Ачасене вӗрентме хамӑрӑн сайтпа усӑ куратпӑр
1. jw.org сайтри «Ачасем» раздела мӗнле тӗллевпе тунӑ?
1 jw.org сайта тӗрлӗ ҫулти ҫынсене интереслӗ пултӑр тесе тунӑ. Пирӗн сайтри «Ачасем» текен раздел («Библи вӗрентӗвӗсем» > «Ачасем» вкладкӑна пӑхӑр) чи пӗчӗккисене тата вӗсен ашшӗ-амӑшӗсене пӗр-пӗринпе те, Иеговӑпа та ҫывӑхланма пулӑшать (Сак. аст. 6:6, 7). Ачасене вӗрентнӗ чухне ҫак разделпа мӗнле усӑ курмалла?
2. Ача миҫе ҫулта пулнине шута илсе материала мӗнле суйлама пулать?
2 Пӗлсе усӑ курӑр. Ачасем миҫе ҫулта пулнине шута илсен, вӗсене мӗн кирли уйрӑлса тӑма пултарать (1 Кор. 13:11). Ҫавӑнпа та ачапа вӗреннӗ вӑхӑтра материала суйланӑ чухне ҫакна шута илмелле. Ҫакна мӗнле тума пулать? Хӑвӑртан ыйтӑр: «Манӑн ачана мӗн интереслӗ пулма пултарать? Ҫакна вӑл ӑнланӗ-и? Мӗн чухлӗ вӑхӑт хушши вӑл тимлӗ пулӗ?» Виҫӗ ҫула ҫитеймен ачасемпе «Библи — чи пӗчӗккисем валли» рубрикӑри калавсене сӳтсе явма пулать. Хӑш-пӗр ҫемьесем «Хӑвӑр ачӑрсене вӗрентӗр» рубрикӑри Библи тӑрӑх ҫырнӑ калавсене хаваспах сӳтсе яваҫҫӗ. Ҫавӑн пекех аяларах илсе панӑ предложенисем ҫинчен шухӑшлӑр.
3. Ашшӗ-амӑшӗсем калавсемпе тата «Ҫемьепе пӗрле Турра пуҫҫапнӑ чухне усӑ курмалли заданисем» ятлӑ рубрикӑри заданисемпе мӗнле майпа ӑнӑҫлӑ усӑ курма пултараҫҫӗ?
3 Ҫемьепе пӗрле Турра пуҫҫапнӑ чухне вӗренмелли заданисем. Ҫак заданисем ашшӗ-амӑшӗсемшӗн хӑйсен ачисене вӗрентмешкӗн питӗ лайӑх пулӑшу. «Уҫласа ил» кнопкӑна пусӑр та «Ашшӗ-амӑшӗсене валли» текен раздела вуласа тухӑр, унта кашни задание мӗнле тумаллине кӑтартса панӑ. Ӳкерчӗксемпе-заданисемпе усӑ курӑр, сӑмахран, сӑрӑсемпе сӑрламалли страницӑсемпе, вӗсемпе усӑ курса чи пӗчӗккисене вӗрентме пулать. Аслӑраххисене вӗсем валли хатӗрленӗ заданисене тума пулӑшӑр. Ҫак рубрикӑра заданисене темӑсемпе пухса тухнӑран ҫемьепе пӗрле Турра пуҫҫапнӑ чухне, ачасем тӗрлӗ ҫулта пулсан та, пурте хутшӑнма пултараҫҫӗ.
4. «Иеговӑн тусӗ пул» ятлӑ рубрикӑра мӗн тупма пулать?
4 Иеговӑн тусӗ пул. Ҫак рубрикӑри видео, юрӑсем тата заданисем ашшӗ-амӑшӗсене хӑйсен пӗчӗк ачисене Турӑ Сӑмахне юратма вӗрентес тӗлӗшрен пулӑшма пултараҫҫӗ (Сак. аст. 31:12). Кӗске мультфильмсенче кашнийӗнче питӗ кирлӗ урок пур тата ун ҫумне хушса панӑ хӑш-пӗр заданисем вӗсен пӗлтерӗшне тарӑнрах уҫса параҫҫӗ. Ачасем юрлама юратнӑран — юрӑсем вара мӗн пӗлнине астуса юлма пулӑшаҫҫӗ — Турӑ Патшалӑхӗн юррисене тата ятарласа ачасем валли хатӗрленӗ юрӑсене хамӑрӑн сайта кӗртсех тӑраҫҫӗ.
5. Ашшӗ-амӑшӗсене ачисене чӑнлӑха вӗрентме Иеговӑран пулӑшу ыйтни мӗншӗн питӗ кирлӗ?
5 Ашшӗ-амӑшӗсем, Иегова сире хӑвӑр ачӑрсене ӑнӑҫлӑн вӗрентсе ӳстерттересшӗн. Ҫавӑнпа та ачӑрсене чӑнлӑха вӗрентме унран пулӑшу ыйтӑр (Тӳр. 13:8). Иегова пулӑшнипе эсир ачӑрсене пӗлӳ парса «Христос Иисуса ӗненсе ҫӑлӑнмашкӑн» ӑслӑлӑх илме пулӑшӑр (2 Тим. 3:15; Ытар. 4:1—4).