O’r Gaethglud ym Mabilon hyd at Ailadeiladu Muriau Jerwsalem

Ym Mabilon, digwyddodd llawer o bethau a oedd yn rhoi prawf ar ffydd yr Israeliaid. Cafodd Sadrach, Mesach, ac Abednego eu taflu i ganol ffwrnais danllyd, ond achubodd Duw eu bywydau. Ar ôl i Fabilon gael ei gorchfygu gan y Mediaid a’r Persiaid, cafodd Daniel ei fwrw i ffau’r llewod, ond rhwystrodd Duw y llewod rhag ei fwyta.

Yn y diwedd, ar orchymyn Cyrus, brenin Persia, cafodd yr Israeliaid eu rhyddhau. Saith deg mlynedd ar ôl iddyn nhw gael eu cludo’n gaethweision i Fabilon, aethon nhw yn ôl i’w mamwlad. Un o’r pethau cyntaf a wnaethon nhw ar ôl dychwelyd i Jerwsalem oedd dechrau ailadeiladu teml Jehofa. Ond yn fuan iawn, fe wnaeth gelynion lwyddo i rwystro’r gwaith. Felly, cymerodd 22 o flynyddoedd i orffen ailadeiladu’r deml.

Tua 47 o flynyddoedd ar ôl i’r deml gael ei hailadeiladu, teithiodd Esra i Jerwsalem i wneud gwaith pellach arni. Ryw 13 o flynyddoedd ar ôl hynny, trefnodd Nehemeia i ailadeiladu muriau Jerwsalem. Mae RHAN 5 yn adrodd hanes 152 o flynyddoedd.