GWERS 11

Brwdfrydedd

Rhufeiniaid 12:11

CRYNODEB: Ysgoga dy wrandawyr i feddwl ac i weithredu drwy siarad yn frwdfrydig.

Gad i’r deunydd gyffwrdd â dy galon di. Wrth baratoi dy anerchiad, meddylia’n ofalus am bwysigrwydd dy neges. Rhaid dod yn gyfarwydd iawn â’r deunydd fel y byddi di’n medru siarad o’r galon.
Meddylia am dy wrandawyr. Ystyria sut bydd y wybodaeth y byddi di yn ei darllen neu’n ei thrafod yn helpu eraill. Meddylia am ffyrdd i gyflwyno’r wybodaeth mewn modd a fydd yn helpu dy wrandawyr i’w deall yn well a’i gwerthfawrogi’n fwy.
Bydda’n fywiog wrth gyflwyno’r wybodaeth. Siarada’n frwd. Defnyddia dy wyneb a dy gorff mewn ffordd naturiol a diffuant i gyfleu dy deimladau.

Gofala nad wyt ti’n gwneud yr un ystumiau drosodd a throsodd fel eu bod nhw’n dechrau tynnu sylw dy wrandawyr. Mae’n rhaid i’r ystumiau fod yn ystyrlon. Siarada’n frwd wrth ddysgu’r prif bwyntiau yn bennaf ac wrth ysgogi dy wrandawyr i weithredu. Paid â blino dy wrandawyr drwy fod yn orfrwdfrydig drwy gydol dy anerchiad.