Dyfalbarhau i’r Diwedd

1. Rhown ffydd yn addewidion Duw,

Gwirionedd ŷnt diau.

Ein gobaith angor sicr yw,

Ein nod yw dyfalbarhau.

Gan gadw dydd mawr Duw mewn cof,

Cadarnhau ein ffydd a wnawn.

Ar ffordd uniondeb rhown ein bryd;

Ein coethi gan brofion gawn.

2. Ein cariad cynnar cadw rhaid

Yn gynnes ac yn frwd

Yn wyneb llu treialon all

Wanhau’r gwaith maes a’i deg gnwd.

Beth bynnag ddigwydd, sefyll wnawn

Heb am foment amau’r gwir.

Jehofa, ‘Iôr y Lluoedd’ yw,

Dihangfa gaiff ffyddlon wŷr.

3. Ei achub gaiff y sawl a saif

I’r pen â chadarn ffydd.

Ei enw yn sgrôl bywyd Duw

Yn gwbl amlwg a fydd.

Gadewch i’r prawf gyflawni’i waith;

Bwriwch ’mlaen, mawr fendith gewch.

Fe wêl Jehofa’ch ymdrech lew;

Yn ddewr, doed a ddêl, parhewch!