Cân 36 (81)

Diolch am Hirymaros Dwyfol

(2 Pedr 3:15)

1. Hawddgar dy greadigaeth fawr

Jehofah Dduw, rhown glod it nawr.

O’n cwmpas harddwch disglair sydd

—Myrdd sêr y nos, goleuni’r dydd.

Rhyfeddod tegwch gwaith dy law

Mewn gwynfyd mwyn i’w lawnder daw.

Dy ogoneddus hawl mawrhawn;

Yn dy frenhiniaeth llawenhawn.

2. Selog am gyfiawn drefn wyt, Dduw;

Diddymu wnei ddrwg ddynolryw.

Ymwared gennyt ddaeth i’n hynt

Cans cedwaist ’n ôl y pedwar gwynt.

I’th enw mawr anrhydedd rhown;

 chalon llawn o ddiolch down.

Gweld buddugoliaeth yw ein nod;

I’th lân frenhiniaeth fyth boed clod.

3. Amynedd Duw nid ofer â

—Pregethu wnawn y newydd da.

Nodweddion dwyfol sanctaidd Air

Amlygwn nawr i bawb yn daer.

Dysgwn i eraill sail gwir ffydd

Ac iachawdwriaeth iddynt fydd.

Dymunol, llawn ysblander, Dduw,

Yw dy frenhiniaeth nerthol, wiw.