CÂN 14
Clodfori Brenin Newydd y Ddaear
(Salm 2:12)
1. Mae pobl o bob llwyth ac iaith
yn dod ynghyd yn dyrfa,
Eu casglu hwy i Grist y mae’r
eneiniog gynulleidfa.
Yn Frenin dros holl ddynol ryw,
Crist Iesu wna ewyllys Duw.
Heb os, gobaith amhrisiadwy yw.
Gwyn ein byd; Duw yw ein noddfa.
(CYTGAN)
Clod i’n Duw, Jehofa; Clod i’w Fab, Crist Iesu—
Brenin brenhinoedd yn awr yw ef.
Anrhydeddu wnawn ein Harglwydd, y Crist,
Yn unol drwy’r ddae’r a’r nef.
2. Clodforwn Grist â llawen gân,
moliannwn ei frenhiniaeth.
Tywysog Hedd, a Barnwr yw,
trwy ef cawn iachawdwriaeth.
Llawenydd mawr o’n blaen nawr sydd—
Y ddaear fel gardd Eden fydd,
A bywyd i’r meirwon, ef a rydd.
Gwyn ei byd yr holl ddynoliaeth!
(CYTGAN)
Clod i’n Duw, Jehofa; Clod i’w Fab, Crist Iesu—
Brenin brenhinoedd yn awr yw ef.
Anrhydeddu wnawn ein Harglwydd, y Crist,
Yn unol drwy’r ddae’r a’r nef.
(Gweler hefyd Salm 2:6; 45:1; Esei. 9:6; Ioan 6:40.)