ХРИСТИАНСЕН ПУРНӐҪӖ

Хӑвӑр ачӑрсене Пултаракана хытӑ ӗненме пулӑшӑр

Иегова пултарнӑ япаласем ӑна мухтава кӑлараҫҫӗ (Пс 18:2—5; 138:14). Анчах Сатанан тӗнчи пурнӑҫ мӗнле пуҫланса кайни ҫинчен Турра хурлакан теорисене ӗнентерме тӑрӑшать (Рм 1:18—25). Эсир ҫакӑн пек вӗрентӳсенчен хӑвӑр ачӑрӑн ӑс-тӑнӗпе чӗрине мӗнле хӳтӗлеме пултаратӑр? Мӗн пӗчӗкренех ӑна Иегова чӑннипех пуррине тата вӑл уншӑн тӑрӑшнине ӗненме пулӑшӑр (2Кр 10:4, 5; Эф 6:16). Шкулта мӗне вӗрентни ҫинчен сирӗн ачӑр мӗн шутланине пӗлме тӑрӑшӑр. Унӑн чӗрине пырса тивес тесе тӗрлӗ майсемпе усӑ курӑр (Ыт 20:5; Иак 1:19).

Ашшӗ хӑйӗн ачисене пурнӑҫ мӗнле пуҫланса кайни ҫинчен вӗрентет; шкулта эволюци теорине вӗрентеҫҫӗ; «Санӑн тантӑшусем мӗн калаҫҫӗ. Турра ӗненни»

«САНӐН ТАНТӐШУСЕМ МӖН КАЛАҪҪӖ. ТУРРА ӖНЕННИ» ВИДЕОРОЛИК ПӐХӐР ТА ҪАК ЫЙТУСЕНЕ СӲТСЕ ЯВӐР:

Турра ӗненес тӗлӗшрен мӗнле йӑнӑш шухӑш анлӑ сарӑлнӑ?
Шкулта мӗне вӗрентеҫҫӗ?
Иегова чӑннипех пуррине сана мӗн ӗнентерет?
Турӑ пӗтӗмпех тунине кама та пулин ӗненме пулӑшас тесе эсӗ мӗн тума пултаратӑн?

АШШӖ-АМӐШӖСЕНЕ ПУЛӐШМАШКӐН:

• Материалсем «Библия для самых маленьких» (виҫӗ ҫула ҫитмен ачасем валли)

• Мультфильм «Иеговӑн тусӗ пул. Иегова пурне те пултарнӑ»

• Статьясем «Случайность или замысел?»

• Схемӑсем «Почему я верю в Бога?»

• Статьясен ярӑмӗ «Сотворение или эволюция?» (тӑватӑ пайран тӑрать)

• Видеороликсем «Взгляд на происхождение жизни»

• Фильм «Чудеса творения прославляют Бога»

• Кӗнеке «Существует ли заботливый Творец?»