Carwch Eich Gilydd yn Angerddol

1. Cariad gwresog, cariad di-ffael

Geir gan frawdoliaeth heb ei hail,

Cynnig wna gymorth hawdd ei gael;

Cwbl ddiffuant yw.

Ufudd i’r gwirionedd y mae;

Cariad angerddol sydd heb drai,

Rhwyma frawdoliaeth defaid rai’n

Hyfryd gymanfa driw.

Cariad, grymus yw ar waith,

Estyn wna at bob un llwyth ac iaith;

Parod yw i rannu maeth,

Dal mae ar bob cyfle sydd.

Anrhydeddu’n brodyr a wnawn,

Undod a ddaw a hedd fwynhawn,

Teyrngar yw’r cyfeillgarwch gawn.

Amlwg boed rhinweddau’r ffydd

Yn ein sgwrs a’n moes bob dydd.

2. Os anghydfod ddaw, maddau wnawn,

Cytgord a hedd â’n brawd fwynhawn,

Ato i gynnal sgwrs yr awn.

Wrth Dduw ein serch a lŷn.

Cyfarch wnawn ein brodyr yn daer,

Cwmni cyfeillion da fwynheir,

Gweithiwn ynghyd i daeni’r Gair;

Nerth gawn o fyw’n gytûn.

Sgwrsio’n dyner iawn fydd rhaid

Â’r briwedig, aberth drostynt wnaed;

Prynwyd hwythau â’r un gwaed.

O’u cysuro daw llesâd.

Brawd sy’n gyfaill, gwir drysor yw;

Hawddgar gymundod gweision Duw

Cadarn a wna’r frawdoliaeth wiw.

Â’r fath gariad yn ein bron

Tystio wnawn drwy’r ddaear gron.