Ein Heddwch

1. Canwch i Jehofa fawl,

Duw tangnefedd yw.

Rhyfel ddaw i ben drwy law

Ein heddychlon Dduw.

Buddugoliaeth gaiff ei Fab,

Tirion Lyw a gawn.

Gan ‘Dywysog Heddwch,’ Crist,

Hedd hyd byth fwynhawn.

2. Curon ni ein gwaywffyn

A’n rhyfelgar gledd

Yn faddeugar eiriau’n llawn

Tangnefeddus hedd.

Er mwyn cadw’r heddwch hwn,

Hybu heddwch rhaid.

Gyda phraidd Crist Iesu gwnawn

Ddilyn ôl ei draed.

3. Rhown yr heddwch hwn ar waith,

Heuwn hadau hedd.

Y mae’r heddwch hwn i’w weld

Ar ein pryd a’n gwedd.

Tangnefeddus fyddwn ni

Wrth ddyrchafu’r Gwir,

A chyn hir, tawelwch gawn—

Byd llawn heddwch pur.