Cân 55 (133)

Hau Had y Deyrnas

(Mathew 13:4-8, 19-23)

1. Jehofah Goruchaf sy’n galw yn awr,

Ei weision sy’n deyrngar i’w Duw.

Dewch allan i’r gwaith ymddiriedwyd i chwi;

Dilynwch ôl troed Meistr gwiw.

Gwirionedd ein Duw yw yr had sydd i’w hau

Ar bridd da, cynhyrchiol a mân.

Os dyfalbarhewch fe gaiff Duw ei fawr glod,

Elw wnewch yn y gwaith maes â’ch rhan.

2. Fe ddaw adar Satan i fwyta yr had

Sy’n syrthio ar lwybyr di-les;

Fe syrthia peth had ar dir creigiog a sych,

Heb wreiddyn, fe wywa dan wres.

Gofalon a golud sy’n tagu yr had,

Ni thyfa oherwydd y drain.

Ond syrthio wnaiff peth had ar dir sydd yn dda,

Gan egino fe ddaw yn ei flaen.

3. I hau llawer had ar dir ffrwythlon a da

Ymdrechu yn fawr wnawn bob dydd.

 chariad, ataliwn holl adar ’r Un drwg,

A diffodd gwres erlid ar ffydd.

Rhaid cadw yn effro i reoli’r drain,

Gweithredwn â dyfalbarhad.

Mor llawen a fyddwn wrth weld ffrwyth ein gwaith

Ar ei ganfed. Mawr fydd ein boddhad.