Rhowch Groeso Iddyn Nhw!
1. Pa achlysur sy’n rhoi cyfle arbennig inni dystiolaethu, a pham?
1 Nid oes cyfle gwell i roi tystiolaeth i bobl na’r Goffadwriaeth flynyddol. Ystyriwch hyn: Eleni rydyn ni’n disgwyl dros ddeng miliwn o ymwelwyr i’r Goffadwriaeth i glywed am y ddwy esiampl fwyaf o gariad erioed. (Ioan 3:16; 15:13) Fe fydden nhw’n dysgu am y bendithion sydd ar gael iddyn nhw drwy’r pridwerth, rhodd oddi wrth Jehofah. (Esei. 65:21-23) Ond, nid y siaradwr yw’r unig un i roi tystiolaeth ar yr achlysur hwn. Bydd cyfle i bawb sy’n mynychu rhoi tystiolaeth dda drwy roi croeso cynnes i’r ymwelwyr.—Rhuf. 15:7.
2. Sut gallwn ni roi croeso cynnes i ymwelwyr?
2 Yn hytrach na fynd yn syth at eich sedd i ddisgwyl yn dawel i’r rhaglen cychwyn, beth am gymryd amser i gyflwyno eich hun i’r bobl o’ch cwmpas? Gall ymwelwyr deimlo’n nerfus ac yn ansicr o beth i ddisgwyl. Bydd ein croeso cynnes a’n gwên gyfeillgar yn eu helpu nhw i ymlacio. Er mwyn darganfod os daeth rhywun oherwydd gwahoddiad, gallwch ofyn, “Ydych chi wedi dod i un o’n cyfarfodydd o’r blaen?” neu “Ydych chi’n ’nabod rhywun yn y gynulleidfa?” Gallwch ofyn iddo eistedd gyda chi a rhannu eich Beibl a’ch llyfr caneuon. Os ydych yn cyfarfod mewn Neuadd y Deyrnas, efallai bydd cyfle i’w helpu i ddod yn gyfarwydd â’r neuadd. Wedi’r anerchiad, gofynnwch a oes ganddo gwestiynau, a byddwch yn barod i’w hateb. Os oes rhaid ichi adael y neuadd yn gyflym er mwyn i gynulleidfa arall ei defnyddio, gallwch ddweud: “Byddwn yn hoffi clywed eich sylwadau ar y rhaglen. Ydy’n bosibl imi gysylltu â chi?” Yna, gwnewch drefniadau i’w weld ar ddiwrnod arall. Bydd yr henuriaid, yn enwedig, yn awyddus i helpu cyhoeddwyr anweithredol sy’n mynychu.
3. Pam mae hi’n bwysig inni wneud ymdrech i groesawu ymwelwyr i’r Goffadwriaeth?
3 Hwn fydd y tro cyntaf i lawer o’r ymwelwyr gweld y llawenydd, heddwch, ac undod sydd ymhlith pobl Jehofah. (Salm 29:11; Esei. 11:6-9; 65:13, 14) Sut bydd ymwelwyr yn teimlo ar ôl y Goffadwriaeth? Bydd y ffordd rydyn ni’n eu croesawu nhw yn effeithio ar hyn.