6-МӖШ УРОК

Сӑвӑ йӗркисене ӑнлантарса пар

Иоанн 10:33—36

ТӖЛЛЕВ. Библири сӑвӑ йӗркисене вуласа парсан тӳрех тепӗр шухӑш ҫине ан куҫ. Сӑвӑ йӗркисем эс калакан тӗп шухӑшсемпе мӗнле ҫыхӑннине уҫҫӑн кӑтарт.

ҪАКНА МӖНЛЕ ТУМАЛЛА?

Тӗп сӑмахсене палӑрт. Сӑвӑ йӗркисене вуласа парсан тӗп шухӑшпа ҫыхӑнса тӑракан сӑмахсене палӑрт. Ҫакна ҫав сӑмахсене тепӗр хут каласа е вӗсене шыраса тупма пулӑшакан ыйту парса тума пулать.

Сӑвӑ йӗркинче мӗн ҫинчен сӑмах пынине хӑвӑн сӑмахсемпе каласа паратӑн пулсан, ҫакна асра тыт: итлекенсен Библири сӑвӑ йӗрки тӗп шухӑшпа мӗнле ҫыхӑнса тӑнине уҫҫӑн курмалла.
Тӗп шухӑша палӑрт. Сӑвӑ йӗркине вуласа парас умӗн ӑна мӗншӗн вуласа парасшӑн пулнине ӑнлантарса патӑн пулсан, ҫак сӑвӑ йӗркинчи тӗп сӑмахсем хӑв унччен каланӑ сӑмахсемпе мӗнле ҫыхӑнса тӑнине кӑтарт.

Сӑвӑ йӗркине ӑнлантарса панӑ чухне Библие уҫӑ тыт. Вара итлекенсене эсӗ мӗн каланипе мӗн вуласа пани хушшинче мӗнле ҫыхӑну пуррине курма ҫӑмӑлтарах пулӗ.
Уҫӑмлӑн ӑнлантарса пар. Тӗп шухӑшпа ҫыхӑнман кирлӗ мар вак-тӗвексем ҫине ан тимлеттер. Сӑвӑ йӗркине мӗн таран ӑнлантарса памалли пирки шутланӑ чухне итлекенсем тема ҫинчен мӗн пӗлнине шута ил.