Blwch Cwestiynau

◼ Beth y mae angen i blant ei ddysgu er mwyn iddyn nhw dyfu’n ysbrydol aeddfed?

Mae rhieni Cristnogol yn gwneud llawer i fagu eu plant ‘yn nisgyblaeth a hyfforddiant Jehofah.’ (Eff. 6:4) Er enghraifft, mae rhieni wedi canfod ei bod hi’n fuddiol i ddarllen a thrafod testun y dydd gyda’u plant bob bore. Yn ystod addoliad teuluol, ac ar adegau eraill, gall teuluoedd wylio a thrafod fideos gyda’i gilydd, trafod pynciau addas o’r erthyglau Young People Ask, actio allan hanesion o’r Beibl, neu gael sesiynau ymarfer. Ond, er mwyn “mynd ymlaen at y tyfiant llawn,” mae angen i blant ddysgu gwirioneddau dyfnach y Beibl.—Heb. 6:1.

Meddyliwch am yr hyn rydyn ni’n ei ddysgu i eraill yn ein tiriogaeth. Rydyn ni’n ceisio dechrau astudiaethau un ai ar yr alwad gyntaf, neu ar ôl hynny, yn y llyfr Beth Mae’r Beibl yn ei Wir Ddysgu? Ar ôl cwblhau’r llyfr, mae’r deiliad yn astudio “Cadwch Eich Hunain yng Nghariad Duw.” Pam? Mae’r llyfr Beibl Ddysgu yn cynnwys gwybodaeth sylfaenol am y Beibl. Mae’r llyfr ‘Cariad Duw’ yn dangos sut i roi egwyddorion y Beibl ar waith mewn bywyd bob dydd. Felly, mae astudio’r ddau lyfr yn helpu’r deiliad i wreiddio ei hun yng Nghrist ac i sefydlogi ei hun yn y ffydd. (Col. 2:6, 7) Onid yw’r wybodaeth hon yn fuddiol i’n plant hefyd? Mae angen iddyn nhw wybod am y pridwerth, y Deyrnas, a chyflwr y meirw. Mae plant angen gwybod pam mae Duw yn caniatáu dioddefaint a sut i gydnabod ein bod ni’n byw yn nyddiau olaf y system hon. Mae angen iddyn nhw fod yn sicr bod gan Dystion Jehofah y gwir. Hefyd, mae’n bwysig bod pobl ifanc yn deall egwyddorion y Beibl a sut i hyfforddi eu “synhwyrau . . . i farnu rhwng da a drwg.” (Heb. 5:14) Wrth gwrs, mae rhieni angen ystyried oedran y plant a’u dealltwriaeth. Sut bynnag, mae gan lawer o blant y gallu i ddysgu gwirioneddau dyfnach y Beibl o oed eithaf ifanc.—Luc 2:42, 46, 47.