GWERS 18
Sut i Adnabod Gwir Gristnogion
Mae biliynau o bobl yn dweud eu bod yn Gristnogion. Ond dydyn nhw ddim i gyd yn credu’r un fath, nac yn byw yn ôl yr un safonau. Felly sut gallwn ni adnabod gwir Gristnogion?
1. Beth yw Cristion?
Mae Cristnogion yn ddisgyblion neu ddilynwyr Iesu Grist. (Darllenwch Actau 11:26.) Sut maen nhw’n profi hynny? Dywedodd Iesu: “Os gwnewch chi aros yn fy ngair, rydych chi’n wir yn ddisgyblion imi.” (Ioan 8:31) Felly mae gwir Gristnogion yn dilyn dysgeidiaeth Iesu. Ac fel roedd Iesu’n dibynnu ar yr Ysgrythurau am ei ddysgeidiaeth, mae gwir Gristnogion yn seilio eu credoau ar y Beibl.—Darllenwch Luc 24:27.
2. Sut mae gwir Gristnogion yn dangos cariad?
Dywedodd Iesu wrth ei ddilynwyr: “Dyma fy ngorchymyn, eich bod chi’n caru eich gilydd yn union fel rydw innau wedi eich caru chi.” (Ioan 15:12) Sut dangosodd Iesu ei fod yn caru ei ddisgyblion? Treuliodd amser gyda nhw, yn eu calonogi ac yn eu helpu. Rhoddodd ei fywyd drostyn nhw. (1 Ioan 3:16) Yn yr un modd, mae gwir Gristnogion yn gwneud mwy na siarad am gariad. Maen nhw’n dangos eu cariad mewn gair a gweithred.
3. Pa waith mae gwir Gristnogion yn ei wneud?
Rhoddodd Iesu waith i’w ddisgyblion. “Fe wnaeth eu hanfon nhw allan i bregethu Teyrnas Dduw.” (Luc 9:2) Roedd y Cristnogion cynnar yn pregethu, nid yn unig yn eu mannau addoli, ond hefyd mewn mannau cyhoeddus, a chartrefi. (Darllenwch Actau 5:42; 17:17.) Heddiw mae gwir Gristnogion hefyd yn cyhoeddi gwirioneddau’r Beibl le bynnag mae pobl i’w cael. Maen nhw’n caru eu cymdogion ac felly maen nhw’n hapus i roi o’u hamser a’u hegni i rannu’r gobaith a’r cysur sydd yn y Beibl.—Marc 12:31.
CLODDIO’N DDYFNACH
Ystyriwch sut mae gwir Gristnogion yn wahanol i’r rhai nad ydyn nhw’n dilyn dysgeidiaeth ac esiampl Iesu.
4. Maen nhw’n chwilio’r Beibl i gael hyd i’r gwir
Roedd y Cristnogion cynnar yn gweld gwerth Gair Duw
Nid yw pawb sy’n honni eu bod yn Gristnogion yn gweld gwerth yng ngwirioneddau’r Beibl. Gwyliwch y FIDEO, ac yna trafodwch y cwestiwn sy’n dilyn.
Sut mae rhai eglwysi sy’n honni eu bod yn Gristnogion wedi methu dysgu’r hyn yr oedd Iesu yn ei ddysgu?
Gair Duw oedd sail dysgeidiaeth Iesu. Darllenwch Ioan 18:37, ac yna trafodwch y cwestiwn hwn:
Yn ôl Iesu, sut gallwn ni adnabod Cristnogion “sydd ar ochr y gwir”?
5. Maen nhw’n cyhoeddi gwirioneddau’r Beibl
Roedd y Cristnogion cynnar yn cyhoeddi’r newyddion da
Cyn i Iesu fynd yn ôl i’r nef, rhoddodd dasg i’w ddilynwyr sy’n parhau hyd heddiw. Darllenwch Mathew 28:19, 20 ac Actau 1:8, ac yna trafodwch y cwestiwn hwn:
Pa mor bell byddai’r gwaith pregethu’n cyrraedd?
6. Maen nhw’n byw eu pregeth
Beth a wnaeth i ddyn o’r enw Tom gredu ei fod wedi dod o hyd i wir Gristnogaeth? Gwyliwch y FIDEO, ac yna trafodwch y cwestiynau sy’n dilyn.
Yn y fideo, pam gwnaeth Tom droi ei gefn ar grefydd?
Pam mae Tom bellach yn sicr ei fod wedi cael hyd i’r gwir?
Dywedir mai gwell yw gwneud na dweud. Darllenwch Mathew 7:21, ac yna trafodwch y cwestiwn hwn:
Beth sy’n fwy pwysig i Iesu—yr hyn rydyn ni’n ei ddweud, neu’r hyn rydyn ni’n ei wneud?
7. Maen nhw’n caru ei gilydd
Roedd y Cristnogion cynnar yn caru ei gilydd
Ydy Cristnogion wedi mentro eu bywydau i helpu Cristnogion eraill? Gwyliwch y FIDEO, ac yna trafodwch y cwestiynau sy’n dilyn.
Yn y fideo, pam roedd Lloyd yn fodlon mentro ei fywyd i amddiffyn y Brawd Johansson?
Ydych chi’n meddwl ei fod wedi ymddwyn fel gwir Gristion?
Darllenwch Ioan 13:34, 35, ac yna trafodwch y cwestiynau hyn:
Sut byddai disgyblion Iesu (gwir Gristnogion) yn trin pobl o hil neu genedl arall?
Sut bydden nhw’n gwneud hyn yn ystod rhyfeloedd?
BYDD RHAI YN DWEUD: “Mae Cristnogion wedi gwneud pethau ofnadwy, felly sut gallan nhw honni mai nhw sydd â’r wir grefydd?”
Pa adnod gallwch chi ei dangos sy’n esbonio sut mae adnabod gwir Gristnogion?
CRYNODEB
Mae gwir Gristnogion yn dilyn dysgeidiaeth y Beibl, yn dangos cariad hunan-aberthol, ac yn cyhoeddi gwirioneddau’r Beibl.
Adolygu
Ar beth mae gwir Gristnogion yn seilio eu credoau?
Pa rinwedd sy’n dangos pwy yw gwir Gristnogion?
Pa waith mae gwir Gristnogion yn ei wneud?
DARGANFOD MWY
Dysgwch fwy am bobl sy’n gwneud eu gorau i ddilyn esiampl a dysgeidiaeth Iesu Grist.
Gwelwch sut daeth dynes a oedd yn arfer bod yn lleian o hyd i “deulu ysbrydol go iawn.”
“Defnyddion Nhw’r Beibl i Ateb Pob Cwestiwn!” (Y Tŵr Gwylio, Ebrill 1, 2014)
Dysgwch sut mae gwir Gristnogion yn dangos cariad tuag at gyd-addolwyr sydd mewn angen.
Gwelwch sut mae’r Cristnogion cynnar a gwir Gristnogion heddiw yn ffitio disgrifiad Iesu o’i wir ddilynwyr.
“Sut Mae Adnabod Gwir Gristnogion?” (Y Tŵr Gwylio, Mawrth 1, 2012)