Gwarchoda Dy Briodas

Mae Jehofa yn cymryd addunedau priodas o ddifri. Dywedodd fod rhaid i ŵr a gwraig lynu wrth ei gilydd. (Mth 19:5, 6) Mae ’na lawer o briodasau hapus ymhlith pobl Dduw. Er hynny, does dim un briodas yn berffaith. Mae problemau yn codi. Dylen ni osgoi meddwl, fel mae llawer, y dylai cwpl wahanu neu ysgaru yn wyneb problemau. Sut gall Cristnogion priod warchod eu priodas?

Ystyria bum cam pwysig.

1. Gwarchoda dy galon drwy wrthod pethau fel fflyrtio ac adloniant anfoesol, sy’n niweidio priodas.—Mth 5:28; 2Pe 2:14.

2. Cryfha dy gyfeillgarwch â Duw, a chryfha dy ddymuniad i’w blesio yn dy briodas.—Sal 97:10.

3. Parha i wisgo’r bersonoliaeth newydd, ac i wneud pethau bach caredig a fydd yn gwneud bywyd dy gymar yn haws.—Col 3:8-10, 12-14.

4. Dal ati i gyfathrebu mewn ffordd barchus ac ystyrlon.—Col 4:6, BCND.

5. Dylai gŵr a gwraig ddangos cariad yn eu perthynas rywiol.—1Co 7:3, 4; 10:24.

Pan mae Cristnogion yn anrhydeddu priodas, maen nhw’n parchu dylunydd y briodas, Jehofa.

GWYLIA’R FIDEO WE MUST “RUN WITH ENDURANCE”—OBEY THE RULES OF THE CONTEST, AC YNA ATEBA’R CWESTIYNAU CANLYNOL:

• 

  Er gall priodas gael dechrau da, pa anawsterau a all godi?

• 

  Sut gall egwyddorion y Beibl helpu rhai sy’n teimlo eu bod nhw mewn priodas ddigariad?

• 

  Pa reolau mae Jehofa wedi eu gosod ar gyfer priodasau?

• Beth mae’n rhaid i ŵr a gwraig ei wneud er mwyn cael priodas lwyddiannus?