GWERS 14

Gwneud i’r Prif Bwyntiau Sefyll Allan

Hebreaid 8:1

CRYNODEB: Helpa dy gynulleidfa i ddilyn trywydd dy anerchiad ac eglura sut mae pob prif bwynt yn cysylltu â nod a thema’r anerchiad.

Gosoda dy nod. Ystyria ai rhoi gwybodaeth, ceisio argyhoeddi, neu annog dy gynulleidfa i weithredu yw nod dy anerchiad. Datblyga’r anerchiad wedyn gan sicrhau bod pob prif bwynt yn cyfrannu at y nod hwnnw.

Gofynna: ‘Pa gwestiynau neu wrthwynebiadau fydd gan fy nghynulleidfa am y pwnc? Ym mha drefn resymegol y byddan nhw’n debyg o godi’r cwestiynau neu’r gwrthwynebiadau hynny?’ Yna cyflwyna dy bwyntiau yn y drefn honno, fel bod dy gynulleidfa’n gallu dilyn, deall, a derbyn y wybodaeth.
Pwysleisia thema dy anerchiad. Cyfeiria at y thema drwy gydol dy anerchiad gan ailadrodd geiriau allweddol y thema neu drwy ddefnyddio geiriau cyfystyr.
Cadwa’r prif bwyntiau’n glir ac yn syml. Dewisa ddim ond y prif bwyntiau sy’n berthnasol i’r thema ac y gelli di eu dysgu yn effeithiol yn yr amser penodedig. Paid â chynnwys gormod o brif bwyntiau. Dyweda’n eglur beth yw pob prif bwynt, seibia rhyngddyn nhw, a symuda’n esmwyth o un prif bwynt i’r nesaf.

Fe elli di ddewis rhestru’r prif bwyntiau ar y dechrau er mwyn helpu dy gynulleidfa i ddilyn dy anerchiad, neu eu hailadrodd ar y diwedd i helpu dy gynulleidfa i’w cofio.