Addoli Delwau—Beth Mae’r Beibl yn ei Ddweud?

Yn ôl y Gwasanaeth Newyddion Catholig, yn ystod seremoni ym Masilica Sant Pedr a gynhaliwyd ar Fawrth 25, 2022, safodd y Pab Francis gerbron cerflun o’r Forwyn Fair gyda’i “lygaid ar gau a’i ben wedi’i ymgrymu mewn gweddi ddistaw.” Aeth ati i “erfyn ar Fair” am heddwch. Ychwanegodd adroddiad newyddion o’r Fatican fod “y Pab wedi gweddïo’r Weithred o Gysegru’r ddynoliaeth, yn enwedig ar ran Rwsia ac Wcráin, a’r weddi honno yn cael ei chyfeirio at Galon Ddifrycheulyd Mair.”

Beth yw eich barn chi? Ydy hi’n briodol i weddïo gerbron delwau neu i’w defnyddio yn ein haddoliad? Ystyriwch yr adnodau canlynol:

• “Paid cerfio eilun i’w addoli—dim byd sy’n edrych fel unrhyw aderyn, anifail na physgodyn. Paid plygu i lawr a’u haddoli nhw. Dw i, yr ARGLWYDD dy Dduw di, yn Dduw eiddigeddus.”—Exodus 20:4, 5.

• “Dydy eu heilunod nhw’n ddim ond arian ac aur wedi eu siapio gan ddwylo dynol. Mae ganddyn nhw gegau, ond allan nhw ddim siarad; llygaid, ond allan nhw ddim gweld; clustiau, ond allan nhw ddim clywed; trwynau, ond allan nhw ddim arogli; dwylo, ond allan nhw ddim teimlo; traed, ond allan nhw ddim cerdded; a dydy eu gyddfau ddim yn gallu gwneud sŵn! Mae’r bobl sy’n eu gwneud nhw, a’r bobl sydd yn eu haddoli nhw, yn troi’n debyg iddyn nhw!”—Salm 115:4-8.

• “Myfi yw Jehofah: Dyna yw fy enw, a’m gogoniant i arall ni roddaf: Na’m mawl i ddelwau.”—Eseia 42:8, Jenkins a Herbert Morgan.a

• “Ffowch oddi wrth addoli eilun-dduwiau.”—1 Corinthiaid 10:14.

• “Ymgadwch rhag eilunod.”—1 Ioan 5:21, Beibl Cymraeg Newydd Diwygiedig.

Am fwy o wybodaeth ynglŷn â’r hyn mae’r Beibl yn ei ddweud am ddefnyddio eilunod wrth addoli, darllenwch yr erthygl “The Bible’s Viewpoint—Images” neu gwyliwch y fideo Ydy Duw’n Cymeradwyo Defnyddio Eilunod Wrth Addoli?

Efallai bydd gynnoch chi ddiddordeb i weld beth sydd gan y Beibl i’w ddweud am y pynciau hyn:

• “Y Forwyn Fair—Beth Mae’r Beibl yn ei Ddweud Amdani?”

• “Should You Pray to the Virgin Mary?”

• “Miracles and Apparitions—Signs From God?”

• “Heddwch ar y Ddaear—Sut Bydd yn Cael ei Sefydlu?”

Cydnabod Ffotograffau: Vincenzo Pinto/AFP via Getty Images