Pa Arweinydd Byddwch Chi’n Ei Ddewis?—Beth Mae’r Beibl yn ei Ddweud?

Mae pobl yn gwneud penderfyniadau pwysig am eu harweinwyr.

Beth mae’r Beibl yn ei ddweud?

Dim ond hyn a hyn gall arweinwyr dynol ei wneud

Mae’r Beibl yn nodi un terfyn arbennig sydd ar bob arweinydd dynol.

• “Paid trystio’r rhai sy’n teyrnasu​—dyn meidrol sydd ddim yn gallu achub. Mae’r anadl yn mynd allan ohono, ac mae’n mynd yn ôl i’r pridd; a’r diwrnod hwnnw mae ei holl bolisïau yn dod i ben!”—Salm 146:3, 4.

Bydd hyd yn oed yr arweinwyr gorau yn marw yn y pen draw. Ac ni allan nhw sicrhau y bydd y rhai sydd yn eu dilyn yn parhau â’r gwaith da.—Pregethwr 2:18, 19.

Yn ôl y Beibl, nid oedd Duw yn bwriadu i fodau dynol reoli eu hunain.

• “[Ni] all pobl reoli eu bywydau. Dŷn nhw ddim yn gallu trefnu beth sy’n mynd i ddigwydd.”—Jeremeia 10:23.

A oes unrhyw un yn gallu bod yn arweinydd da heddiw?

Arweinydd wedi ei benodi gan Dduw

Mae’r Beibl yn esbonio bod Duw wedi penodi arweinydd galluog y gallwn ymddiried ynddo’n llwyr: Iesu Grist. (Salm 2:6) Iesu ydy Brenin Teyrnas Dduw, sef llywodraeth sydd yn rheoli o’r nef.—Mathew 6:10.

A fyddwch chi’n dewis Iesu’n arweinydd? Mae’r Beibl yn dangos pam mae gwneud hynny mor bwysig:

• “Plygwch, a thalu teyrnged i’r mab [Iesu Grist]; neu bydd [Duw] yn digio a cewch eich difa pan fydd yn dangos mor ddig ydy e. Mae pawb sy’n troi ato am loches wedi eu bendithio’n fawr!”—Salm 2:12.

Mae’n amser penderfynu. Mae proffwydoliaethau’r Beibl yn dangos bod Iesu wedi dechrau rheoli yn y flwyddyn 1914, a bod Teyrnas Dduw yn mynd i ddisodli pob llywodraeth ddynol yn fuan.—Daniel 2:44.

I ddysgu mwy am sut gallwch chi gefnogi Iesu fel arweinydd, darllenwch yr erthygl “Dewiswch Gefnogi Teyrnas Dduw Nawr!”