GWERS 4

Cyflwyno’r Ysgrythurau yn Gywir

Mathew 22:41-45

CRYNODEB: Cyn iti ddarllen ysgrythur, paratoa feddyliau dy wrandawyr.

Meddylia am y rheswm dros ddarllen yr ysgrythur. Cyflwyna bob ysgrythur mewn ffordd a fydd yn helpu dy wrandawyr i weld y pwynt rwyt ti eisiau ei amlygu.

Ystyria’r cyd-destun. Sicrha dy fod ti’n priodoli dyfyniadau i’r siaradwr cywir a llyfrau’r Beibl i’r ysgrifennwr cywir.
Cyfeiria at y Beibl fel awdurdod. Wrth siarad â phobl sy’n credu yn Nuw, cyfeiria at y Beibl fel Gair Duw, gan barchu’r Beibl fel ffynhonnell y doethineb uchaf.
Enynna ddiddordeb yn yr adnod. Gofynna gwestiwn y mae’r adnod yn ei ateb; gosod broblem y bydd yr adnod yn ei datrys, neu cyfeiria at egwyddor sydd i’w gweld yn yr hanes ysgrythurol.

Ystyria faint mae’r gwrandawyr eisoes yn ei wybod am y pwnc ac am yr adnod. Cyflwyna hyd yn oed ysgrythurau cyfarwydd mewn modd apelgar, a helpa dy wrandawyr i edrych arnyn nhw o’r newydd.