш шӑмат кун, Библи вӗренӗвӗ мӗнле пуҫламалла

«Эсир мӗнле шутлатӑр, Турра итлени ҫынна телейлӗрех тӑвать-и? [Хурава итле.] Ҫак статьяра ҫакӑн пирки интереслӗ шухӑшсем пур». Ҫынна «Каков библейский взгляд на секс?» брошюрӑна пар. 16, 17 страницӑсенчи пӗр подзаголовока вуласа пар та сӳтсе яв. Библирен илсе панӑ пӗр сӑвӑ йӗркине те пулин вуласа пар. Брошюрӑна сӗн те тепӗр ыйтӑва сӳтсе явма тӗл пулма калаҫса татӑл.

«Каков библейский взгляд на секс?» брошюра. «Пӗрисем ар хутшӑнӑвне кӗресси пирки Библире калани кивелнӗ тата унта ытла хытӑ каланӑ тесе шутлаҫҫӗ. Теприсем Библире мӗн каланипе килӗшеҫҫӗ. Эсир вара мӗнле шутлатӑр? [Хурава итле.] Библири ҫак нормӑсене кам панине асӑрхаса пӑхӑр-ха. [2 Тимофей 3:16 вуласа пар.] Ҫак брошюра ар хутшӑнӑвӗсем ҫинчен час-часах паракан вунӑ ыйту ҫине Библи мӗнле хуравланине кӑтартса парать. Ҫавӑн пекех Библири нормӑсене тытса тӑни пире мӗнле усӑ панине ӑнлантарса парать».

«Разумно ли верить в Творца?» брошюра. «Пирӗн Ҫут тӗнче ҫинчен тӗплӗн шухӑшласа пӑхсан мӗнле пӗтӗмлетӳ тума пулать: пурте ӑнсӑртран пулса кайнӑ-и е Пултаракан пур? [Хурава итле.] Ҫут тӗнче ҫине пӑхса Библие ҫыракансенчен пӗри акӑ мӗнле пӗтӗмлетӳ тунӑ. [Рим 1:20 вуласа пар.] Ҫак брошюра ученӑйсем ҫын клеткине вӗренес енпе тунӑ открытисем пирки каласа парать, вӗсем Ҫут тӗнчере пурте мӗнле пуҫланса кайни пирки паракан ыйтӑва уҫҫӑнрах ҫутатса параҫҫӗ».