GWERS 18

Gwybodaeth Sydd o Ddefnydd i Dy Wrandawyr

1 Corinthiaid 9:19-23

CRYNODEB: Gwna i dy wrandawyr feddwl am y pwnc, fel bod pawb yn teimlo eu bod nhw wedi dysgu rhywbeth gwerthfawr.

Ystyria faint mae dy wrandawyr eisoes yn ei wybod. Yn hytrach nag ailadrodd pethau y maen nhw wedi eu clywed o’r blaen, helpa nhw i edrych ar y pwnc o safbwynt newydd.

Cyflyma wrth drafod deunydd cyfarwydd ac arafa wrth gyflwyno syniadau newydd.
Gwna ymchwil a myfyria ar y deunydd. Os yw’n bosib, ceisia gynnwys ffeithiau diddorol a newydd neu faterion cyfoes i ategu syniadau allweddol. Meddylia’n ddwys am dy ddeunydd ac am y cysylltiad rhwng y deunydd a’r ffeithiau y byddi di’n cyfeirio atyn nhw.

Wrth iti astudio’r deunydd yn fanwl, ysgoga dy feddwl drwy ofyn cwestiynau i ti dy hun fel ‘beth, pam, pryd, lle, pwy, a sut.’ Bywioga dy ddysgu drwy godi ac ateb rhai o’r cwestiynau hynny yn ystod dy anerchiad.
Dangosa fod dy neges yn ymarferol. Esbonia sut gall pwyntiau Ysgrythurol helpu dy wrandawyr yn eu bywydau bob dydd. Trafoda sefyllfaoedd, agweddau, a gweithredoedd penodol sy’n berthnasol i dy wrandawyr.