Dyfalbarhau i’r Diwedd

1. Sail gadarn sydd i’n gobaith ni,

Paradwys ddaw’n ddiau.

Diysgog ydyw’r angor hwn,

Mewn ffydd, gwnawn ddyfalbarhau.

Bydd ddewr, ac yn ddi-sigl saf,

Dal di ati! Dal dy dir!

Mae dydd Jehofa Dduw gerllaw,

Yn glew, safwn dros y gwir.

2. I’r amlwg daw ein gwendid ni

Pan ddeuwn o dan brawf.

Heb ddigalonni, codi’n frwd,

A bwrw iddi a wnawn.

Yn gryfach down, bodlondeb gawn,

A chryfhawn ein cariad byw.

Heb ildio i’n pryderon ni,

Dibynnwn yn llwyr ar Dduw.

3. Ein coethi ni y mae pob her,

O nerth i nerth yr awn.

Yn bendant, cawn ein hachub os

I’r diwedd dyfalbarhawn.

Yn ‘llyfr y bywyd,’ yno’n glir,

Bydd ein henwau ni i gyd.

 bendith Duw a’i ysbryd glân,

I’r diwedd parhawn ynghyd.