GWERS 08
Gallwch Chi Fod yn Ffrind i Jehofa
Mae Jehofa eisiau ichi ei adnabod yn well. Pam? Mae’n gobeithio y byddwch chi eisiau bod yn ffrind iddo ar ôl ichi ddysgu am ei bersonoliaeth, ei ffyrdd, a’i bwrpas. Ond a ydy hi’n bosib ichi fod yn ffrind i Dduw? (Darllenwch Iago 2:23.) Beth gallwch chi ei wneud er mwyn dod yn ffrind i Dduw? Mae’r Beibl yn ateb y cwestiynau hynny ac yn dangos pam mai cyfeillgarwch â Jehofa yw’r berthynas bwysicaf.
1. Pa wahoddiad mae Jehofa yn ei roi i chi?
“Nesewch at Dduw ac fe fydd yntau’n nesáu atoch chi.” (Iago 4:8) Beth mae hyn yn ei feddwl? Mae Jehofa yn eich gwahodd chi i fod yn ffrind iddo. Mae’n anodd i rai ddychmygu bod yn ffrind i rywun na allan nhw ei weld, heb sôn am fod yn ffrind i Dduw. Ond yn y Beibl, mae Jehofa yn rhoi’r holl wybodaeth sydd ei angen er mwyn inni nesáu ato. Wrth inni ddarllen neges Duw yn y Beibl, bydd ein cyfeillgarwch â Jehofa yn tyfu, er nad ydyn ni’n ei weld.
2. Pam mai Jehofa yw’r ffrind gorau y gallwch chi ei gael?
Nid oes neb yn eich caru yn fwy nag y mae Jehofa yn eich caru chi. Mae eisiau ichi fod yn hapus a throi ato pryd bynnag mae angen help arnoch chi. Gallwch “fwrw eich holl bryder arno ef, oherwydd ei fod yn gofalu amdanoch chi.” (1 Pedr 5:7) Mae Jehofa bob amser yn barod i gefnogi, i gysuro, ac i wrando ar ei ffrindiau.—Salm 94:18, 19.
3. Beth mae Jehofa yn ei ddisgwyl gan ei ffrindiau?
Mae gan Jehofa gariad tuag at bawb, “ond mae ganddo berthynas glòs gyda’r rhai sy’n onest.” (Diarhebion 3:32) Mae Jehofa yn disgwyl i’w ffrindiau geisio gwneud beth sy’n dda yn ei olwg ef, ac osgoi pethau drwg. Efallai bydd rhai yn teimlo na allan nhw gyrraedd safonau Jehofa o ran da a drwg. Ond mae Jehofa yn Dduw trugarog. Y mae’n derbyn pawb sy’n Ei garu ac sy’n gwneud eu gorau glas i’w blesio.—Salm 147:11; Actau 10:34, 35.
CLODDIO’N DDYFNACH
Dysgwch fwy am sut gallwch chi ddod yn ffrind i Jehofa a pham mai Ef yw’r ffrind gorau y gallwch chi ei gael.
4. Roedd Abraham yn ffrind i Jehofa
Mae hanes Abraham (a elwid hefyd yn Abram) yn rhoi cipolwg inni ar beth mae’n ei feddwl i fod yn ffrind i Dduw. Darllenwch am Abraham yn Genesis 12:1-4. Yna trafodwch y cwestiynau hyn:
Beth gofynnodd Jehofa i Abraham ei wneud?
Beth addawodd Jehofa i Abraham?
Beth oedd ymateb Abraham i gyfarwyddiadau Jehofa?
5. Beth mae Jehofa yn ei ofyn gan ei ffrindiau?
Fel arfer, mae ’na bethau sy’n bwysig inni mewn ffrind.
Pa bethau rydych chi’n hoffi i’ch ffrindiau eu gwneud i chi?
Darllenwch 1 Ioan 5:3, ac yna trafodwch y cwestiwn hwn:
Beth mae Jehofa yn ei ddisgwyl gan ei ffrindiau?
Er mwyn plesio Jehofa, efallai bydd yn rhaid inni newid ein hymddygiad neu ein personoliaeth. Darllenwch Eseia 48:17, 18, ac yna trafodwch y cwestiwn hwn:
Pam mae Jehofa yn gofyn i’w ffrindiau wneud newidiadau?
Bydd ffrind da yn ein hatgoffa ni am bethau sydd o fudd i ni ac a fydd yn ein hamddiffyn. Mae Jehofa yn gwneud yr un peth ar gyfer ei ffrindiau ef
6. Beth mae Jehofa yn ei wneud i helpu ei ffrindiau?
Mae Jehofa yn helpu ei ffrindiau i ymdopi â’u problemau. Gwyliwch y FIDEO, ac yna trafodwch y cwestiwn sy’n dilyn.
Sut mae Jehofa wedi helpu’r ddynes yn y fideo i ymdopi â’i meddyliau negyddol a’i hemosiynau?
Darllenwch Eseia 41:10, 13, ac yna trafodwch y cwestiynau hyn:
Beth mae Jehofa yn addo ei wneud dros bob un o’i ffrindiau?
Ydych chi’n meddwl y byddai Jehofa yn Ffrind da i chi? Pam?
Bydd ffrindiau agos yno pan fydd angen help arnoch chi. Bydd Jehofa yn eich helpu chi hefyd
7. I fod yn ffrind i Jehofa mae angen cyfathrebu
Mae cyfathrebu yn cryfhau cyfeillgarwch. Darllenwch Salm 86:6, 11, ac yna trafodwch y cwestiynau hyn:
Sut gallwn ni gyfathrebu â Jehofa?
Sut mae Jehofa yn cyfathrebu â ni?
Rydyn ni’n siarad â Jehofa mewn gweddi; mae ef yn siarad â ni trwy’r Beibl
BYDD RHAI YN DWEUD: “Mae’n amhosib bod yn agos at Dduw.”
Pa adnod byddech chi’n ei defnyddio i ddangos y gallwn fod yn ffrind i Jehofa?
CRYNODEB
Mae Jehofa yn dymuno bod yn ffrind i chi ac fe fydd yn eich helpu chi i nesáu ato.
Adolygu
Sut mae Jehofa yn helpu ei ffrindiau?
Pam mae Jehofa yn gofyn i’w ffrindiau wneud newidiadau?
Ydych chi’n meddwl bod Jehofa yn disgwyl gormod gan ei ffrindiau? Pam, neu pam ddim?
DARGANFOD MWY
Sut gall bod yn ffrind i Dduw newid eich bywyd?
“Jehofa—Duw y Mae’n Werth ei Adnabod” (Y Tŵr Gwylio, Chwefror 15, 2003)
Dysgwch sut gallwch chi ddod yn ffrind i Dduw.
Gwelwch pam mae un ddynes yn teimlo bod ei chyfeillgarwch â Jehofa wedi achub ei bywyd.
Clywch sut mae pobl yn eu harddegau yn teimlo am Jehofa.