Cân 6 (13)

Ymgysegriad Cristnogol

(Exodus 39:30)

1. Mawr Dduw Jehofah, a greodd

Ysblander gloyw’r nef;

Ysblennydd haul, y lloer a’r sêr

Yw gwaith ei fysedd ef.

Fe roddodd anadl einioes

I bob creadur byw.

Y teilyngaf Un i dderbyn mawl

A’n teyrngar addoliad yw.

2. Cysegrwyd Israel ar Sinai,

Clywch eu diffuant gri:

‘I Gyfraith lân Jehofah Dduw

Yn ufudd byddwn ni.’

Fe oedd eu priod berchennog;

Fe’u prynodd hwy o’r môr.

Llwyr ymgysegredig fyddent fyth,

Yn genedl, eiddo’r Iôr.

3. Mewn dŵr bedyddiwyd yr Iesu;

Cyflawnodd gyfiawn Air.

Yn wylaidd gwnaeth ewyllys Duw

 sêl, ffyddlondeb taer.

Pan gododd o ddŵr Iorddonen

Yn Fab eneiniog Duw,

Yn deyrngar, yn ufudd, rhoes ei fryd

Ar was’naethu’r ddynolryw.

4. O’th flaen fe ddeuwn Jehofah,

I’th enw mawr rhown glod.

Ymwadu, ymgysegru wnawn,

Ffyddlondeb llwyr yw’n nod.

Fe roist dy gyntaf-anedig

A dalodd bridwerth llawn.

Ai byw, neu ai marw, eiddo ym

I ti, Arglwydd Iôr uniawn.