Wyt Ti’n Defnyddio JW Library?

Ap (rhaglen gyfrifiadurol) am ddim yw JW Library. Mae’n dy alluogi di i lawrlwytho ein llenyddiaeth, fideos, clipiau sain, a’r Beibl i dy ffôn, tabled, neu dy gyfrifiadur.

SUT I GAEL HYD IDDO: Cysyllta â’r we, a defnyddia dy siop apiau i lawrlwytho JW Library. Mae’r ap ar gael ar amryw o ddyfeisiau. Tra bo cysylltiad we ar gael, agora’r ap a dewisa beth rwyt ti eisiau ei lawrlwytho i dy ddyfais. Os nad wyt ti’n medru cysylltu â’r we gartref, efallai bod modd gwneud hynny yn Neuadd y Deyrnas, llyfrgell gyhoeddus, neu gaffi. Unwaith mae’r llenyddiaeth wedi ei lawrlwytho i dy ddyfais, nid oes angen cysylltiad â’r we i’w defnyddio. Gan fod yr ap JW Library yn cael ei ddiweddaru’n aml, dylet ti gysylltu â’r we o bryd i’w gilydd a diweddaru’r ap.

PAM DEFNYDDIO’R AP? Mae JW Library yn medru hwyluso astudiaeth bersonol ac mae’n ddefnyddiol ar gyfer dilyn y cyfarfodydd. Mae’r ap hefyd yn ddefnyddiol ar y weinidogaeth, yn enwedig wrth dystiolaethu’n anffurfiol.