LLYFRGELL AR-LEIN y Tŵr Gwylio
LLYFRGELL AR-LEIN
Y Tŵr Gwylio
Cymraeg
  • BEIBL
  • CYHOEDDIADAU
  • CYFARFODYDD
  • km 9/14 t. 2
  • Dilynwch Esiamplau’r Proffwydi—Nahum

Nid oes fideo ar gael o fewn y dewis hwn.

Sori, cododd gwall wrth lwytho'r fideo.

  • Dilynwch Esiamplau’r Proffwydi—Nahum
  • Ein Gweinidogaeth—2014
  • Erthyglau Tebyg
  • Oeddet Ti’n Gwybod?
    Y Tŵr Gwylio yn Cyhoeddi Terynas Jehofa (Rhifyn Astudio)—2021
Ein Gweinidogaeth—2014
km 9/14 t. 2

Dilynwch Esiamplau’r Proffwydi—Nahum

1. Beth rydyn ni’n ei ddysgu o lyfr Nahum?

1 Mae proffwydoliaeth Nahum ac adfeilion Ninefe yn dystiolaeth bod Jehofa yn dial ar ei wrthwynebwyr ac yn dangos nad oes neb yn gallu sefyll yn Ei erbyn. (Nah. 1:2, 6) Gall edrych yn fwy manwl ar broffwydoliaeth Nahum ein helpu yn y weinidogaeth.

2. Sut gallwn ni gadw ein neges yn bositif?

2 Rhoi Cysur a Gobaith: Ar yr olwg gyntaf, mae llyfr Nahum yn llawn datganiadau o wae a gofid yn erbyn trigolion ymffrostgar Ninefe, sef prifddinas Asyria. (Nah. 1:1; 3:7) Serch hynny, roedd pobl Jehofa yn croesawu’r datganiad. Ystyr enw Nahum yw “Cysurwr,” ac fe gysurodd yr Iddewon drwy ddweud y bydd eu gelynion yn cael eu dileu! Cadarnhaodd y neges fod Jehofa “yn amddiffynfa yn nydd argyfwng.” (Nah. 1:7) Wrth bregethu, gallwn ninnau hefyd gysuro pobl drwy rannu’r newyddion da gyda nhw a’u hannog i lochesu yn ngofal Jehofa.—Nah. 1:15.

3. Sut gallwn ni ddefnyddio enghreifftiau ac eglurebau fel y gwnaeth Nahum?

3 Defnyddiwch Enghreifftiau ac Eglurebau: Ysbrydolodd Jehofa y proffwyd Nahum i gymharu diwedd Ninefe â diwedd Thebes (No-amon), dinas yn yr Aifft a gafodd ei dinistrio gan yr Asyriaid yn gynharach. (Nah. 3:8-10) Wrth inni siarad ag unigolion am ddiwedd y drefn ddrwg hon, gallwn ni ddefnyddio proffwydoliaethau’r Beibl i ddangos bod Jehofa yn cyflawni ei air i’r manylyn lleiaf. Er enghraifft, pan ddaeth y Babiloniaid a’r Mediaid yn erbyn Ninefe yn 632 COG, roedd glaw trwm wedi achosi i’r afon Tigris orlifo, ac yna chwalodd yr afon ran o waliau enfawr y ddinas. Yn gyflym iawn cwympodd y ddinas yn union fel y dywedodd Jehofa.—Nah. 1:8; 2:6.

4. Wrth bregethu, sut gallwn ni fod yn glir ac yn ddealladwy?

4 Bod yn Glir ac yn Ddealladwy: Wrth ysgrifennu, roedd arddull Nahum yn ddramatig ac yn ddisgrifiadol. Roedd ei neges yn glir. (Nah. 1:14; 3:1) Yn yr un modd, rydyn ninnau hefyd eisiau defnyddio iaith sy’n hawdd ei deall. (1 Cor. 14:9) Ar yr alwad gyntaf, esboniwch yn glir ein rheswm dros alw. Wrth astudio’r Beibl gyda phobl, helpwch nhw i feithrin ffydd yn Jehofa a’i Air, a helpwch nhw hefyd i weld sut mae’r wybodaeth yn berthnasol iddyn nhw.—Rhu. 10:14.

5. Pa hyder a gawn o ddarllen llyfr Nahum?

5 Yr hyn sy’n amlwg o ddarllen y llyfr sy’n dwyn ei enw yw bod Nahum wedi ymddiried yn llwyr ym mhroffwydoliaethau Jehofa. Wrth i ddiwedd trefn Satan agosáu, cawn gysur o’r neges ddwyfol hon: “Na ddaw blinder ddwywaith.”—Nah. 1:9.

    Cyhoeddiadau Cymraeg (1986-2025)
    Allgofnodi
    Mewngofnodi
    • Cymraeg
    • Rhannu
    • Dewisiadau
    • Copyright © 2025 Watch Tower Bible and Tract Society of Pennsylvania
    • Telerau Defnyddio
    • Polisi Preifatrwydd
    • Gosodiadau Preifatrwydd
    • JW.ORG
    • Mewngofnodi
    Rhannu