Эсӗ хӑвӑн вӑхӑтпа вӑя Иеговӑна параятӑн-и?

Исаия пророк малтанах каласа хунӑ пекех, хальхи вӑхӑтра Иеговӑн организацийӗн ҫӗр ҫинчи пайӗ питӗ хӑвӑрт ӳссе пырать (Ис 54:2). Ҫавӑнпа та Патшалӑх залӗсемпе Конгресс залӗсем тата филиал ҫурчӗсем ытларах та ытларах кирлӗ. Ҫак ҫуртсене туса лартассисӗр пуҫне вӗсене пӑхса-юсаса та тӑмалла. Ҫавна пула пирӗн хамӑр вӑхӑтпа вӑя Иеговӑна памашкӑн мӗнле майсем уҫӑлаҫҫӗ?

• Хамӑрӑн ушкӑнпа пӗрле Патшалӑх залне тасатас тата тирпейлес ӗҫе хутшӑнма пулать.

• Хамӑрӑн Патшалӑх залне пӑхса-юсаса тӑрас ӗҫе вӗренме пулать.

• Эсӗ пурӑнакан вырӑнтан инҫех мар вырнаҫнӑ Турра пуҫҫапмалли ҫуртсене туса лартас тата вӗсене пӑхса-юсаса тӑрас ӗҫе вӑхӑтран вӑхӑта хутшӑнмашкӑн «Заявление на служение добровольцем в программе местного проектно-строительного отдела» (DC-50) текен документа ҫырса тултарма пулать.

• Вырӑнти филиалта е унӑн комплексӗсенчен пӗринче эрне хушши е ытларах пулӑшас тесе «Заявление на добровольное служение» (A-19) текен документа ҫырса тултарма пулать.

«ҪӖНӖ СТРОИТЕЛЬСТВО ПРОЕКТНЕ ХАТӖРЛЕТПӖР» ВИДЕОРОЛИКӐН ПӖР ПАЙНЕ ПӐХ ТА ҪАК ЫЙТУСЕМ ҪИНЕ ХУРАВЛА:

• Мӗнле майпа эпир 2014 ҫултан пуҫласа видеороликсемпе ытларах усӑ курма пуҫларӑмӑр?

• Ҫавна пула мӗнле ҫӗнӗ строительство проектне хатӗрленӗ тата ӑна мӗн вӑхӑт хушши тума палӑртса хунӑ?

• Доброволецсем мӗнле пулӑшма пултараҫҫӗ?

• Рамапори стройкӑра пулӑшас текенсен мӗншӗн DC-50 заявление ҫырса тултармалла тата вырӑнти строительство уйрӑмне пулӑшса тӑмалла?

• Ҫак проекта Иегова ертсе пынине мӗн-мӗн ҫирӗплетсе парать?

• Ҫак ҫӗнӗ проекта тӑвас ӗҫе хутшӑнаймастӑн пулсан та, эсӗ ҫак ӗҫре мӗнле пулӑшма пултаратӑн?