• Sut Gall y Beibl Eich Helpu?
    Mwynhewch Fywyd am Byth!—Cwrs Rhyngweithiol am y Beibl
    • Gwers 1. Beibl ar agor.

      GWERS 01

      Sut Gall y Beibl Eich Helpu?

      Mae bron pawb yn gofyn cwestiynau am fywyd, dioddefaint, marwolaeth, a’r dyfodol. Ar ben hynny, rydyn ni’n poeni am sut i ennill bywoliaeth neu gael teulu hapus. Mae llawer o bobl yn teimlo bod y Beibl, nid yn unig yn ateb cwestiynau mawr, ond hefyd yn cynnwys cyngor ymarferol ar gyfer bywyd bob dydd. Ydych chi’n meddwl bod y Beibl yn gallu helpu pobl?

      1. Pa fath o gwestiynau mae’r Beibl yn eu hateb?

      Mae’r Beibl yn ateb y cwestiynau pwysig hyn: Sut dechreuodd bywyd ar y ddaear? Beth yw pwrpas bywyd? Pam mae pobl yn dioddef? Beth sy’n digwydd ar ôl inni farw? Pam mae cymaint o ryfela er bod pawb eisiau heddwch? Beth fydd yn digwydd i’r ddaear yn y dyfodol? Mae’r Beibl yn ein hannog ni i ofyn y cwestiynau hyn, ac mae miliynau o bobl yn dweud eu bod nhw’n fodlon iawn ar ei atebion.

      2. Sut gall y Beibl ein helpu ni i fwynhau bywyd bob dydd?

      Mae’r Beibl yn rhoi cyngor da inni. Er enghraifft, mae’n dysgu pobl sut i gael teulu hapus. Mae’n cynnig cyngor ar sut i ymdopi â straen a sut i fwynhau ein gwaith. Wrth inni drafod y wybodaeth hon gyda’n gilydd, byddwch chi’n gweld beth mae’r Beibl yn ei ddysgu ar y pynciau hyn a llawer o bynciau eraill. Efallai byddwch chi’n cytuno bod yr “holl Ysgrythurau [sef popeth yn y Beibl] . . . yn fuddiol.”—2 Timotheus 3:16.

      Dydy’r cyhoeddiad hwn ddim yn cymryd lle’r Beibl. Yn hytrach, mae’n eich helpu chi i edrych ar y Beibl drostoch chi eich hun. Felly rydyn ni’n eich annog chi i ddarllen yr adnodau a restrir yn y gwersi a’u cymharu â’r hyn rydych chi’n ei ddysgu.

      CLODDIO’N DDYFNACH

      Ystyriwch sut mae’r Beibl wedi helpu pobl, sut gallwch chi fwynhau ei ddarllen, a pham mae peth da yw cael help i’w ddeall.

      3. Mae’r Beibl yn gallu dangos y ffordd inni

      Mae’r Beibl yn debyg i olau llachar. Gallwn ddefnyddio’r Beibl i’n helpu ni i wneud penderfyniadau da ac i weld beth sydd o’n blaenau ni.

      Darllenwch Salm 119:105, ac yna trafodwch y cwestiynau hyn:

      • Sut roedd awdur y salm hon yn teimlo am y Beibl?

      • Sut rydych chi’n teimlo am y Beibl?

      Dyn yn cerdded gyda’r nos ar hyd llwybr creigiog ar ochr llyn, ac yn defnyddio tortsh i oleuo’r ffordd.

      4. Mae’r Beibl yn gallu ateb ein cwestiynau

      Cafodd un ddynes atebion yn y Beibl i gwestiynau oedd wedi ei phoeni hi ers blynyddoedd. Gwyliwch y FIDEO, ac yna trafodwch y cwestiynau canlynol:

      FIDEO: Peidiwch Byth ag Anobeithio! (1:48)

      • Pa fath o gwestiynau oedd gan y ddynes yn y fideo?

      • Sut roedd astudio’r Beibl yn ei helpu hi?

      Mae’r Beibl yn ein hannog ni i ofyn cwestiynau. Darllenwch Mathew 7:7, ac yna trafodwch y canlynol:

      • Pa gwestiynau y bydd y Beibl efallai yn medru eu hateb i chi?

      5. Gallwch fwynhau darllen y Beibl

      Mae llawer o bobl yn mwynhau darllen y Beibl ac yn cael budd ohono. Gwyliwch y FIDEO, ac yna trafodwch y cwestiynau canlynol:

      FIDEO: Darllen y Beibl (2:05)

      • Sut roedd y bobl ifanc yn y fideo yn teimlo am ddarllen yn gyffredinol?

      • Pam maen nhw bellach yn teimlo’n wahanol am ddarllen y Beibl?

      Mae’r Beibl yn dweud bod y wybodaeth sydd ynddo yn gallu rhoi cysur a gobaith inni. Darllenwch Rhufeiniaid 15:4, ac yna trafodwch y cwestiwn hwn:

      • Hoffech chi wybod mwy am yr addewid yn yr adnod hon?

      6. Mae eraill yn gallu ein helpu ni i ddeall y Beibl

      Yn ogystal â darllen y Beibl ar eu pennau eu hunain, mae llawer wedi cael budd o’i drafod â phobl eraill. Darllenwch Actau 8:26-31, ac yna trafodwch y cwestiwn hwn:

      Collage: 1. Philip yr efengylwr yn esbonio’r Ysgrythurau i’r dyn o Ethiopia. 2. Un o Dystion Jehofa yn trafod y Beibl gyda mam a’i phlant.

      Roedd angen help ar y dyn o Ethiopia i ddeall yr Ysgrythurau. Mae llawer heddiw wedi cael budd o drafod y Beibl â phobl eraill

      BYDD RHAI YN DWEUD: “Mae astudio’r Beibl yn wastraff amser.”

      • Sut byddech chi’n ateb? Pam?

      CRYNODEB

      Mae’r Beibl yn cynnig cyngor ar gyfer bywyd bob dydd. Mae’n ateb cwestiynau pwysig, ac yn rhoi cysur a gobaith inni.

      Adolygu

      • Pa fath o gyngor sydd i’w gael yn y Beibl?

      • Beth yw rhai o’r cwestiynau mae’r Beibl yn eu hateb?

      • Beth hoffech chi ei ddysgu o’r Beibl?

      Nod

      DARGANFOD MWY

      Ystyriwch sut mae cyngor y Beibl yn ymarferol heddiw.

      “Dysgeidiaethau’r Beibl—Doethineb i Bob Oes” (Y Tŵr Gwylio Rhif 1 2018)

      Gwelwch sut mae’r Beibl wedi helpu dyn oedd wedi dioddef yn emosiynol ers ei blentyndod.

      Cychwyn Fy Mywyd Newydd Hapus (2:53)

      Edrychwch ar y cyngor ymarferol yn y Beibl ar gyfer teuluoedd.

      “12 Cyfrinach Teuluoedd Llwyddiannus” (Deffrwch! Rhif 2 2018)

      Dysgwch sut mae’r Beibl yn cywiro camddealltwriaeth gyffredin ynglŷn â phwy sy’n rheoli’r byd.

      Pam Astudio’r Beibl?—Fersiwn Llawn (3:14)

  • Neges Oddi Wrth Dduw Yw’r Beibl
    Mwynhewch Fywyd am Byth!—Cwrs Rhyngweithiol am y Beibl

    • 1. Dynion a ysgrifennodd y Beibl, felly pam gallwn ni ddweud mai Duw yw’r Awdur?

      Cafodd y Beibl ei ysgrifennu gan oddeutu 40 o ysgrifenwyr dros gyfnod o ryw 1,600 o flynyddoedd, o 1513 COG i tua 98 OG. Roedd yr ysgrifenwyr yn dod o wahanol gefndiroedd. Er hynny, mae’r Beibl cyfan yn gytûn. Mae hyn yn bosib oherwydd mai Duw yw’r Awdur. (Darllenwch 1 Thesaloniaid 2:13.) Nid oedd yr ysgrifenwyr yn cofnodi eu meddyliau eu hunain. Yn hytrach, “siaradodd dynion yr hyn a ddaeth oddi wrth Dduw wrth iddyn nhw gael eu symud gan yr ysbryd glân.”a (2 Pedr 1:21) Defnyddiodd Duw ei ysbryd glân i ysbrydoli, neu i annog, dynion i gofnodi ei feddyliau ef.—2 Timotheus 3:16.