Rawvianaw ONLINE LIBRARY
Rawvianaw
ONLINE LIBRARY
Chin (Zotung)
  • BAEBU
  • CCAH-UH HAE
  • PUNGKUNAW HAE
  • w23 July pp. 2-7
  • Alepaw Ruunaw Hanglang Raeringkute Na Ung Vae Tou?

E selection hanglang video muekuh kho khyh.

Sorry, video phuinnaw kya error a ung.

  • Alepaw Ruunaw Hanglang Raeringkute Na Ung Vae Tou?
  • Zohova Pachia Peenaw Honaw Rawvianaw Innhang (Hokunaw)-2023
  • Abalu dihpaw hae
  • TEINGNAW KHA LUNGTHUNGSAH
  • THAWCCINAW HOI
  • SUNGSAHKUNAW KHA LUNGTHUNGSAH
  • ATU MAWTE RAERINGKUTE UNG
Zohova Pachia Peenaw Honaw Rawvianaw Innhang (Hokunaw)-2023
w23 July pp. 2-7

HOKU LANGPAW ABALU 29

Alepaw Ruunaw Hanglang Raeringkute Na Ung Vae Tou?

“Raeringkute um oh.”—MAT. 24:44.

LAW 150 ကယ်တင်ခံရဖို့ ဘုရားသခင်ကို ရှာပါ

အကြို​သုံးသပ်ချက်a

1. Khuarang hoyleinaw hanglang paccynkuh typaw tuh pawcce hawnaw hoypaw athua?

ကြိုတင်​ပြင်ဆင်​ထား​ရင် အသက်ဘေး လွတ်နိုင်တယ်။ ဥပမာ၊ ဘေးအန္တရာယ် ကျရောက်တဲ့အခါ ကြိုတင်​ပြင်ဆင်ထား​သူ​တွေ အသက်ဘေး​ကနေ လွတ်မြောက်​နိုင်​ခြေ များတယ်။ တခြားသူတွေကို ကူညီပေးနိုင်တယ်။ “အရေးကြုံတဲ့အခါ ကြိုတင်​ပြင်ဆင်မှု​ကောင်း ရှိမရှိ​က တော်တော် စကားပြောတယ်” လို့ ဥရောပ လူသားချင်း စာနာ​ထောက်ထားမှု​ဆိုင်ရာ အဖွဲ့အစည်း​တစ်ခုက ဆိုတယ်။

2. Alepaw ruunaw hanglang pawcce paccynkuh ty lang a ccang? (Matthai 24:44)

၂ “ကြီးစွာသောဒုက္ခ” ရုတ်တရက် ရောက်လာမယ်။ (မ. ၂၄:၂၁) ဆိုင်းမဆင့် ဗုံမဆင့် ရောက်လာ​တတ်တဲ့ ဘေးအန္တရာယ်တွေနဲ့တော့ မတူဘူး။ ကြီးစွာသောဒုက္ခ​အတွက် အသင့်​ရှိနေကြ​ဖို့ လွန်ခဲ့တဲ့ နှစ်ပေါင်း ၂,၀၀၀ လောက်​ကတည်းက နောက်လိုက်တွေကို ယေရှု သတိပေးထားတယ်။ (မဿဲ ၂၄:၄၄ ကို ဖတ်ပါ။) အခုကတည်းက ကြိုတင်​ပြင်ဆင်ထား​ရင် ခက်ခဲချိန်တစ်လျှောက် ခံရပ်နိုင်မယ်။ တခြားသူတွေ​လည်း ခံရပ်နိုင်အောင် ကူညီပေးနိုင်မယ်။—လု. ၂၁:၃၆။

3. Teingnaw, thawccinaw te sungsahkunaw nynh alepaw ruunaw hanglang paccynkuh ty lang pawtemou yn bung cih?

၃ ကြီးစွာသောဒုက္ခ​အတွက် အသင့်ဖြစ်နေဖို့ ကူညီပေးနိုင်တဲ့ အရည်အသွေး သုံးခုကို သုံးသပ်​ကြည့်ကြစို့။ ပြင်းထန်တဲ့ တရားစီရင်ချက်​သတင်း ကြေညာ​ဖို့ တာဝန် ရလာတဲ့အခါ၊ မယုံကြည်သူတွေ ဆန့်ကျင်တဲ့အခါ ဘယ်လို တုံ့ပြန်ကြမလဲ။ (ဗျာ. ၁၆:၂၁) ဘုရား ကာကွယ်ပေးမယ်​ဆိုတာ ယုံကြည်စိတ်ချပြီး နာခံမှု ရှိရှိ ဟောနိုင်ဖို့​ဆိုရင် ခံနိုင်ရည် ရှိမှ ရမယ်။ ညီအစ်ကို/မတွေ ပိုင်ဆိုင်ရာ တချို့ ဒါမှမဟုတ် အားလုံး ဆုံးရှုံးလိုက်ရရင်ကော။ (ဟဗ. ၃:၁၇၊ ၁၈) သူတို့ကို ကူညီပေးနိုင်ဖို့​ဆိုရင် စာနာမှု ရှိမှ ရမယ်။ နိုင်ငံပေါင်းစုံ မဟာမိတ် တိုက်ခိုက်​လို့ ညီအစ်ကို/မတွေနဲ့ အချိန်​အတိုင်းအတာ တစ်ခုအထိ အတူ နေ​ရရင်​ကော။ (ယေဇ. ၃၈:၁၀-၁၂) အဲဒီအချိန်ကို ကျော်ဖြတ်နိုင်ဖို့​ဆိုရင် ညီအစ်ကို/မတွေ​အပေါ် မေတ္တာ ရှိမှ ရမယ်။

4. Teingnaw, thawccinaw te sungsahkunaw pou hoy lang azici cipaw Baebu nynh pawtemou a langsah?

၄ ခံနိုင်ရည်၊ စာနာမှု၊ မေတ္တာ ဆက်​ပြဖို့ ကျမ်းစာ အားပေးထားတယ်။ လုကာ ၂၁:၁၉ မှာ “ခံနိုင်ရည် ရှိမယ်ဆိုရင် ခင်ဗျားတို့ အသက်​ရလိမ့်မယ်၊” ကောလောသဲ ၃:၁၂ မှာ ‘ချစ်ခင်​စာနာခြင်း​ကို ဝတ်ဆင်​ကြ​ပါ’ လို့ ဆိုထားတယ်။ ဒါ့အပြင် ‘အချင်းချင်း ချစ်​ကြ​ဖို့ ဘုရားသခင်​ကိုယ်တိုင် သင်​ထား​ပေးပြီး​သား​ပဲ။ ဒါပေမဲ့ ညီအစ်ကိုတို့၊ ဒီထက်မက မေတ္တာပြကြဖို့ ခင်ဗျားတို့ကို တိုက်တွန်း​ပါတယ်’ လို့ ၁ သက်သာလောနိတ် ၄:၉၊ ၁၀ မှာ ဖော်ပြထားတယ်။ ခံနိုင်ရည်၊ စာနာမှု၊ မေတ္တာ ပြနေ​ကြ​တဲ့ တပည့်တွေ​ဆီ ဒီစကားတွေ ရေးခဲ့တာ။ ဒီ​အရည်အသွေးတွေ ရှိပြီး​သား ဖြစ်ပေမဲ့ ဆက်​ပြဖို့ လိုတယ်။ ဒီ​အရည်အသွေး တစ်ခုစီ​ကို အစောပိုင်း ခရစ်ယာန်တွေ ဘယ်လို ပြကြသလဲ။ သူတို့ကို ကျွန်တော်တို့ ဘယ်လို အတုယူ​နိုင်မလဲ။ ကြီးစွာသောဒုက္ခ​အတွက် ဘယ်လို အသင့်​ရှိနိုင်​ကြ​မလဲ။ ဒီ​မေးခွန်းတွေကို သုံးသပ်​သွားပါမယ်။

TEINGNAW KHA LUNGTHUNGSAH

5. Masaty Khrihccaw hae nynh ruunaw hae kha pawtemou la teing hae?

၅ အစောပိုင်း ခရစ်ယာန်တွေ ခံနိုင်ရည် ရှိခဲ့ကြရတယ်။ (ဟီ. ၁၀:၃၆) လူ​ထဲက လူမို့ ကြုံရတဲ့ အခက်အခဲတွေ​အပြင် ခရစ်ယာန် ဖြစ်လို့​ကို ကြုံရတဲ့ အခက်အခဲတွေ ရှိတယ်။ ဂျူးဘာသာရေး ခေါင်းဆောင်တွေ၊ ရောမ​အာဏာပိုင်တွေ သာမက မိသားစုဝင်တွေ ဆန့်ကျင်​တာ၊ ဖိနှိပ်​တာ ခံကြရတယ်။ (မ. ၁၀:၂၁) အသင်းတော်​အတွင်းမှာ​လည်း အယူဖောက်ပြန်သူတွေရဲ့ သွေးခွဲ​တဲ့ သွန်သင်ချက် အမှားတွေကို တိုက်လှန်​ကြရတယ်။ (တ. ၂၀:၂၉၊ ၃၀) ဒါတောင် သစ္စာရှိရှိ ဘာကြောင့် ခံရပ်နိုင်​ကြသလဲ။ (ဗျာ. ၂:၃) ယောဘလို ခံနိုင်ရည် ရှိတဲ့ ကျမ်းစာ စံနမူနာရှင်တွေ​အကြောင်း သေသေချာချာ တွေးတော​ဆင်ခြင်​ကြ​လို့​ပါ။ (ယာ. ၅:၁၀၊ ၁၁) ဒါ့အပြင် ခံနိုင်ရည် ရှိဖို့ ဆုတောင်း​ကြ​တယ်။ (တ. ၄:၂၉-၃၁) ခံနိုင်ရည် ရှိရင် ရမယ့် အကျိုးကျေးဇူးတွေကို အာရုံစိုက်​ကြတယ်။—တ. ၅:၄၁။

6. Rawsenaw hae kha teing nawlang Merita la cyinaw kyate pawmou ccangkuh kho athua?

၆ ကျမ်းစာနဲ့ ကျမ်းစာ အခြေပြု စာပေတွေမှာ ဖော်ပြထားတဲ့ ခံနိုင်ရည် ရှိတဲ့ စံနမူနာရှင်တွေ​အကြောင်း မှန်မှန် လေ့လာ၊ တွေးတော​ဆင်ခြင်မယ်​ဆိုရင် ခံနိုင်ရည် ရှိလာမယ်။ အဲဒီလို တွေးတော​ဆင်ခြင်​လို့ အယ်လ်ဘေးနီးယား​နိုင်ငံက ညီအစ်မ မာရီ​တာ​ဟာ မိသားစု ကိုယ်ထိ​လက်ရောက် နှိပ်စက်တာ​တွေ​ကို ခံရပ်နိုင်ခဲ့တယ်။ “ယောဘ​မှတ်တမ်းက ကျွန်မကို သိပ်​အားရှိစေ​တာ​ပဲ။ ယောဘခမျာ စမ်းသပ်မှု အများကြီး ကြုံခဲ့ရတာ။ ဒါပေမဲ့ ဘာကြောင့် ကြုံနေရသလဲ မသိ​ရှာ​ဘူး။ ဒါတောင် ‘သေတဲ့အထိ ကျုပ်​ရဲ့ သမာဓိကို မစွန့်ဘူး’ တဲ့။ (ယောဘ ၂၇:၅) ကျွန်မ​အဖြစ်​က ယောဘ​လောက် မဆိုးသေးဘူး။ ပြီးတော့ စမ်းသပ်မှုတွေ နောက်ကွယ်​က တရားခံကို ယောဘ မသိပေမဲ့ ကျွန်မ သိနေတယ်​လေ” လို့ ပြောတယ်။

7. Aening nynh atu lya alepaw ruunaw hae a tungkuh khyh zemah pawmou cyi lang a ccang?

၇ ကိုယ့်​စိုးရိမ်ပူပန်မှုတွေ​ကို ယေဟောဝါဆီ ထက်ထက်သန်သန်၊ မှန်မှန် ရင်ဖွင့်​ဆုတောင်းခြင်းအားဖြင့်​လည်း ခံနိုင်ရည် တိုးများအောင် လုပ်နိုင်တယ်။ (ဖိ. ၄:၆။ ၁ သက်. ၅:၁၇) လောလောဆယ် အခက်အခဲ ကြီးကြီးမားမား ကြုံနေ​ရချင်မှ ကြုံနေရမယ်။ ဒါပေမဲ့ စိတ်ပျက်​စ​ရာ၊ စိတ်​ရှုပ်စရာ​လေး​တွေ ပေါ်လာရင်​ကော ယေဟောဝါဆီ ဆုတောင်း​ရဲ့​လား။ သေးသေးမွှားမွှား ကိစ္စ​က​အစ မှန်မှန် ဆုတောင်း​ပြောပြ​မှ အနာဂတ်မှာ အခက်အခဲ ကြီးကြီးမားမား ကြုံရတဲ့အခါ ဆုတောင်း​ပြောပြဖို့ ဝန်​လေး​မနေ​မှာ။ ကိုယ့်ကို ဘယ်အချိန်၊ ဘယ်လို ဝင်ကူ​ရမလဲ​ဆိုတာ ဘုရား အတိအကျ သိမှန်း စိတ်ချ​နေ​မှာ။—ဆာ. ၂၇:၁၊ ၃။

ဆေးရုံ ခုတင်ပေါ်မှာ ညီအစ်မတစ်ယောက် ထိုင်ရင်း ကျမ်းစာ ဖွင့်ထား။

ခံနိုင်ရည်

စမ်းသပ်မှု တစ်ခုစီက နောက်ထပ် စမ်းသပ်မှုတွေ​ကို ခံရပ်နိုင်ဖို့ ကူညီပေး (စာပိုဒ် ၈ ကို ကြည့်ပါ)

8. Atu a tungkuhpaw ruunaw hae teingnaw nynh malang zemah teing kho nawlang yn bung kho cipaw Mira tungnaw nynh pawtemou a langsah? (James 1:2-4) (Sahkhung kha do.)

၈ လက်ရှိ အခက်အခဲတွေကို ခံရပ်နိုင်ရင် ကြီးစွာသောဒုက္ခအတွင်းမှာလည်း ခံရပ်နိုင်ဖို့ များတယ်။ (ရော. ၅:၃) ဘာကြောင့်လဲ။ ယေဟောဝါ​ဘုရားရဲ့ အကူအညီကြောင့် ယုံကြည်ခြင်း စမ်းသပ်မှု​တစ်ခုကို ခံရပ်နိုင်​တိုင်း ဘုရား ကူညီဖို့ အသင့်ရှိတယ်၊ ကူညီပေးချင်တယ်​ဆိုတဲ့ ယုံကြည်ခြင်း ခိုင်မာလာတယ်။ အဲဒီလို ယုံကြည်ခြင်းက နောက်ထပ် စမ်းသပ်မှုတွေ​ကို ခံရပ်စေနိုင်တယ်။ ဒါကို ညီအစ်ကို/မတွေ သတိထား​မိ​ကြတယ်။ (ယာကုပ် ၁:၂-၄ ကို ဖတ်ပါ။) ဥပမာ၊ အခက်အခဲတွေကို အရင်က ခံရပ်နိုင်ခဲ့​လို့ အခုလည်း ဆက်ခံရပ်နိုင်တာ ဖြစ်ကြောင်း အယ်လ်ဘေးနီးယား​နိုင်ငံက ရှေ့ဆောင် ညီအစ်မ မီရာ သိလာတယ်။ တစ်ခါတလေ ကိုယ့်​ဆီ​မှာ​ပဲ အခက်အခဲတွေ ပြုံနေသလို မီရာ ခံစားရတယ်။ ဒါပေမဲ့ လွန်ခဲ့တဲ့ အနှစ် ၂၀ အတွင်း ယေဟောဝါ ကူညီ​ထောက်မ​ပေးတာ​တွေ​ကို ပြန်​စဉ်းစား​လိုက်တယ်။ ‘ဆက်သစ္စာ​ရှိလိုက်စမ်းပါ။ ဒီလောက် နှစ်တွေ အကြာကြီး ခံရပ်နိုင်အောင် ယေဟောဝါ ကူညီပေးထားတာ သဲထဲ ရေသွန် အဖြစ်​မခံ​နဲ့’ ဆိုပြီး မီရာ ကိုယ့်ကိုယ်ကိုယ် အားတင်း​တယ်။ သင် ခံနိုင်ရည် ရှိဖို့လည်း ယေဟောဝါ ဘယ်လို ကူညီပေးခဲ့တယ်ဆိုတာ ပြန်​စဉ်းစား​ကြည့်လိုက်ပါ။ အခက်အခဲ​တစ်ခု သင် ခံရပ်နိုင်​တိုင်း ဘုရား မြင်တယ်၊ ဆုချမယ်ဆိုတာ စိတ်ချပါ။ (မ. ၅:၁၀-၁၂) ဒါဆိုရင် ကြီးစွာသောဒုက္ခ ရောက်လာ​တဲ့​အခါ ဘယ်လို ဆက်ခံရပ်​ရမလဲ​ဆိုတာ သိနေမယ်။ ဆက်ခံရပ်မယ်ဆိုတဲ့ စိတ်ပိုင်းဖြတ်ချက် ခိုင်မာ​နေမယ်။

THAWCCINAW HOI

9. Siria ram, Antiok khua-e khrihccawbuu hae nynh thawccinaw kha pawtemou a langsah hae?

၉ တစ်ခေါက်၊ ယုဒပြည်​က ခရစ်ယာန်တွေ အငတ်ဘေး​ကြီး ကြုံကြရတယ်။ ဒါကို ဆီးရီးယား​ပြည်၊ အန္တိအုတ်​မြို့က ညီအစ်ကို/မတွေ ကြားတော့ သနား​သွားကြတယ်။ သနား​စာနာကြောင်း လုပ်ရပ်​နဲ့ ပြကြတယ်။ “ယုဒပြည်မှာ ရှိတဲ့ ညီအစ်ကိုတွေ​ဆီ တတ်​နိုင်သလောက် ကယ်ဆယ်ရေး အထောက်အပံ့တွေ ပို့ပေးဖို့ ဆုံးဖြတ်​လိုက်တယ်။” (တ. ၁၁:၂၇-၃၀) အငတ်ဘေး ဆိုက်​တဲ့ ဒေသ​နဲ့ တော်တော် လှမ်းပေမဲ့ မရ​ရအောင် ကူညီပေးကြတယ်။—၁ ယော. ၃:၁၇၊ ၁၈။

ဆောက်လုပ်ရေး စီမံကိန်းမှာ ညီအစ်ကိုတစ်ယောက် အလုပ် လုပ်နေ။

စာနာမှု

သဘာဝဘေး သင့်​တဲ့အခါ ညီအစ်ကို/မတွေကို စာနာမှု ပြ​ခွင့် ရ (စာပိုဒ် ၁၀ ကို ကြည့်ပါ)

10. Khuarang hoyleinaw a tung hae paw uno hae kha thawccinaw pawtemou langsah kho lang? (Sahkhung kha do.)

၁၀ ဒီနေ့လည်း ဘေးအန္တရာယ် ကြုံရတဲ့ ညီအစ်ကို/မတွေကို ကျွန်တော်တို့ စာနာမှု ပြနိုင်တယ်။ ကယ်ဆယ်ရေး စီမံကိန်းတွေမှာ ဘယ်လို ကူညီပေး​ရမလဲ​ဆိုတာ အကြီးအကဲတွေကို မေးနိုင်တယ်။ ကမ္ဘာချီ အလှူငွေ ထည့်​နိုင်တယ်။ ဘေး​သင့် ညီအစ်ကို/မတွေအတွက် ဆုတောင်းပေးနိုင်တယ်။b (ပညာ. ၁၇:၁၇) ဥပမာ၊ ၂၀၂၀ မှာ ကိုဗစ်-၁၉ ကပ်ရောဂါ​ကာလအတွင်း ကမ္ဘာတစ်ဝန်း သဘာဝဘေး ကယ်ဆယ်ရေး ကော်မတီ ၉၅၀ ကျော် ဖွဲ့စည်းခဲ့တယ်။ ဒီလို​ကယ်ဆယ်ရေး ကော်မတီတွေမှာ စာနာ​စိတ်ကို အရင်းခံပြီး ပါ​ဝင်နေကြတဲ့ ညီအစ်ကို/မတွေရဲ့ လုပ်ဆောင်မှုတွေဟာ တကယ် ကျေးဇူးတင်စရာပါပဲ။ ညီအစ်ကို/မတွေ​ဆီ ကယ်ဆယ်ရေး အထောက်အပံ့တွေ ပို့ပေးကြတယ်။ ယေဟောဝါကို ဆက်​ဝတ်ပြုနိုင်ဖို့ ကူညီပေးကြတယ်။ အခြေအနေ​တချို့​မှာ​ဆိုရင် အိမ်တွေ၊ ဝတ်ပြုရာ နေရာ​တွေ ပြန်ဆောက်ပေး၊ ပြုပြင်ပေးကြတယ်။—၂ ကောရိန္သု ၈:၁-၄ နဲ့ နှိုင်းယှဉ်ပါ။

11. Lukheit te lukheit thawccinaw langsahnaw nynh vawlang ungpaw ah Paaw kha pawtemou phu a e-sah?

၁၁ ဘေး​သင့် ညီအစ်ကို/မတွေကို ကျွန်တော်တို့ ကိုယ်ကျိုးစွန့်ပြီး စာနာမှု ပြတဲ့အခါ တခြားသူတွေ သတိထား​မိ​ကြတယ်။ ဥပမာ၊ ၂၀၁၉ မှာ ဒိုရီယန် မုန်တိုင်းကြောင့် ဗဟားမား​ကျွန်းက နိုင်ငံတော်​ခန်းမ​တစ်လုံး ပျက်စီးသွားတယ်။ ညီအစ်ကိုတွေ ခန်းမ ပြန်ဆောက်ပေး​ကြတယ်။ လိုအပ်တဲ့ အပိုင်း​တချို့အတွက် သက်သေခံ မဟုတ်တဲ့ ကန်ထရိုက်တာ တစ်ယောက်ကို ကုန်ကျစရိတ် မေးကြည့်တော့ “ပစ္စည်း​အား၊ လူ​အား၊ ငွေ​အား ကျွန်တော် စိုက်​မယ်​ဗျာ။ . . . ခင်ဗျားတို့ အဖွဲ့အစည်းမို့လို့နော်။ ခင်ဗျားတို့ အချင်းချင်း ရိုင်းပင်း​ကြ​တာ လေးစား​လွန်းလို့​ပါ” လို့ ပြောတယ်။ မှန်ပါတယ်၊ ဒီနေ့ လူ​တော်တော်​များများ ယေဟောဝါကို မသိကြဘူး။ ဒါပေမဲ့ ယေဟောဝါ​သက်သေတွေကို သတိထား​မိ​ကြတယ်။ ကျွန်တော်တို့ရဲ့ စာနာမှု လုပ်ရပ်တွေကြောင့် “ကရုဏာ ကြီးမားလှတဲ့ ဘုရားသခင်” အကြောင်း လူတွေ စိတ်ဝင်စား​လာကြတာ ဝမ်းသာစရာ​ပါပဲ။—ဧ. ၂:၄။

12. Atu mawte thawccinawn langsahnaw nynh alepaw ruunaw hanglang pawtemou raeringkute yn ungsah? (Byaphy 13:16, 17)

၁၂ ကြီးစွာသောဒုက္ခအတွင်း စာနာမှု ပြဖို့ ဘာကြောင့် လို​လာမလဲ။ အစိုးရတွေကို မထောက်ခံသူတွေ အခု​အချိန်မှာကော ကြီးစွာသောဒုက္ခ​အတွင်းမှာ​ပါ အခက်ကြုံကြရမယ်လို့ ကျမ်းစာမှာ ဖော်ပြထားတယ်။ (ဗျာဒိတ် ၁၃:၁၆၊ ၁၇ ကို ဖတ်ပါ။) အခြေခံ လိုအပ်ရာတွေ ရဖို့​တောင် ညီအစ်ကို/မတွေ အခက်တွေ့နိုင်တယ်။ ဘုရင် ခရစ်တော် ယေရှု တရားစီရင်ဖို့ ကြွလာတဲ့အခါ ကျွန်တော်တို့ အချင်းချင်း စာနာမှု ပြနေတာကို မြင်​စေချင်တယ် မဟုတ်လား။ “နိုင်ငံ​ကို လာပြီး အမွေခံ​ကြ​ပါ” လို့ ဖိတ်ခေါ်ခံချင်တယ် မဟုတ်လား။—မ. ၂၅:၃၄-၄၀။

SUNGSAHKUNAW KHA LUNGTHUNGSAH

13. Rom 15:7 kya a langsah hawte masaty khrihccaw hae nynh sungsahkunaw kha pawtemou la lungthungsah hae?

၁၃ အစောပိုင်း ခရစ်ယာန်တွေရဲ့ ထင်ရှားတဲ့ အမှတ်အသားဟာ မေတ္တာပါ။ ဒါပေမဲ့ မေတ္တာ ပြဖို့ အမြဲ မလွယ်ခဲ့ဘူး။ ရောမ​မြို့က အသင်းတော်အကြောင်း စဉ်းစားကြည့်ပါ။ မောရှေ​ပညတ်​အောက်မှာ ကြီးပြင်းလာတဲ့ ဂျူးတွေ၊ နောက်ခံ လုံးဝ မတူတဲ့ လူမျိုးခြားတွေ​နဲ့ အသင်းတော်ကို ဖွဲ့စည်းထားတယ်။ ဒါ့အပြင် တချို့က ကျွန်တွေ၊ တချို့က ကျွန်​ပိုင်ရှင်​တွေ၊ လွတ်လပ်​သူ​တွေ။ ဒီလို မတူ​ကွဲပြားမှု​တွေ​ကြား အချင်းချင်း မေတ္တာ ဘယ်လို တိုးများ​စေ​ကြသလဲ။ “အချင်းချင်း​ကို ကြိုဆို​လက်ခံ​ကြ​ပါ” လို့ တမန်တော် ပေါလု အားပေးတယ်။ (ရောမ ၁၅:၇ ကို ဖတ်ပါ။) ဘာကို ဆိုလိုသလဲ။ “ကြိုဆို” လို့ ပြန်ဆို​ထားတဲ့ စကားလုံးဟာ တစ်ယောက်ယောက်ကို ကိုယ့်​အိမ်မှာ ဖော်ဖော်ရွေရွေ ဧည့်ခံတာ၊ မိတ်ဆွေ​စာရင်း သွင်း​လိုက်တာကို ဆိုလိုတယ်။ ဥပမာ၊ ကျွန်ပြေး သြနေသိမ်ကို “ကြည်ကြည်ဖြူဖြူ လက်ခံ​ပေး” ဖို့ ဖိလေမုန်​ကို ပေါလု ပြောတယ်။ (ဖိလေ. ၁၇) ပြစ်ကိလ​နဲ့ အာကုလ​လည်း ခရစ်ယာန်​ဘာသာ​အကြောင်း ကိုယ့်​လောက် သိပ်မသိတဲ့ အာပေါလုကို “ခေါ်သွားပြီး တရင်းတနှီး ပေါင်း” ပေးတယ်။ (တ. ၁၈:၂၆) မတူ​ကွဲပြား​လို့ ခွဲခွဲခြားခြား ဆက်ဆံ​မယ့်​အစား အချင်းချင်း ကြိုဆို​ကြတယ်။ ရင်းရင်းနှီးနှီး ပေါင်း​ကြတယ်။

သက်ကြီး ညီအစ်ကိုရဲ့ အိမ်မှာ မောင်နှံတစ်စုံနဲ့ လူငယ် ညီအစ်ကိုတစ်ယောက် ပျော်ပျော်ရွှင်ရွှင် ပေါင်းသင်းနေ။

မေတ္တာ

အခက်အခဲတွေ ခံရပ်နိုင်ဖို့ ညီအစ်ကို/မတွေရဲ့ မေတ္တာ ကျွန်တော်တို့ လိုအပ် (စာပိုဒ် ၁၅ ကို ကြည့်ပါ)

14. Anna te a vawpaw nynh minccangpaw hae tungvaw sungsahkunaw kha pawtemou a langsah hae?

၁၄ ကျွန်တော်တို့လည်း ညီအစ်ကို/မတွေနဲ့ မိတ်ဖွဲ့ခြင်း၊ အချိန်ပေး ပေါင်းခြင်းအားဖြင့် မေတ္တာ ပြနိုင်တယ်။ ဒါဆိုရင် မေတ္တာ အသွားအပြန် ရှိလာ​ပါလိမ့်မယ်။ (၂ ကော. ၆:၁၁-၁၃) အန်နာ​တို့ ဇနီးမောင်နှံ​အကြောင်း စဉ်းစားကြည့်ပါ။ အနောက် အာဖရိက​ကို သာသနာပြု တာဝန်သစ်​နဲ့ ပြောင်းရွှေ့​ပြီး မကြာခင် ကိုဗစ်-၁၉ ကပ်ရောဂါ စပါလေရော။ လူသစ် ဖြစ်​နေ​ရတဲ့​အထဲ ညီအစ်ကို/မတွေနဲ့ လူ​ချင်း မတွေ့နိုင်​ဘူး။ လူ​ချင်း မတွေ့နိုင်​ပေမဲ့ မေတ္တာ ဘယ်လို ပြကြသလဲ။ ဗီဒီယို ချိတ်ဆက်ပြီး ညီအစ်ကို/မတွေနဲ့ ဆက်သွယ်​တယ်။ သူတို့နဲ့ ပိုရင်းနှီးချင်တဲ့​အကြောင်း ပြောပြတယ်။ ညီအစ်ကို/မတွေ စိတ်ထိမိသွားကြတယ်။ သူတို့ဘက်က စ​ပြီးတော့​တောင် ဖုန်းဆက်၊ စာပို့​လာကြတယ်။ အသင်းတော်သစ်က ညီအစ်ကို/မတွေကို မေတ္တာ ပြဖို့ ဒီ​မောင်နှံ ဘာကြောင့် ကြိုးစားသလဲ။ “အခြေအနေ ကောင်း​ချိန်​မှာ​ကော မကောင်း​ချိန်​မှာ​ပါ ကျွန်မ​နဲ့ ကျွန်မ​မိသားစု မေတ္တာ အ​ပြ​ခံရတာ စိတ်ထဲ စွဲထင်​နေတယ်။ ဒါကြောင့် ကျွန်မ​လည်း တခြားသူတွေကို မေတ္တာ ပြချင်မိတာ” လို့ အန်နာ ပြောတယ်။

15. Unonung unopaw hae miakaw kha sungsahkunaw te asekuhte Vanessa ziazae kyate pawmou na ccangkuh kho? (Sahkhung kha do.)

၁၅ အသင်းတော် အတော်များများမှာ ညီအစ်ကို/မတွေဟာ နောက်ခံ၊ စရိုက် မျိုးစုံ ရှိကြတယ်။ မေတ္တာ တိုးများအောင် ကျွန်တော်တို့ ဘာလုပ်နိုင်သလဲ။ သူတို့ရဲ့ ကောင်းကွက်​ကို အာရုံစိုက်နိုင်တယ်။ နယူးဇီလန်​နိုင်ငံမှာ အမှုဆောင်နေတဲ့ ညီအစ်မ ဗက်နက်ဆာဟာ အသင်းတော်က ညီအစ်ကို/မတချို့နဲ့ ပေါင်းရသင်းရ ခက်နေတယ်။ မျက်စိ​စပါး​မွေး စူးချင်စရာ စရိုက် ရှိတဲ့ ညီအစ်ကို/မတွေကို ရှောင်​နေ​မယ့်​အစား ပိုအချိန်ပေး ပေါင်းတယ်။ အဲဒီလို ပေါင်း​ကြည့်လိုက်တော့ သူတို့ကို ယေဟောဝါ ဘာကြောင့် ချစ်မှန်း သိသွားတယ်။ “ကျွန်မ​ခင်ပွန်း တိုက်နယ်ကြီးကြပ်မှူး ဖြစ်​လာတော့ ညီအစ်ကို/မ အမျိုးမျိုးနဲ့ ဆုံရတယ်။ အခုတော့ စရိုက် မတူတဲ့ ညီအစ်ကို/မတွေနဲ့ ပေါင်း​တတ်​နေပြီ။ မတူတာလေးတွေကို​မှ ကြိုက်တတ်နေပြီ။ ယေဟောဝါ​လည်း ကြိုက်တယ်။ နောက်ခံ အမျိုးမျိုး​က လူတွေကို ကမ္ဘာချီ ညီအစ်ကို အသင်းအပင်း​ထဲ ဆွဲဆောင်​ထားတာ​ပဲ ကြည့်လေ” လို့ ဗက်နက်ဆာ ပြောတယ်။ တခြားသူတွေကို ယေဟောဝါ မြင်သလို မြင်တတ်​တာ​ဟာ သူတို့ကို ချစ်ကြောင်း သက်သေပြ​နေတာပဲ။—၂ ကော. ၈:၂၄။

ရုပ်ပုံ– ၁။ ရှေ့ရုပ်ပုံ သုံးပုံမှာ ပါတဲ့ ညီအစ်ကို/မတွေ ကြီးစွာသောဒုက္ခအတွင်း မြေအောက်ခန်းမှာ စုဆုံနေကြ။ ၂။ မြေအောက်ခန်းမှာ စုဆုံကြတဲ့ ညီအစ်ကို/မတွေ နောက်တော့ ကြီးစွာသောဒုက္ခကနေ လွတ်မြောက်လာ။

ကြီးစွာသောဒုက္ခအတွင်း ယုံကြည်သူချင်းတွေနဲ့ စည်းစည်းလုံးလုံး ဆက်​ရှိနေ​မှ ယေဟောဝါရဲ့ ကာကွယ်မှု ရမယ် (စာပိုဒ် ၁၆ ကို ကြည့်ပါ)

16. Alepaw ruunaw laku unonung unopaw hae tungvaw sungsahkunaw hoi lang pawcce hoy lang myarya yn hoo cih? (Sahkhung kha do.)

၁၆ ကြီးစွာသောဒုက္ခအတွင်း ညီအစ်ကို/မတွေကို မေတ္တာ ထား​တတ်​ဖို့ သိပ်​လို​လာမယ်။ ကြီးစွာသောဒုက္ခ စတဲ့အခါ ကျွန်တော်တို့ အကာအကွယ် ဘယ်မှာ ရှာ​ကြ​မလဲ။ ရှေးဗာဗုလုန်​မြို့ တိုက်ခိုက်​ခံရ​တုန်းက “ငါ့​လူ​တို့၊ အတွင်းခန်း​တွေ​ထဲ ဝင်​သွားပြီး တံခါးပိတ်​ထား​ကြ။ ငါ့အမျက် ပြေသွားချိန်အထိ ခဏလေး ပုန်းရှောင်​နေကြပါ” လို့ မိမိလူမျိုးကို ယေဟောဝါ ညွှန်ကြားတယ်။ (ဟေရှာ. ၂၆:၂၀) ကြီးစွာသောဒုက္ခ​မှာ​လည်း ကျွန်တော်တို့ အတွင်းခန်း​တွေ​ထဲ ဝင်ပြီး ပုန်းရနိုင်တယ်။ “အတွင်းခန်း” ဆိုတာ အသင်းတော်တွေကို ဆိုလိုတာ ဖြစ်နိုင်တယ်။ ကြီးစွာသောဒုက္ခအတွင်း ညီအစ်ကို/မတွေနဲ့ စည်းစည်းလုံးလုံး ဆက်​ရှိနေ​မှ ယေဟောဝါရဲ့ ကာကွယ်မှု ရမှာ။ ဒါကြောင့် ညီအစ်ကို/မတွေကို သည်းခံတတ်ရုံ မဟုတ်ဘဲ နှစ်နှစ်ကာကာ ချစ်တတ်​ဖို့ အခုကတည်းက အစွမ်းကုန် ကြိုးစားရမယ်။ ကာကွယ်​ခံရ၊ မခံရ အဲဒီ​အပေါ် မူတည်​နေလို့ပဲ။

ATU MAWTE RAERINGKUTE UNG

17. Atu mawte paccynkuh langze, alepaw ruunaw laku paw thanenaw mou a ung cih?

၁၇ “ယေဟောဝါရဲ့ နေ့ကြီး” ရောက်လာ​တဲ့​အခါ လူအားလုံး​အတွက် သိပ်​ခက်​မယ်။ (ဇေ. ၁:၁၄၊ ၁၅) ဘုရား​လူမျိုး​လည်း အခက်အခဲတွေ ကြုံရမယ်။ ဒါပေမဲ့ အခုကတည်းက ပြင်ဆင်ထား​ရင် တည်တည်ငြိမ်ငြိမ် ရှိနေနိုင်မယ်။ တခြားသူတွေကို ကူညီပေးနိုင်မယ်။ ကြုံလာသမျှ အခက်အခဲတွေကို ခံရပ်နိုင်မယ်။ ညီအစ်ကို/မတွေ အခက်အခဲ ကြုံရတဲ့အခါ စာနာမှု ရှိရှိ ကူညီပေးနိုင်မယ်။ အခုကတည်းက ညီအစ်ကို/မတွေကို မေတ္တာ ထား​တတ်​ရင် အနာဂတ်မှာ​လည်း မေတ္တာ ထားနိုင်မယ်။ ဒါဆိုရင် ကပ်ဘေးတွေ၊ ဒုက္ခတွေ မေ့မေ့ပျောက်ပျောက် ဖြစ်​သွား​မယ့် ကမ္ဘာမှာ ထာဝရ အသက်ဆု ရပါလိမ့်မယ်။—ဟေရှာ. ၆၅:၁၇။

PAWTEMOU NA PHI CIH?

  • Teingnaw a lungthung nawlang pawnynhmou ae bung cih?

  • Minccangpaw hae tungvaw paw liatemou thawccinnaw langsah kho lang?

  • Unonung unopaw hae tungvaw sungsahkunaw kha paw liatemou lungthungsah kho lang?

LAW 144 ဆုလာဘ်တော်ကို မျက်ခြည်မပြတ်စေနဲ့

a ကြီးစွာသောဒုက္ခ မကြာခင် စတော့​မယ်။ တစ်ခါ​နဲ့​မှ မတူတဲ့ အခက်ခဲဆုံး အဲဒီအချိန်​အတွက် အသင့်ဖြစ်နေဖို့​ဆိုရင် ခံနိုင်ရည်၊ စာနာမှု၊ မေတ္တာ​ဆိုတဲ့ အရည်အသွေးတွေ လိုတယ်။ ဒီ​အရည်အသွေးတွေကို အစောပိုင်း ခရစ်ယာန်တွေ ဘယ်လို ပြကြသလဲ၊ ကျွန်တော်တို့ ဘယ်လို ပြနိုင်သလဲ၊ ကြီးစွာသောဒုက္ခ​အတွက် အသင့်ဖြစ်နေဖို့ ဒီ​အရည်အသွေးတွေ ဘယ်လို ကူညီပေးမလဲ လေ့လာ​ကြရအောင်။

b သဘာဝဘေး ကယ်ဆယ်ရေး စီမံကိန်းတွေမှာ ပါဝင်​ကူညီချင်သူတွေဟာ ဒေသဆိုင်ရာ ဒီဇိုင်း/ဆောက်လုပ်ရေး စေတနာ့ဝန်ထမ်း လျှောက်လွှာ (DC-50) ဒါမှမဟုတ် ယာယီ​စေတနာ့ဝန်ထမ်း အစီအစဉ်အတွက် လျှောက်လွှာ (A-19) ကို ဦးဆုံး ဖြည့်​ရပါမယ်။ အဲဒီနောက် ဖိတ်ခေါ်​လာမယ့် အချိန်ကို စောင့်​နိုင်ပါတယ်။

    Chin (Zotung) Ccah-uh Hae (2000-2025)
    Log Out
    Log In
    • Chin (Zotung)
    • Share
    • Preferences
    • Copyright © 2025 Watch Tower Bible and Tract Society of Pennsylvania
    • Terms of Use
    • Privacy Policy
    • ကိုယ်ရေးလုံခြုံမှု ဆက်တင်မျာ
    • JW.ORG
    • Log In
    Share