Dau Ddarn Bychan o Bres

Un ffordd bwysig i gefnogi’r Deyrnas yw drwy gyfrannu’n ariannol i’r gwaith byd eang o bregethu. Ond beth os ydyn ni’n brin o arian?

Un dro, gwelodd Iesu weddw dlawd yn cyfrannu dau ddarn bychan o bres i drysorfa’r deml. Oherwydd ei chariad tuag at Jehofah, fe roddodd hi “o’i phrinder y cwbl oedd ganddi i fyw arno.” (Marc 12:41-44) Tynnodd Iesu sylw at hyn i ddangos bod ei chyfraniad hi yn werthfawr iawn yng ngolwg Duw. Roedd y Cristnogion yn y ganrif gyntaf yn ei ystyried yn fraint i gefnogi’r weinidogaeth yn ariannol. Roedd Cristnogion cyfoethog a thlawd yn cyfrannu yn ôl eu gallu. Dywedodd yr apostol Paul fod y Macedoniaid yn gofyn “yn daer iawn am gael y fraint o gyfrannu” er “dyfnder eu tlodi.”—2 Cor. 8:1-4.

Felly, os ‘dau ddarn bychan o bres’ yw’r cyfan y gallwn ni ei roi, dylen ni gofio bod nifer o gyfraniadau bach gyda’i gilydd yn gwneud cyfanswm mawr. Bydd rhoi o’n gwirfodd yn dod â llawenydd i’n tad nefol, oherwydd mae Duw yn caru “rhoddwr llawen.”—2 Cor. 9:7.