Dewch i Fynydd Jehofa

1. Gwelwch fynydd ein Duw,

Uwch na’r bryniau oll y mae;

Hawddgar a dyrchafedig,

Teg olygfa, diau.

Pobloedd lawer a ddônt

O bob gwlad, o fôr i fôr;

Annog a wnânt ei gilydd,

‘Down, addolwn fawr Iôr.’

‘Daeth yr amser,’ medd Duw,

‘Imi dywallt bendithion o’r nef;

Daw’r lleiafrif yn llwyth,

A’r ychydig yn genedl gref.’

Cais miliynau yn awr

Benarglwyddiaeth graslon Dduw;

Safant gerbron Jehofa,

Torf heddychol a thriw.

2. Crist, gorchymyn a roes,

‘Ewch, cyhoeddwch newydd da.’

Traethwn am hyfryd Deyrnas,

Lles ei threfn a barha.

Crist deyrnasa. I’w lef

Addfwyn rai ymateb wnânt.

Ceisio y maent gyfiawnder

Uwch i’w teulu a’u plant.

Tyrfa fawr i’w grym ddaeth!

Torf ryfeddol ei min, amliaith!

Taenu’r Gair, mawr yw’n gwaith;

Ein lleferydd i’r holl fyd a aeth.

Clyw’r ddynoliaeth ein llef,

‘Dewch i fynydd sanctaidd Jah,

Profwch fawr les cyfundrefn

Iôr daionus a da.’