Minming Nynh Pawmou Azyng Hae?

ZAHOVA CCAECCEI haetuh vawte laephi arae tupaw athangkholeipaw huhang ahoipaw Zahova Pachiakhahnynh azynghae. Aening apepang ungpaw tyngremiakaw lungkhukya pung anuapaw ungnaw ngae-ang thuanaw miakaw haetuh haw nawte huhang phee abeihpaw raetu luhkheih nynh khah ee hae miakaw arae ciipaw zyngkhonawpaw bungtu nynhthua. Ccungccah pawte ccungccahnungnynh ryalahlawhae pawtuh mihthyahawnaw khah alangsah haehawte Zahova Pachia kuih haehae khahnynhzema Bawipawthyahawnaw haekhah alahlangsah. Baebu ccawnynh “Araehaepaw muihnaw donawliate, zungzae te zungzae cia huhanghoizah mihtemuihleipaw Pachia zungzae atyngpawnynh thua ciipawkhah laephi ung takawte rae-rae accesakuh” cite aho. Bya (or) roiccaeleite “Vawluinynh Pachia phu e nawkhah alah . . . ho.”—Rom 1:20; Sam 19:1-4.

Ccungccawhaenynh laephi uhccaw, TV, Computer haekhah ee naw ungleite ruarua raehuataw khyh hae. Laephi te avawlang ee thingku rohku hae, ahysuehaepaw blynghynh tualangze ngae ang lang houh a-ung. Ccangkadei riataelei Sel (pynghinsatu) haenynh tyngsapaw a pynghynh thaethyakholei, tuakhoroihkholei luboh nynh phyakholei paw ngae ang nawnynh thua. Tousenawlangze hosyn ungleipaw ccungccaw nynh raepaw uhccawhaeheize mih ee naw ala-unglangthua ze Zahova nynh raepawuhccawhae thahthytuh a ee naw soleih a-ung ciipaw aria! Phungthlukbia 16:4 (NW) nynh araehaepawkongte asekute hynhte acii- “Zahova nynh tyngremiakaw blyngkhah ee nawte nynh arae.”

Zahova nynh laephikhah ee nawtenynh arae. Masaty zuhvaw hae khah hynhte aciipyahae- “ccahnungccahpaw patae sah ohlah laephi phebeihoh, tuisaw thuasah, pavawhae thuasah, laevaw ahysuepaw rangsaw miakawblyngkha ukoh.” (Genesis 1:28) Ee zuhvawhae nynh kaw lahngaekhyh haekeiccuze laephivaw e thingkuruaku te ahysuepaw miakawblyng sungsakunaw te do oih lang, adingpaw innbyngte laephi bialangpaw khah phelaro hae. Thuaslahzemah Pachia e naw tuh larosakhyh. Akum hynhsepi ynrokoute tuh Baebukya hynhte apyaku- “Laephi khah raezah zungzae atyngsatupaw Bawi, alakawlang raekhyh, ahysuepaw ungnawlang nynh arae.” Rolang thualeite ‘laephi khah tyngsalangnynh’ thua. (Isaiah 45:18; Phungchimtu 1:4) Laephi hynh Zahova a eenawhawte yncihkucih- “Katuanawhynh yntyngcih, karynaw miakaw blyng kaccing sahci.”—Isaiah 46:10.

Tuhkeiccuze ee laephituh zungzae yntyngcipaw thuazah, thya papingzah apuithyapaw laephi hynh Zahova ee nawhawte ahingpaw te achihhaepaw blyngnynh tuh ee kyatun zungzae a-ung nahcihae cite Zahova ccaecceihaenynh azynghae. Adam te Evua kya e ccing khyhnaw ro accouvaeoh keiccuze ccungccaw blyng sei ccawhae cci nynh pungathuavae oh. (Rom 5:12) Baebu nynh hynhte a cii- “Seinaw metuh chiinaw.” “Ahingpaw nynh achiilangpaw khah anyku, achihpaw nynhtuh pawpawmah nyhvaekhyh.” “Aseipaw muisawtuh achih cih.” (Rom 6:23; Phungchimtu 9:5; Ezekiel 18:4, 20) Tukeiccuze miming nynh laephivaw e hythuanaw haekhah muelang, pawcihtemou buahing thuikho ung cih hae? Zisu khrih sawnawme si thoinaw tezerounynh athuakhocih, amaw nynh hynhte a lahcii- “Kaetuh thothuinaw te hingnaw nynh kathua. Kae ynzynpaw ccungccawtuh chih salazemah soleih bua ahingthui cih.” “Sawkya unghaepaw ccungccawblyngnynh ccahpaw roi ynthae cihhaezah, ynthothuinaw haeccyh ynthua cih.”—Zan 5:28, 29; 11:25; Matu 20:28.

Pawtemou thuakhocih? Zisu laephivaw lahinglyaze masaty laho paw “[Pachia] penaw thehoipaw bya” kyaze hynhte accaesah. (Matu 4:17-23) Atuning Zahova ccaecceihae nynh thehoipaw byakhah abahpilangte ahohae.

[Chart on page 13]

ZAHOVA CCAECCEIHAE ZYNGNAW

Zyngnaw Baebukhiapaw

Baebuccawtuh Pachiabya te amepaw byanynh thua 2Tim. 3:16, 17; 2 Pit. 1:20, 21; Zan. 17:17.

Mingnungmingpaw phunglaeze Baebu khah doliaku hualang Matu 15:3, Kolos 2:8

Pachiamintuh Zahova Sam 83:18; Isaiah 26:4; 42:8, Exo. 6:3

Zisukhrih tuh Pachiaccahpaw, Pachialae anehua Matu 3:17; Zan. 8:42; 14:28; 20:17; 1Kor. 11:3; 15:28

Zisukhrih tuh Pachia nynh kou araetypaw Kolos 1:15, Bia. 3:14

Zisukhrih tuh thingtungkya nynh chi, vaelangtungkya thuakhyh Kalati 3:13, Zuitu 5:30

Kawngae haepawhanglang Zisukhrihnynh apyngsaw hing- ­nawkhah sawnawmelang alapya Matu 20:28; 1Tim. 2:5, 6; 1Pit. 2:24

Zisukhrih sithoinawtuh vaekheihkele mawte phezaw Rom 6:10; Heb. 9:25-28

Achihkholeipaw muihsawpyng (Spirit) te nynh Zisu tuh athothui 1 Pit. 3:18; Rom 6:9; Bia. 1:17,18

Zisukhrih tu muihsawpyng te nynh ynthuacih Zan. 14:19; Matu 24:3; 2 Kor. 5:16; Sam 110:1, 2

Nyathya ninccyhkya nynh athuavae oh Matu 24:3-14; 2 Tim. 3:1-5; Luka 17:26-30

Zisukhrih Penawnynh laephihynh dingnaw, daenawte yn ukcih Isai. 9:6,7; 11:1-5; Denia 7:13,14; Matu 6:10

Pachiapenaw nynh laephivaw ungnaw aenaw kou hoilang ynrae pacih Sam 72:1-4; Bia. 7:9, 10, 13-17; 21:3, 4

Laephituh pawpawtemah arohpaw (or) ccungccaw ungnawleipaw thua langkhyh Phungchim 1:4; Isai 45:18; Sam 78:69

Pachia nynh ee laephi hynh Amakeidon rawte nynh ynroh cih Bia 16:14,16; Zefaniah 3:8; Denia 2:44, 45; Isai. 34:2; 55:10, 11

Ccungccah hoileihaepawkha zungzae ronaw amuecih hae Matu 25:41-46; 2Tes. 1:6-9

Pachia lungry tunghaepaw zungzae hingnaw amuecih hae Zan. 3:16; 10:27, 28; 17:3; Marka 10:29, 30

Hingnawlangpi ccangkheih rounynh a-ung Matu 7:13, 14; Efe. 4:4, 5

Adam seinawkeiccuze ccung- ccawblyng chiinaw amue oh Rom 5:12; 6:23

Ccungccaw achiize muihsawmah achih Ezk 18:4; Phungchim 9:10; Sam 6:5; 146:4; Zan. 11:11-14

Hell tuh sawkunynh thua Job. 14:13; Bia. 20:13,14

Achihpaw hanglang ngaehoinawtuh thothuinaw 1 Kor. 15:20-22; Zan. 5:28, 29; 11:25, 26

Adamkeiccu achii ohpaw hynh ynzocih 1 Kor. 15:26, 54; Bia. 21:4; Isai. 25:8

TuuBu taraw 144,000 haekelerou nynh vawlang kaecihhaezah khrih te pyngkheihlang a ukkheih cih hae Luk. 12:32; Bia. 14:1, 3; 1 Kor. 15:40-53; Bia. 5:9,10

144,000 haetuh Pachiaccawlang tangkhyhlang apuithuihae 1 Pit. 1:23; Zan. 3:3; Bia. 7:3, 4

Muihsaw Isrel haete bakingthawpaw arae Zer. 31:31; Heb. 8:10-13

Zisukhrih nynh aBukhah amawkyanynh athahdyngsah Efe. 2:20; Isai. 28:16; Matu 21:42

Zisukhrih minte Zahova klang sawsanglang Zan. 14:6, 13, 14; 1 Tim. 2:5

Beihnawkya azuh hae manglang ccangkhyh Exo. 20:4, 5; Lev. 26:1; 1 kor. 10:14; Sam 115:4-8

Setan thyanawkhah sungkulang Deu. 18:10-12; Kala. 5:19-21; Lev. 19:31

Setan tuh mihte muhleipaw ee laephi siapharang 1 Zan. 5:19; 2 Kor. 4:4; Zan. 12:31

Zynnaw apykuhpaw Beihnawkya khrihccaw lukheihnynh ungbualeilang 2 Kor. 6:14-17; 11:13-15; Kala. 5:9; Deu. 7:1-5

Khrihccaw luhkheihnynh laephite kynkuleilang Zeim. 4:4; 1Zan. 2:15; Zan. 15:19; 17:16

Pachia kawbyate arawsekuleipaw ccungccaw ukpadi haekhahmah ngae lang accang Matu 22:20, 21; 1 Pit. 2:12; 4:15

Chi khah khahlangkyate (or) thahruikyate pynglungkhulang runku pawtuh Pachiakawbya ei pawnynh thua Gen. 9:3, 4; Lev. 17:14; Zuitu 15:28, 29

Ziazaete asekuhpaw Baebukawbya haekhah ngaelang 1 Kor. 6:9, 10; Heb. 13:4; 1 Tim. 3:2; Phungthluk. 5:1-23

Lonawkhah Zuhdahaekelerou pyahaezah Mosikawbya ryte phethang bua Lev. 5:15; Exo. 31:13; Rom 10:4; kala. 4:9, 10; Kolos 2:16, 17

Phunghosazae ciikute ryalawmin- lepaw phukulang ccangkhyh Matu 23:8-12; 20:25-27; Job 32:21, 22

Ccungccaw hynh takyhtakyh rulaekute puipawthuakhyh, raepaw nynh athua oh Isai. 45:12; Gen. 1:27; Matu 19:4

Pachia Beihnawkyaze Zisukhrihtuh dosunkulangpaw nynh thua 1Pit. 2:21; Heb. 10:7; Zan. 4:34; 6:38

Tuikawlang phephungkute tuipi ingtuh pyngkapyakuvae ciinawpaw nynh thua Marka 1:9, 10; Zan. 3:23; Zuitu 19:4, 5

Khrihccawhaetuh Baebukya e amepaw phungkhah ccungccaw patae malang lungtuate ahohae Rom 10:10; Heb. 13:15; Isai. 43:10-12

[Hmanthlak biu 12]

LAEPHI khah . . . Zahova nynh raezah . . . ccungccawnynh do oih te . . . zungzae ungnawlang