Gwylia Rhag Lledaenu Celwyddau

Heddiw, gall gwybodaeth gael ei lledaenu i filiynau o bobl yn gyflym iawn ar y Rhyngrwyd, y teledu, y radio, ac mewn print. Dydy’r rhai sy’n addoli ‘Duw y gwirionedd’ ddim eisiau lledaenu gwybodaeth ffals, hyd yn oed yn anfwriadol. (Sal 31:5, BC; Ex 23:1) Gall lledaenu celwyddau achosi niwed mawr. I weld a ydy rhywbeth yn wir neu beidio, gofynna i ti dy hun:

• ‘Ydy’r ffynhonnell yn ddibynadwy?’ Efallai dydy’r un sy’n adrodd y stori ddim yn gwybod y ffeithiau i gyd. Pan fydd straeon yn cael eu hailadrodd o un person i’r llall, maen nhw’n siŵr o newid. Felly, bydda’n ofalus pan na fedri di gadarnhau tarddiad y stori. Gan fod y rhai sydd â breintiau yn y gynulleidfa yn ffynonellau dibynadwy, dylen nhw fod yn ofalus iawn i beidio ag ailadrodd gwybodaeth sydd heb ei chadarnhau

• ‘Ydy’r wybodaeth yn enllibus?’ Os ydy’r wybodaeth yn pardduo enw da person neu grŵp, byddai’n well beidio â’i hailadrodd.—Dia 18:8; Php 4:8

• ‘Ydy’r stori’n gredadwy?’ Troedia’n ofalus pan fyddi di’n clywed straeon neu brofiadau syfrdanol

GWYLIA’R FIDEO SUT GALLA’ I OSGOI HEL CLECS? AC YNA ATEBA’R CWESTIYNAU CANLYNOL:

• 

  Yn ôl Diarhebion 12:18, pa niwed gall geiriau ei achosi?

• 

  Sut mae Philipiaid 2:4 yn ein helpu ni i gael agwedd gytbwys wrth siarad am eraill?

• 

  Beth dylen ni ei wneud pan fydd sgwrs am eraill yn troi’n sarcastig neu’n negyddol?

• 

  Cyn dechrau siarad am bobl eraill, pa gwestiynau dylen ni eu gofyn?