Beth Yw Teyrnas Dduw?

MAE’R BEIBL YN DWEUD:

“Bydd Duw’r nefoedd yn sefydlu teyrnas fydd byth yn cael ei dinistrio.”—Daniel 2:44, beibl.net.

“[Mae] mab wedi cael ei roi i ni. Bydd e’n cael y cyfrifoldeb o lywodraethu.”—Eseia 9:6.

MAE HYNNY’N GOLYGU

• Llywodraeth gyfiawn sy’n gallu gwella ein bywydau heddiw.—Eseia 48:17, 18.

• Iechyd perffaith a bywyd hapus mewn byd newydd yn y dyfodol.—Datguddiad 21:3, 4.

OND ALLWN NI GREDU BETH MAE’R BEIBL YN EI DDWEUD?

Gallwn, am o leiaf ddau reswm:

• Dangosodd Iesu beth bydd y Deyrnas yn ei gyflawni. Dysgodd Iesu i’w ddilynwyr weddïo am i Deyrnas Dduw ddod ac am i ewyllys Duw gael ei wneud ar y ddaear. (Mathew 6:9, 10) Dangosodd Iesu sut bydd y weddi honno yn cael ei hateb.

  Pan oedd Iesu ar y ddaear, fe roddodd fwyd i bobl oedd yn llwgu, iachaodd bobl sâl, ac atgyfododd y meirw! (Mathew 15:29-38; Ioan 11:38-44) Fel yr un a fydd yn frenin ar Deyrnas Dduw, rhoddodd Iesu ragflas hyfryd inni o’r hyn a wna’r Deyrnas ar gyfer pobl ar y ddaear.—Datguddiad 11:15.

• Mae cyflwr y byd yn dangos bod Teyrnas Dduw ar fin dod. Dywedodd Iesu y byddai cyfnod o ryfeloedd, newyn, a daeargrynfeydd ofnadwy cyn i’r Deyrnas ddod â heddwch i’r byd.—Mathew 24:3, 7.

  Dyna’n union beth rydyn ni’n ei weld heddiw. Felly, gallwn fod yn gwbl sicr y bydd Teyrnas Dduw yn dod â’r holl broblemau hyn i ben.