Llyfr Duw—Trysor Yw

1. Teg lyfr sydd, ac yn ei dudalennau

Ceir gobaith byd o hedd i’r ddynolryw.

Ei gyngor mwyn weithreda’n hynod nerthol,

Datguddia inni ‘ffordd ragorach’ Duw.

Y llyfr teg hwn yw y Beibl Sanctaidd

A ddaeth i’n meddiant dros ganrifoedd maith.

Cyffrôdd yr ysbryd sanctaidd ddynion ffyddlon;

Ar gael mae’r genadwri ym mhob iaith.

2. Darllenwn ynddo hanes creadigaeth:

Cyfanfyd, Duw a greodd drwy ei nerth;

Fe luniwyd Adda’n berffaith, ond fe gollodd

Baradwys oedd o amhrisiadwy werth.

Ymhellach, hanes gawn am angel— twyllwr,

Bu iddo herio penarglwyddiaeth Duw;

O hyn i gyd daeth pechod a phob cystudd.

Ond buddugoliaeth buan gaiff ein Llyw.

3. Mae gennym reswm mawr dros fod yn llawen:

‘Teyrnasoedd byd a ddaeth yn eiddo Crist;

I Dduw Jehofa perthyn gwaredigaeth.’

Hyn glyw y sawl a rydd i’r Gair ei glust.

Byw wnawn yn ôl canllawiau’r Trysor Bywiol;

Ymborthi gawn ar gysegredig faeth.

Tangnefedd Duw a warchod ein calonnau.

Hyd gyrrau’r byd rhyfeddol lewyrch aeth.