Cân 42 (92)
Pregethwch â Hyder
1. Sefwch yn gadarn chi weision Duw;
Dan bwysedd Satan, anodd yw byw.
Ond gan Air Duw cadernid a gawn;
Rhannu’r gwirionedd ag eraill a wnawn.
Dymuno rydym yn ffyddlon fod,
Teyrngar bob amser—hyn yw ein nod.
Fel ’r apostolion, ffyddloniaid cu,
Byddwn yn llawen, yn gadarn a hy.
2. Llawn yw ein calon, credwn y Gair,
Gwirionedd sanctaidd traethwn yn daer.
Llwyr ymddiriedwn yn nerth ein Duw;
Cadarn fo’n ffydd er mawr her dynolryw.
Rhown ein holl sylw i’r gwaith mewn llaw;
Taenwn y neges wiw yn ddi-daw.
Yn hy pregethwn, cenhadu wnawn;
Jehofah’n Gyfaill parhaol a gawn.
3. Rhown gymorth parod i’r holl drist rai,
Yna llefarant, cânt eu cryfhau.
Mawr ofal rown i’n dymunol blant;
Wrth iddynt dyfu, ewyllys Duw wnânt.
Cysurwn rai digalon a gwan;
Dwedwn fod enw’n Duw yn guddfan.
Dros ddaear gron ein Brenin fydd ef;
Dynoliaeth fawl Duw â soniarus lef.