Gwybodaeth ar Gyfer Cynadleddwyr

BEDYDD Oni nodir yn wahanol, cedwir seddi ar gyfer ymgeiswyr bedydd o flaen y llwyfan. Dylai ymgeiswyr bedydd fynd i’r seddi hyn cyn i’r anerchiad bedydd ddechrau ar fore Sadwrn. Dylai pob ymgeisydd ddod â thywel a dillad nofio gweddus.

CYFRANIADAU Mae llogi canolfan gyda digon o seddi, a threfnu system sain, offer fideo, a chyfleusterau eraill, yn costio swm sylweddol, ond mae’r trefniadau hyn yn ein helpu ni i fwynhau’r gynhadledd ac i agosáu at Jehofa. Mae eich cyfraniadau gwirfoddol yn helpu i dalu’r costau hyn ac yn cefnogi’r gwaith byd-eang. Er cyfleuster, mae blychau o gwmpas yr adeilad, wedi eu labelu’n glir. Ond os yw’n bosib, plîs cyfrannwch ar-lein drwy ddefnyddio donate.jw.org. Gwerthfawrogir pob cyfraniad. Mae’r Corff Llywodraethol yn diolch ichi am gefnogi gwaith y Deyrnas.

CYMORTH CYNTAF Mae hyn ar gyfer achosion brys yn unig.

EIDDO COLL Ewch ag unrhyw eitemau sydd wedi eu gadael ar ôl i’r Adran Eiddo Coll. Os ydych chi’n colli rhywbeth, ewch i’r adran hon i’w gasglu. Dylid mynd â phlant sydd wedi crwydro o’u rhieni ac sydd ar goll i’r adran hon. Ond er mwyn osgoi pryder di-angen i bawb, gofalwch am eich plant a’u cadw nhw gyda chi.

GWASANAETHWYR Mae’r gwasanaethwyr yno i’ch helpu. Plîs dilynwch eu cyfarwyddiadau ynglŷn â pharcio, mynd i mewn ac allan o’r adeilad, cadw seddi, a materion eraill.

GWIRFODDOLI Os hoffech chi helpu gyda’r gwaith sy’n mynd ymlaen yn ystod y gynhadledd, ewch i’r Adran Wybodaeth a Gwirfoddoli.

SEDDI Byddwch yn ystyriol. Cofiwch, cewch gadw seddi dim ond ar gyfer eich teulu agos, y rhai sy’n teithio yn yr un car â chi, sy’n byw yn yr un tŷ â chi, neu sy’n astudio’r Beibl gyda chi. Peidiwch â rhoi eich eiddo ar seddi nad ydych chi am eu defnyddio.

Trefnir gan Gorff Llywodraethol Tystion Jehofa