Cân 100 (222)

Cadwch Eich Golwg ar y Wobr!

(2 Corinthiaid 4:18)

1. Pan gaiff y dall weld eto’n glir

Pan glyw byddariaid eiriau’r gwir,

Pan o dir anial blodau ddaw

A bwrlwm ffrydiau dŵr gerllaw,

Pan lama’r cloff fel ifanc hydd,

A’ch câr o’ch cwmpas beunydd fydd

—Mwynhau’r bendithion hyn a gewch

Os ar wobr Duw edrych wnewch.

2. Pan gaiff y mudion dafod rhydd,

Ireiddiach gnawd fwynheir bob dydd,

Pan rydd y tir gnwd llawn llesâd,

Daionus ddae’r a ddwg fwynhad,

Pan glywir canu lleisiau plant

A heddwch ar y ddae’r fwynhânt,

—Yr atgyfodiad, gweld a gewch

Os ar wobr Duw edrych wnewch.

3. Pan drig y blaidd a’r oen fel un,

Pan fydd y llo a’r llew’n gytûn,

Caiff plentyn bach yn hawdd nesáu,

A’i wrando wnânt ac ufuddhau.

Cans dagrau galar, poen, ni fydd,

O’ch blaen byd newydd iraidd sydd;

—Hyn oll ar ddaear wiw fwynhewch

Os ar wobr Duw edrych wnewch.