Калаҫмалли майсемпе мӗнле усӑ курмалла?

2018 ҫулхи январь уйӑхӗнчен пуҫласа «Христиансен пурнӑҫӗпе сӑваплӑ ӗҫӗ» ӗҫ тетрачӗн пӗрремӗш страницинче калаҫмалли майсене пичетлеҫҫӗ. Вӗсемпе мӗнле усӑ курмалла?

Вӗренмелли задани тунӑ чухне. Калаҫмалли майсенче илсе панӑ ыйтупа, Библири сӑвӑ йӗркипе тата тепӗр хут килме калаҫса татӑлма пулӑшакан ыйтупа усӑ кур. Анчах та санӑн шӑп та лӑп видеороликра каланӑ пек каламалла мар. Эсӗ урӑх лару-тӑрӑва суйласа илме, малтанхи сӑмахсене улӑштарма тата калаҫӑва урӑхларах тӑсма пултаратӑн. Унсӑр пуҫне, заданире каламан пулсан та, эсӗ итлекене ырӑ хыпар сармалли хатӗрсем шутне кӗрекен публикацие сӗнме пултаратӑн.

Ырӑ хыпар сарнӑ чухне. Калаҫмалли майсен тӗллевӗ — сана ҫынпа калаҫу пуҫлама пулӑшасси. Ҫыннӑн нумайрах пӗлме кӑмӑл пур пулсан, калаҫӑва малалла тӑсмашкӑн эсӗ «Иккӗмӗш калаҫури» ыйтупа сӑвӑ йӗркине сӳтсе явма пултаратӑн. Унсӑр пуҫне, калаҫмалли мая кӑшт улӑштарма е урӑх темӑна сӳтсе явма та пулать. Тен, урӑх сӑвӑ йӗркипе е унчченхи ӗҫ тетрадӗнчи темӑпа усӑ курсан лайӑхрах пулӗ. Е, тен, эсӗ пурӑнакан вырӑнта ҫынсене нумаях пулмасть пулса иртнӗ событисем ҫинчен тата вырӑнти хыпарсем ҫинчен калаҫма ытларах килӗшет. Калаҫмалли майсемпе тӗрлӗрен усӑ курма пулать пулсан та, ҫакна эпир «Ырӑ Хыпаршӑн, унӑн ырӑлӑхне ыттисемпе пӗрле пайласчӗ тесе» тӑватпӑр (1Кр 9:22, 23, ҪХ).