CCANGKUNAW 55
Na Khrihccawbuu Kha Bung
Zahova a ccungccaw hae tuh laephi pyngpi kya-e Khrihccawbuu a thung patae kya lungpaw te rya a lah hae. A mue hae paw langhroinaw, tuanaw hae hanglang mih lungtua zah Khrihccawbuu kha aphuinphuin te a bung hae. Nangso Khrihccawbuu te asekuhte tuhte na tua tou?
1. A ccyh te thawzung kha mangte Khrihccawbuu kha pawtemou na bung kho?
Ah balynte Khrihccawbuu kha ah bung kho oh. Tousenaw langze, nae Khrihccawbuu kya a kum tangpaw tuhkhyhze a ngedang lei hae paw a ung tou? Minming a pungkuh kho nawlang hae na bung kho cih hae tou? Thuakhyhze inn ryalaw, uccaw repaw cita hawpaw ahoopaw uccaw hae na bung kho cih hae tou? (James 1:27 kha ria.) Beihnaw inn thyasanaw kya, raethuinaw kya mah lungthote bung kho a thua. Tuh-e hae cyi lang a hung nynh mah yn nangsepaw thua khyh. Pachia te unonung unopaw hae kha sungsah keiccuze “lungthote pyakuh” paw nynh thua.—Sam 110:3.
Tuipi-ing kou vae hae paw Witness hae nynh ccangpaw zia hae te mah Khrihccawbuu kha a bung kho hae. Muihsaw langte a ccing hae paw unopaw hae tuh Khrihccawbuu bungtu, Khrihccaw piccang lang rya a lah kho hae. Unonung unopaw hae nynh pioneer hae te phunghonaw ryalaw kha lungthote a bung kho hae. Beihnaw inn sahnaw kya bung kho a thua tuhkhyhze bungnaw ahoopaw Khrihccawbuu hae kalang nuekuh te rya a lah kho hae.
2. Khrihccawbuu kha phua te ah hoi oh paw uccaw hae mangte pawtemou ah bung kho oh?
‘Zahova kha ah sisua te sawtuanaw ah pya’ kho oh. (Phungtangbya 3:9) Khrihccawbuu te laephi pi phunghonaw ryalaw kha bung nawlang phua te ah hoi oh paw uccaw hae ah pya oh keiccuze ah lungpaw. (2 Korin 9:7 kha ria.) Ahlu phua hae kha khua ram hoyleinaw bungnaw hanglang mang a thua. Ccungccaw patae nynh ahlu phua hae kha “ccangte nung” hae zah merarihte a pya hae. (1 Korin 16:2 kha ria.) Beihnaw inn kya ungpaw ahlu pung kya sang kho a thua hawte donate.jw.org online kyate mah pya kho a thua. Ah hoi oh paw uccaw hae mangte Zahova kha ah sungsah oh cipaw langsahkhonaw ccyh hoy ah mue oh.
HOUH CCANGKUH LANG HOUH MUIH LANG
Khrihccawbuu na bungkhonaw zia abang kong kha tuatua.
3. Ah hoi oh paw uccaw hae kha ah mang kho oh
Lungthote ahlu a pyatupaw kha Zahova te Zisu nynh a sungsah hae. Tousenaw langze, Zisu nynh a ryachi ccihpaw nohmae nung nynh ahlu phua a sangpaw kha the la hoysah. Luka 21:1-4 kha ria tuhkoute e bakhianaw hae kha hokuh oh:
Phua patae pya ze rou nynh Zahova rynaw mue lang tou?
Lungthote pya langze Zahova te Zisu nynh pawtemou a tua hae?
Ahlu phua mangnaw zia kong kha ny nawlang, VIDEO kha pia. Tuhkoute akaw lang-e bakhianaw kha hokuh oh.
Ahlu phua hae kha laephi pyngpi kya-e Khrihccawbuu hae hanglang pawtemou mang a thua?
4. Ah thawzung te ah bung kho oh
Baebu she lya-e Zahova a beih hae paw nynh beihnaw inn hae raethuinaw kya lungthote a lah bung hae. Ahlu phua pya lae lang mah a la bung hae. 2 Sherianaw 34:9-11 kha ria tuhkoute e bakhianaw kha hokuh oh:
Zahova inn tuhkhyhze beihnaw inn kha Israel hae nynh pawtemou la do-oih hae?
Zahova Ccaeccei hae nynh mih ziazae kha pawtemou a dosuinkuh hae cipaw ny nawlang, VIDEO kha pia. Tuhkoute akaw lang-e bakhianaw hae kha hokuh oh.
Beihnaw inn kha thyasah lang, raethui do-oih lang pawcce azici?
Nangso paw zia hae te mou na bung kho?
5. Unopaw hae nynh Khrihccawbuu taevue hae hanglang a ccing kho hae
Khrihccawbuu kha taening thyhte bung lang Khrihccaw unopaw hae kha Baebu nynh thaw a pya hae. Tousenaw lang, VIDEO kha pia. Tuhkoute akaw lang-e bakhianaw kha hokuh oh.
Video kya, Khrihccawbuu kha a lunghua bungkho nawlang Ryan nynh pawtemou la zuaku?
Khrihccawbuu bungtu, Khrihccawbuu piccang hae nynh a hoi lang hae paw ziazae hae kha Baebu kya a langsah. 1 Timote 3:1-13 kha ria tuhkoute e bakhianaw hae kha hokuh oh:
Khrihccawbuu bungtu, Khrihccaw piccang lang tang lang a zuakuh hae paw unopaw hae kya paw ziazae hae mou hoi lang a ccang?
Mih innbyng hae mah pawtemou thua lang a ccang?—Adihpaw 4 te 11 kha do tua.
E ziazae hae kha unopaw hae nynh hoi nawlang a zuakuh hae ze Khrihccawbuu tuh pawtemou thanenaw a muekuh?
CCUNGCCAW LUKHEIT NYNH KHIAPAW: “Zahova Ccaeccei hae tuh paw kya-e phua te mou rya a law hae?”
Pawtemou na phi cih?
ADYNGNAWTE
A ccyh, thawzung te ah hoi oh paw uccaw hae mangte Khrihccawbuu ah bung oh paw kha Zahova nynh myarya a phu a tesah.
Bua Liathuinaw
A ccyh te thawzung mangte Khrihccawbuu kha pawtemou ah bung kho oh?
Ah hoi oh paw uccaw hae mangte Khrihccawbuu kha pawtemou ah bung kho oh?
Nangso Khrihccawbuu kha paw zia hae te mou na bung ry?
HOUH CCUNGCHIH
Punghaw pungkheit pya lang Pachia nynh yn ngia vae khyh nawpaw a konglang kha leihla.
“Punghaw Pungkheit Kong Baebu Nynh Pawtemou A Ho?” (Website ccaw)
Khrihccawbuu kya “thawte zuakuh” cipaw tuh pawmou a ho ry cipaw kha ria tua.
Ruunaw hae laku unonung unopaw hae kalang ccah-uh hae a ky hae paw unopaw hae kong kha do tua.
Kae ryalaw hanglang bungnaw phua muenaw tuh ccangpaw beihnaw phu te a laenaw kong kha ria tua.
“Zahova Ccaeccei Hae Tuh Paw Kya-e Phua Te Mou Rya A Law Hae?” (Website ccaw)