CCANGKUNAW 13
Ame Leipaw Beihnaw Nynh Pachia Kha The A Thyasah
Pachia tuh sungsakunaw a thua langze beihnaw hae nynh Pachia min mangte hoyleinaw hae pawcce a cyi hae? Ame leipaw beihnaw a thua keiccu nynh thua. Ame leipaw beihnaw nynh Pachia kha the a thyasah. Pawtemou the a thyasah hae? E hynh Pachia nynh pawtemou a tua? Pachia nynh pawtemou a cyih cih?
1. Ame leipaw beihnaw nynh ccangpyakunaw hae liate Pachia kha pawtemou the a thyasah?
Ame leipaw beihnaw nynh “Pachia byaccing kha hynbya lang a paleih hae.” (Rom 1:25) Tousenaw langze, beihnaw a lunghua nynh a buu hae kha Pachia min ccangpah khyh hae. Thuasalama, Baebu nynh Pachia min kha manglang cite a ci. (Rom 10:13, 14) Hoyleinaw tung vae ze ‘Pachia rynaw’ nynh thua cite beihnaw cciakhaetu abang nynh a ho hae. Thuasalama tuh-e tuh hynbya nynh thua. Hoyleinaw hae kha Pachia nynh a ungsah paw thua khyh. (James 1:13 kha ria.) Beihnaw hynbya hae nynh ccungccaw hae kha Pachia te a sawsah kuh hae.
2. Ame leipaw beihnaw nynh cyisahnaw liate Pachia kha pawtemou the a thyasah
Ame leipaw beihnaw nynh Zahova hawte ccungccaw hae tungvaw sungsakunaw hoi khyh hae. “Aseinaw tuh vaaw cia phe phah vae” cite Baebu nynh a ci. (Byaphy 18:5) Kum she takyh, beihnaw tuh nainganzei (politics) kya a pabua hae. Rawtuhkunaw hae kha thohkhang zah ccungccaw patae kha a chii sah. Beihnaw cciakhaetu hae abang nynh hoi a ry hae keiccuze a buu hae kha phua a ngia hae. E cyisahnaw hae nynh Pachia kha thehoysah lang ho nang Pachia kha kae nyh khyh cipaw a langsah.—1 Johan 4:8 kha ria.
3. Ame leipaw beihnaw kha Pachia nynh pawtemou a tua?
Ame leipaw beihnaw cyisahnaw keiccuze na thinria lang thuaze Zahova so pawtemou ung cih citemou na tua? Pachia nynh ccungccaw hae kha a sungsah hae zemah amaw thethyasah paw te a buu hae kha kiareih hae paw beihnaw cciakhaetu hae tungvaw a thinria. Ame leipaw beihnaw ro a thua cih, “kharouh muih lei lan vae” cite Pachia nynh bya yn kingpya kuh. (Byaphy 18:21) Aromaw, ame leipaw beihnaw miakaw kha Pachia nynh yn roh vae cih.—Byaphy 18:8.
HOUH CCANGKUH LANG HOUH MUIH LANG
Ame leipaw beihnaw kha Pachia nynh pawtemou a tua. Ame leipaw beihnaw nynh pawmou la cyi, thuasalama e cyisahnaw hae keiccuze Zahova kong pawcce ccangkuh leite ung lang ccangkhyh cipaw kha ccangkuh tua.
4. Beihnaw miakaw kha Pachia nynh lehkhanpaw thua khyh
Ccungccaw patae nynh beihnaw miakaw tuh Pachia kalang lang yn hroi paw a lokuh leipaw langpi hae te nynh a lokuh cite a ci hae. Thuasalama tuh-e tuh ame tou? Matthai 7:13, 14 kha ria tuhkoute e bakhianaw kha hokuh oh:
Hingnaw yn muesah kho paw langpi kong Baebu nynh pawtemou a langsah?
VIDEO kha pia, tuhkoute akaw lang-e bakhianaw kha hokuh oh.
Beihnaw a lunghua kha Pachia nynh lehkhan cite Baebu nynh a ci tou?
5. Ame leipaw beihnaw nynh Pachia sungsakunaw kha langsah khyh hae
Beihnaw hae nynh Pachia kha aphuinphuin te thethyasah hae. Ahoyhua leipaw tuh rawtuhkunaw kya pabuanaw nynh thua. Tousenaw ccangkheit kha do lang, VIDEO kha pia. Tuhkoute akaw lang-e bakhianaw hae kha hokuh oh.
Laephi Rawpi II laku church hae nynh pawmou la cyi hae?
Mih cyisahnaw keiccuze pawtemou na ung?
Johan 13:34, 35 te 17:16 kha ria. Tuhkoute e bakhianaw hae kha hokuh oh:
Rawtuhkunaw kya beihnaw pabuanaw kha Zahova nynh pawtemou a tua cih citemou na tua?
Hoyleinaw hae elang ame leipaw beihnaw kya taevue a ung. Beihnaw hae nynh Pachia sungsakunaw a langsah khyh hae paw kha na muihpaw ung tou?
Ame leipaw beihnaw nynh Pachia sungsakunaw langsah khyh hae
6. Pachia nynh ame leipaw beihnaw kyate ccungccaw hae kha a luesah ry hae
Byaphy 18:4 kha riaa tuhkoute e bakhianaw kha hokuh oh:
Ame leipaw beihnaw keiccuze lingkunaw tung hae paw kha Pachia nynh a khung ry hae cipaw na nyh tuh pawtemou na ung?
7. Amepaw Pachia kong pou ccangkuh
Ame leipaw beihnaw keiccuze Pachia kha tuasei lang a ccang tou? A ccaw nynh a paaw bya ngae leite innvaw kyate toikuh zah a hoylei hae paw a cyi cite na mihmae kya ungsah kuh tua. A paaw nynh a ccaw cyisahnaw kha ry khyh. Ccaw hoyleipaw cyisahnaw hanglang a paaw kha seisah lang a ccang cih tou?
Ame leipaw beihnaw cyisahnaw hae keiccuze Zahova kha seisah lang te Pachia kong pou ccangkuh khyh lang a ccang cih tou?
CCUNGCCAW ABANG NYNH HO HAE PAW: “Beihnaw nynh piahccahnaa patae a ungsah keiccuze Pachia kong ka nyh ry khyh.”
Nangso tuhte na tua tou?
Ame leipaw beihnaw keiccuze Zahova kha tuasei lang a ccang tou?
ADYNGNAWTE
Ame leipaw ccangpyakunaw hae, ahoy leipaw cyisahnaw hae te Pachia thethyasah paw ame leipaw beihnaw kha Pachia nynh yn roh vae cih.
Bua Liathuinaw
Ame leipaw beihnaw ccangpyakunaw, cyisahnaw hae te asekuhte pawtemou na ung?
Ame leipaw beihnaw kha Zahova nynh pawtemou a tua?
Ame leipaw beihnaw kha Zahova nynh pawmou a cyih cih?
HOUH CCUNGCHIH
Beihnaw a lunghua kha Pachia nynh lehkhan khyh naw kong ccangning kha ccangkuh tua.
“Beihnaw Miakaw Tuh A Lokuh Tou? Pachia Nynhso Lehkhan Tou?” (Website ccaw)
Minccang paw hae ryte yn beih hae sah cite Zahova nynh pawcce a ry?
Khrihccaw siabawi lukheit a beihnaw kha a lungro zemah Pachia kong pou a ccangkuh.
“Khrihccaw Siabawi Lukheit Amaw A Buu Kyate Pawcce A Toikuh” (Thaekuh!, February 2015)
Pachia nynh ccungccaw hae kha peki khyh, arearo paw cite a tua hae ccaw beihnaw nynh yn hynpya paw kum azahte a cih vae. Amepaw kong ccangthung kha ria tua.
“Pachia Sungsah Lang Aruusah Kho Paw Hynbya Hae” (Rawvianaw, November 1, 2013)
a Byaphy Baebu ccaw kya ame leipaw beihnaw kha Alesaepaw Babilon cikuhpaw nopinung te pawcce touse a thua cipaw ny lang, Ccaesanaw 1 kha do tua.