Ydy Gamblo yn Bechod?

Ateb y Beibl

Er nad ydy’r Beibl yn trafod gamblo yn fanwl, mae egwyddorion Beiblaidd yn dangos bod gamblo yn bechod o safbwynt Jehofa.​—Effesiaid 5:​17.a

• Mae gamblo yn cael ei gymell gan drachwant, neu agwedd farus. Mae Duw yn casáu agwedd o’r fath. (1 Corinthiaid 6:​9, 10; Effesiaid 5:​3, 5) Er mwyn i gamblwyr ennill arian, mae’n rhaid i bobl eraill ei golli, ond mae’r Beibl yn condemnio dymuno’r hyn sy’n perthyn i eraill.​—Exodus 20:17; Rhufeiniaid 7:7; 13:​9, 10.

• Mae gamblo, hyd yn oed am ychydig bach o arian, yn gallu arwain at y fagl niweidiol o garu arian.​—1 Timotheus 6:​9, 10.

• Mae gamblwyr yn aml yn dibynnu ar ofergoelion neu ar lwc. Ond mae Duw yn ystyried daliadau o’r fath fel eilunaddoliaeth sy’n hollol groes i wir addoliad.​—Eseia 65:11.

• Yn hytrach na hyrwyddo’r awydd i gael rhywbeth am ddim, mae’r Beibl yn annog pobl i weithio’n galed. (Pregethwr 2:​24; Effesiaid 4:​28) Mae’r rhai sy’n dilyn cyngor y Beibl yn gallu “bwyta bwyd y maen nhw eu hunain wedi ei ennill.”​—2 Thesaloniaid 3:​10, 12, tdn.

• Mae gamblo yn gallu creu ysbryd cystadleugar, ac mae hynny’n cael ei gondemnio yn y Beibl.​—Galatiaid 5:​26.