Hogi Ein Sgiliau yn y Weinidogaeth—Tystiolaethu Mewn Tiriogaeth Fusnes

Pam Mae’n Bwysig? Gan fod llawer o bobl yn gweithio oriau hir, yn aml y ffordd orau o’u cyrraedd nhw yw tystiolaethu iddyn nhw yn y gweithle. Gall tystiolaethu ar diriogaeth fusnes fod yn hwyl ac yn llwyddiannus oherwydd nid oes angen poeni na fydd pobl gartref, ac mae gweithwyr yn dueddol o fod yn gwrtais i’r rhai sy’n edrych fel cwsmeriaid. Er mwyn bod yn effeithiol, mae’n rhaid i gyhoeddwyr fod yn ddoeth a gwisgo mewn modd sy’n dod â chlod i Dduw. (2 Cor. 6:3) Felly, dylai’r arolygwr gwasanaeth rhoi sylw manwl i ba mor aml y mae’r diriogaeth yn cael ei gweithio, a chan bwy.

Sut i Fynd Ati?

Paratowch gyflwyniad byr. Os ydyn ni’n cymryd gormod o amser y gweithiwr, efallai ni chawn gyfle i siarad ag ef yn y dyfodol.
Dewiswch amser sy’n eithaf tawel i ymweld â’r busnes, efallai yn syth ar ôl iddo agor.
Ceisiwch siarad yn gyntaf â’r rheolwr. Byddwch yn gyfeillgar ac yn gynnes. Mae’n bosibl dweud: “Mae’n anodd dod o hyd i bobl fusnes gartref, felly rydyn ni wedi dod yma i’ch gweithle.” Rhowch gyflwyniad byr, a chynigiwch daflen, cylchgronau, neu ryw lenyddiaeth arall. Oni bai bod rhywun yn holi am y drefn cyfrannu, gwell fyddai peidio â gofyn am gyfraniad rhag ofn iddyn nhw feddwl ein bod ni yno i werthu rhywbeth.
Os yw’r rheolwr yn gyfeillgar, gofynnwch am ganiatâd i siarad yn fyr â’r gweithwyr eraill. Mewn rhai busnesau, efallai byddai’n well i ofyn a oes modd gadael llenyddiaeth yn yr ystafell egwyl.
Byddwch yn ddoeth ac yn hyblyg. Er enghraifft, os yw un o’r gweithwyr yn siarad â chwsmer, neu’n brysur, arhoswch nes iddo orffen cyn mynd ato.

Rhowch Gynnig ar Hyn yn Ystod y Mis:

Yn ystod eich noson Addoliad Teuluol nesaf, rhowch gynnig ar ymarfer cyflwyniad byr y gallwch ei ddefnyddio os ydych chi’n gweithio tiriogaeth fusnes.