Ngawphue Unopaw Hae—Marka Te Timote Kha Dosuinkuh Oh

1-2. Marka te Timote kya Pachia ryalaw houh law kho nawlang paw ruunaw hae mou a ung kho?

လူငယ် ညီအစ်ကိုတို့၊ အမှုတော်​မှာ ပို​ပါဝင်​ဖို့၊ ညီအစ်ကို/မ​တွေ​အကျိုး ပို​သယ်ပိုး​ဖို့ ဆန္ဒ​ရှိ​ပါ​သလား။ ဆန္ဒ​ရှိ​မှာ သေချာ​ပါ​တယ်။ စေတနာ​စိတ်​နဲ့ ကိုယ့်ကိုယ်ကိုယ် ပေးဆက်​နေ​တဲ့ လူငယ်​အမြောက်​အမြား​ကို တွေ့​ရ​တာ ဝမ်းသာ​စရာ​ပါ​ပဲ။ (ဆာ. ၁၁၀:၃) ဒါ​ပေမဲ့ အမှုတော်​မှာ ပို​ပါဝင်​ဖို့ သင့်​အတွက် ခက်​နေ​နိုင်​တယ်။ ဘယ်​နေရာ​မှာ ဘယ်လို​အခြေ​အနေ​နဲ့ အမှု​ဆောင်​ရ​မယ်​ဆိုတာ မသိ​လို့ တွန့်ဆုတ်​နေ​တာ ဖြစ်​နိုင်​တယ်။ ကိုယ့်ကိုယ်ကိုယ် ယုံကြည်​စိတ်ချ​မှု မရှိ​လို့ တာဝန် လက်​မခံ​ခဲ့​တာ ဖြစ်​နိုင်​တယ်။ ဒီလို​ဖြစ်​တာ သင် တစ်ယောက်တည်း မဟုတ်​ပါ​ဘူး။

^၂ မာကု​နဲ့ တိမောသေ​အကြောင်း စဉ်းစား​ကြည့်​ပါ။ ဘယ်​နေရာ​မှာ ဘယ်လို​အခြေ​အနေ​နဲ့ အမှု​ဆောင်​ရ​မယ်​ဆိုတာ မသိ​လို့၊ အတွေ့​အကြုံ မရှိ​လို့​ဆိုပြီး တိုးချဲ့​အမှု​မဆောင်​ဘဲ မနေ​ကြ​ဘူး။ ပထမ သာသနာပြု​ခရီးစဉ်​မှာ လိုက်ခဲ့​ဖို့ တမန်တော် ပေါလု​နဲ့ ဗာနဗ ခေါ်​တုန်း​က မာကု​ဟာ မိခင်​နဲ့​အတူ အိမ်ကြီး​အိမ်ကောင်း​မှာ နေ​တာ ဖြစ်​နိုင်​တယ်။ (တ. ၁၂:၁၂၊ ၁၃၊ ၂၅) ဒါ​ပေမဲ့ တိုးချဲ့​အမှု​ဆောင်​ဖို့ အထိုင်​ကျ​နေ​တဲ့ နေရပ်​ကနေ ထွက်လာ​ပြီး အန္တိအုတ်​မြို့​ကို သွား​တယ်။ နောက်ပိုင်း​မှာ ပေါလု၊ ဗာနဗ​တို့နဲ့​အတူ ရပ်ဝေး​ဒေသ​တွေ သွား​တယ်။ (တ. ၁၃:၁-၅) တိမောသေ​လည်း ပေါလု​နဲ့ တွဲ​အမှု​ဆောင်​ဖို့ ဖိတ်ခေါ်​ခံ​ရ​ချိန်​မှာ မိဘ​နဲ့​အတူ နေ​တာ ဖြစ်​နိုင်​တယ်။ ငယ်​လည်း​ငယ်၊ အတွေ့​အကြုံ​လည်း မရှိ​တဲ့​အတွက် အရည်​အချင်း မပြည့်မီ​ဘူး​လို့ ခံစား​ရ​နိုင်​တယ်။ (၁ ကောရိန္သု ၁၆:၁၀၊ ၁၁ နဲ့ ၁ တိမောသေ ၄:၁၂ ကို နှိုင်းယှဉ်ပါ။) ဒါ​ပေမဲ့ ပေါလု​နဲ့ တွဲ​အမှု​ဆောင်​လို့ ကောင်းချီး​အများကြီး ရ​လာ​တယ်။—တ. ၁၆:၃-၅။

3. (a) Marka te Timote kha Paul nynh hocihmou sungsahte phutesah hae? (2 Timote 4:6, 9, 11) (Sahkhung kho do.) (b) E abalu kya paw bakhianaw hae mou hokuh lang oh?

^၃ မာကု​နဲ့ တိမောသေ​ဟာ ငယ်ငယ်​ရွယ်ရွယ်​နဲ့ တာဝန်ကြီး​တွေ ထမ်းဆောင်​ရင်း အဖိုးတန် အတွေ့​အကြုံ​တွေ ရ​လာ​တယ်။ ပေါလု သေဆုံး​ခါ​နီး​မှာ မာကု​နဲ့ တိမောသေ​ကို မိမိ​ဆီ လာ​ဖို့ ခေါ်​တာ ကြည့်​ရင် သူတို့​နှစ်ယောက်​ကို ဘယ်လောက် ချစ်ခင်​တန်ဖိုး​ထား​သလဲ သိ​နိုင်​တယ်။ (၂ တိမောသေ ၄:၆၊ ၉၊ ၁၁ ကို ဖတ်ပါ။) ဘာကြောင့် အဲဒီလောက်​ချစ်ခင်​တန်ဖိုး​ထား​သလဲ။ မာကု​နဲ့ တိမောသေ​ကို ညီအစ်ကိုငယ်​တွေ ဘယ်လို အတု​ယူ​နိုင်​သလဲ။ ဖခင်​သဖွယ် ပေါလု ပေး​တဲ့ အကြံ​ပြု​ချက်​တွေ​က​နေ ဘယ်လို အကျိုး​ရ​နိုင်​သလဲ။

MARKA HAWTE—MINGCCANG PAW RYALAW LANG UNGTY

4-5. Minccang paw hae rya lawlang Marka a ungty cipaw pawtemou ny kho lang?

^၄ အဘိဓာန်​တစ်အုပ်​အရ သူတစ်ပါး​အကျိုး​ဆောင်​တယ်​ဆိုတာ အခက်​အခဲ ရှိ​ရင်​တောင် တခြားသူ​တွေ​ကို ကူညီ​ဖို့ “မဆုတ်​မနစ် ကြိုးစား​တာ” ကို ဆိုလို​တယ်။ ဒီ​ကဏ္ဍ​မှာ မာကု စံနမူနာ သိပ်​ကောင်း​တယ်။ ဒုတိယ သာသနာပြု​ခရီးစဉ်​မှာ မိမိ​ကို ပေါလု ခေါ်​မသွား​ချင်​မှန်း သိ​တဲ့​အခါ မာကု စိတ်​ထိခိုက်​သွား​မှာ​ပဲ။ (တ. ၁၅:၃၇၊ ၃၈) ဒါ​ပေမဲ့ ညီအစ်ကို/မ​တွေ​အကျိုး မဆောင်​ဘဲ မနေ​ဘူး။

^၅ အစ်ကို​ဝမ်းကွဲ ဗာနဗ​နဲ့​အတူ တခြား​ဒေသ​မှာ မာကု သွား​အမှု​ဆောင်​တယ်။ ၁၁ နှစ်လောက် ကြာ​ပြီး​နောက် ရောမ​မြို့​မှာ ပေါလု ဦးဆုံး​အကြိမ် အကျဉ်း​ကျ​နေ​ချိန် ဝိုင်း​ထောက်မ​ပေး​သူ​တွေ​ထဲ​မှာ မာကု ပါ​တယ်။ (ဖိ​လေ. ၂၃၊ ၂၄) မာကု​ဟာ “တကယ် အားပေး​ထောက်မ​ခဲ့​သူ” ဖြစ်​တယ်​ဆိုပြီး ပေါလု ကျေးဇူး​တင်​စိတ်​အပြည့်​နဲ့ ပြော​တယ်။—ကော. ၄:၁၀၊ ၁၁။

6. Muihsaw thinlung ahoi hae paw uno hae te mungkuhnaw kyate Marka tuh paw thanenaw mou a mue? (Sahkhung kha do.)

^၆ ရင့်ကျက်​တဲ့ ညီအစ်ကို​တွေ​နဲ့ ရင်းရင်း​နှီးနှီး ပေါင်းသင်း​လို့ မာကု အကျိုး​အများကြီး ရ​တယ်။ ရောမ​မြို့​မှာ ပေါလု​ကို အချိန်​အတော်ကြာ ထောက်မ​ပေး​ပြီး​နောက် ဗာဗုလုန်​မြို့​မှာ တမန်တော် ပေတရု​နဲ့ သွား​အမှု​ဆောင်​တယ်။ “ကျွန်တော့်​သား မာကု” လို့ ပေတရု ခေါ်​တာ ကြည့်​ရင် သူတို့​နှစ်ယောက် ဘယ်လောက် ရင်းနှီး​သွား​သလဲ သိ​နိုင်​တယ်။ (၁ ပေ. ၅:၁၃) အတူတူ အမှု​ဆောင်​ရင်း လူငယ်လေး မာကု​ကို ယေရှု​ရဲ့ အသက်တာ​နဲ့ အမှုဆောင်​လုပ်ငန်း​အကြောင်း စိတ်ဝင်စား​စရာ​အချက် တော်တော်​များများ ပေတရု ပြောပြ​မှာ​ပဲ။ ပေတရု ပြောပြ​တာ​တွေ​ကို နောက်ပိုင်း​မှာ ခရစ်ဝင်ကျမ်း​ထဲ မာကု ထည့်​မှတ်တမ်း​တင်​တယ်။a

7. Marka kha unopaw Seung-Woo nynh pawtemou a dosuinkuh? (Sahkhung kha do.)

^၇ မာကု​ဟာ အမြဲ တက်တက်​ကြွကြွ အမှု​ဆောင်​တယ်။ ရင့်ကျက်​တဲ့ ညီအစ်ကိုတွေ​နဲ့ ရင်းရင်း​နှီးနှီး ပေါင်းသင်း​တယ်။ မာကု​ကို ဘယ်လို အတု​ယူ​နိုင်​သလဲ။ ဘုရား​ရေးရာ​မှာ တက်လှမ်း​ချင်​ပေမဲ့ အခွင့်ထူး​တွေ မရ​သေး​ဘူး​ဆိုရင် စိတ်ဓာတ်​မကျ​ပါ​နဲ့။ ယေဟောဝါ​ဘုရား​နဲ့ ညီအစ်ကို/မ​တွေ​အတွက် လုပ်​နိုင်​တာ​မှန်​သမျှ လုပ်​ဖို့ အခွင့်​အရေး ရှာ​ပါ။ အကြီး​အကဲ ဖြစ်​နေ​ပြီ ဖြစ်​တဲ့ ညီအစ်ကို ဆွန်းဝူ​ကို နမူနာ​ယူ​ပါ။ ဆွန်းဝူ ခပ်​ငယ်ငယ်​တုန်းက ကိုယ့်ကိုယ်ကိုယ် တခြား​ညီအစ်ကို​တွေ​နဲ့ နှိုင်းယှဉ်​တယ်။ ညီအစ်ကို​တချို့​က ဆွန်းဝူ​ထက် တာဝန်​တွေ အရင် ရ​သွား​ကြ​တယ်။ တစ်ယောက်တည်း နောက်ကောက်​ကျန်​နေ​တယ်​လို့ ခံစား​ရ​လို့ အကြီး​အကဲ​တွေ​ဆီ ရင်ဖွင့်​ပြောပြ​လိုက်​တယ်။ ကိုယ့်​လုပ်ရပ်​ကောင်း​တွေ​ကို တခြားသူ​တွေ သတိ​မထား​မိ​ရင်​တောင် လုပ်​နိုင်​တာ အကောင်းဆုံး ဆက်​လုပ်​ဖို့ အကြီး​အကဲ​တစ်ယောက် အကြံ​ပေး​တယ်။ ဒါနဲ့ အကူ​အညီ လိုအပ်​တဲ့ အသက်​ကြီး​သူ​တွေ၊ တခြားသူ​တွေ​ကို ဆွန်းဝူ အစည်း​အဝေး အကြို​အပို့ လုပ်​ပေး​တယ်။ “သူတစ်ပါး​အကျိုး​ဆောင်​တယ်​ဆိုတာ ဘာ​ကို ဆိုလို​မှန်း ပို​သဘော​ပေါက်​လာ​တယ်။ တခြားသူ​တွေ​ကို ကူညီ​ပေး​လို့ ပို​ပျော်​လာ​တယ်” ဆိုပြီး အဲဒီ​အချိန်​အကြောင်း ပြန်​တွေး​ရင်း ဆွန်းဝူ ပြော​တယ်။

TIMOTE HAWTE—MINCCANG PAW HAE KHA PEKI

8. Paul nynh Timote kha khycce cciakheih lang a po? (Filipi 2:19-22)

^၈ ဆန့်ကျင်​မှု အပြင်း​အထန် ကြုံ​ခဲ့​တဲ့ မြို့​တွေ​ဆီ ပေါလု ပြန်​သွား​လည်ပတ်​ချိန်​မှာ သတ္တိ​ရှိ​တဲ့ ခရီးသွားဖော်​တွေ လိုအပ်​လာ​တယ်။ ဒါနဲ့ အတွေ့​အကြုံ ရှိ​တဲ့ သိလ​ကို ခရီးသွားဖော်​အဖြစ် အရင်ဆုံး ရွေး​လိုက်​တယ်။ (တ. ၁၅:၂၂၊ ၄၀) နောက်တော့ တိမောသေ​ကို ရွေး​တယ်။ တိမောသေ​ကို ဘာကြောင့် ရွေး​သလဲ။ အကြောင်းရင်း​တစ်ခု​က​တော့ တိမောသေ နာမည်ကောင်း ရှိ​လို့​ပါ​ပဲ။ (တ. ၁၆:၁၊ ၂) ဒါ့​အပြင် တိမောသေ​ဟာ တခြားသူ​တွေ​ကို တကယ် ဂရုစိုက်​တယ်။—ဖိလိပ္ပိ ၂:၁၉-၂၂ ကို ဖတ်ပါ။

9. Timote nynh uno hae kha pe a ki hae cipaw pawtemou ny kho a thua?

^၉ ကိုယ့်ကိုယ်ကိုယ်​ထက် တခြားသူ​တွေ​ကို တိမောသေ ဂရု​စိုက်​တတ်​မှန်း အတူတူ စ​ပြီး အမှု​ဆောင်​ချိန်​ကတည်းက ပေါလု သတိ​ထား​မိ​တယ်။ ဒါကြောင့်​လည်း ဗေရိ​မြို့​က ယုံကြည်သူ ဖြစ်​ခါ​စ ညီအစ်ကို/မ​တွေ​ကို အားပေး​ဖို့ တိမောသေ​ကို စိတ်ချ​လက်ချ ထား​ခဲ့​ရဲ​တာ။ (တ. ၁၇:၁၃၊ ၁၄) အဲဒီ​အချိန်​မှာ မိမိ​နဲ့​အတူ ဗေရိ​မြို့​မှာ နေရစ်​ခဲ့​တဲ့ သိလ​ဆီ​ကနေ တိမောသေ အများကြီး သင်ယူ​ရ​မှာ​ပဲ။ နောက်ပိုင်း​မှာ​တော့ သက်သာလောနိတ်​မြို့​က ညီအစ်ကို/မ​တွေ​ကို အားပေး​ဖို့ တိမောသေ​ကို တစ်ယောက်တည်း ပေါလု လွှတ်​လိုက်​တယ်။ (၁ သက်. ၃:၂) နောက်ထပ် အမှု​ဆောင်​ချိန် ၁၅ နှစ်​အတွင်း ညီအစ်ကို/မ​တွေ​ကို တိမောသေ ပို​ဂရု​စိုက်​တတ်​လာ​တယ်။ “ငိုကြွေး​သူ​တွေ​နဲ့​အတူ ငိုကြွေး” တတ်​လာ​တယ်။ (ရော. ၁၂:၁၅။ ၂ တိ. ၁:၄) တိမောသေ​ကို ညီအစ်ကိုငယ်​တွေ ဘယ်လို အတု​ယူ​နိုင်​သလဲ။

10. Minccang paw hae kha unopaw Woo Jae nynh pawliatemou houh peki thya hae?

^၁၀ တခြားသူ​တွေ​ကို ညီအစ်ကို ဝူဂျေး ဘယ်လို​နည်း​နဲ့ ပို​ဂရု​စိုက်​တတ်​လာ​ကြောင်း သုံးသပ်​ကြည့်​ပါ။ ဝူဂျေး ခပ်​ငယ်ငယ်​တုန်း​က သက်ကြီး ညီအစ်ကို/မ​တွေ​နဲ့ တွေ့​ရင် ဘာ​ပြော​လို့ ပြော​ရ​မှန်း​မသိ ဖြစ်​ခဲ့​တယ်။ ဒါကြောင့် အသက်​ကြီး​သူ​တွေ​နဲ့ ခန်းမ​မှာ တွေ့​ရင် နှုတ်ဆက်​ရုံ နှုတ်ဆက်​ပြီး ထွက်သွား​တတ်​တယ်။ ဒါနဲ့ တစ်ဖက်သား​ဆီ​မှာ ရှိ​တဲ့ ကိုယ်​သဘော​ကျ​မိ​တဲ့ အချက်​တွေ ပြော​ရင်း စကား​စကြည့်​ဖို့ အကြီး​အကဲ​တစ်ယောက် အကြံ​ပေး​တယ်။ တစ်ဖက်သား ဘာ​စိတ်ဝင်စား​လောက်​သလဲ​ဆိုတာ စဉ်းစား​ဖို့​လည်း အားပေး​တယ်။ အကြီး​အကဲ ပြော​တဲ့​အတိုင်း ဝူဂျေး ကြိုးစား​တယ်။ “အခု​ဆိုရင် အသက်​ကြီးငယ်​မရွေး ဘယ်သူ​နဲ့​မဆို စကား​ဖောင်ဖွဲ့​တတ်​နေ​ပြီ။ တခြားသူ​တွေ​ရဲ့ အခြေ​အနေ​ကို ပို​နားလည်​လာ​တော့ ဘာ​အကူ​အညီ လိုအပ်​သလဲ၊ ဘယ်လို ကူညီ​ပေး​နိုင်​သလဲ သိ​လာ​တယ်။ ဒါကြောင့် ကျွန်တော် သိပ်​ပျော်​တယ်” ဆိုပြီး အကြီး​အကဲ ဖြစ်​နေ​ပြီ ဖြစ်​တဲ့ ဝူဂျေး ပြော​တယ်။

11. Ngawphue unopaw hae nynh pawziate mou minccangpaw hae kha pe a ki thya cih hae? (Sahkhung kha do.)

^၁၁ လူငယ် ညီအစ်ကိုတို့၊ သင်တို့​လည်း တခြားသူ​တွေ​ကို ဂရု​စိုက်​တတ်​လာ​နိုင်​ပါ​တယ်။ အစည်း​အဝေး​မှာ အသက်​အရွယ်၊ နောက်ခံ​မရွေး ညီအစ်ကို/မ​အားလုံး​နဲ့ စကား​ပြော​ပါ။ သူတို့​ရဲ့ အခြေ​အနေ​ကို မေးမြန်း​ပါ။ သူတို့ ပြော​တာ နားထောင်​ပါ။ ဒါ​ဆိုရင် သူတို့ ဘာ​အကူ​အညီ လိုအပ်​သလဲ၊ ဘယ်လို ကူညီ​ပေး​ရ​မလဲ သိ​လာ​နိုင်​တယ်။ ဥပမာ၊ သက်ကြီး​မောင်နှံ​တစ်စုံ JW Library^® app ကောင်းကောင်း မသုံး​တတ်​မှန်း သိ​လာ​ရ​နိုင်​တယ်။ သုံး​တတ်​အောင် ကူညီ​ပေး​နိုင်​မလား။ ဒါမှ​မဟုတ် သူတို့​နဲ့ တွဲ​အမှု​ဆောင်​ဖို့ အဖော်​မရှိ​မှန်း သိ​လာ​ရ​နိုင်​တယ်။ တွဲ​အမှု​ဆောင်​ဖို့ စီစဉ်​နိုင်​မလား။ တခြားသူ​တွေ​ကို ဒီလို​အစပြု​ကူညီ​ပေး​တဲ့​အခါ အသင်းတော်​မှာ သင် စံနမူနာ​ကောင်း​သူ ဖြစ်​လာ​မယ်။

PAW LUKHEIT HAWTE PAUL NYNH YN PYAPAW TUANAW HAE KHA ZUI

12. Timote kha Paul nynh a pyapaw tuanaw hae kyate ngawphue unopaw hae pawtemou thanenaw a mue kho hae?

^၁၂ တိမောသေ ပို​ပျော်ရွှင်​ဖို့၊ အမှုတော်​မှာ ပို​ပါဝင်​နိုင်​ဖို့ ဖခင်​တစ်ယောက်​လို ပေါလု အများကြီး အကြံ​ပေး​တယ်။ (၁ တိ. ၁:၁၈။ ၂ တိ. ၄:၅) လူငယ် ညီအစ်ကိုတို့၊ ပေါလု​ရဲ့ အကြံ​ပြု​ချက်​တွေ​က​နေ သင်တို့​လည်း အကျိုး​ရယူ​နိုင်​တယ်။ ဘယ်လို​နည်း​နဲ့​လဲ။ တိမောသေ​ဆီ ပေါလု ရေး​တဲ့ စာ​နှစ်စောင်​ကို ကိုယ့်​ဆီ ရေး​တယ်​လို့ သဘောထား​ပြီး ဖတ်​ပါ။ ဘယ်​အကြံ​ပြု​ချက်​တွေ​ကို ကိုယ့်​အသက်တာ​မှာ လက်တွေ့​ကျင့်သုံး​နိုင်​မလဲ ဆန်းစစ်​ပါ။ အကြံ​ပြု​ချက်​တချို့ သုံးသပ်​ကြည့်​ရ​အောင်။

13. Zahova kya ungry nawlang pawnynhmou yn bung cih?

^၁၃ “ဘုရား​တရား​ကိုင်းရှိုင်း​တတ်​ဖို့ ပန်းတိုင်​ထား​ပြီး ကိုယ့်ကိုယ်ကိုယ် လေ့ကျင့်​ပါ။” (၁ တိ. ၄:၇​ခ) ဘုရား​တရား​ကိုင်းရှိုင်း​တယ်​ဆိုတာ ဘာလဲ။ ယေဟောဝါ​ကို စိတ်​ရွှင်လန်း​စေ​ချင်​တဲ့ ဆန္ဒ​နဲ့ ဖက်တွယ်​နေ​တာ​ကို ဆိုလို​တယ်။ မွေး​ကတည်းက ကျွန်တော်တို့ ဘုရား​တရား​ကိုင်းရှိုင်း​တတ်​တာ မဟုတ်​ဘူး။ ဘုရား​တရား​ကိုင်းရှိုင်း​တတ်​ဖို့ ကြိုးစား​ရ​မယ်။ “ကိုယ့်ကိုယ်ကိုယ် လေ့ကျင့်​ပါ” လို့ ပြန်ဆို​ထား​တဲ့ ဂရိ​စကားလုံး​ကို ပြိုင်ပွဲ​အတွက် အသင့်​ဖြစ်​နေ​ဖို့ အပြင်း​အထန် လေ့ကျင့်​တဲ့ အားကစား​သမား​အကြောင်း ဖော်ပြ​ရာ​မှာ သုံး​လေ့​ရှိ​တယ်။ ပြိုင်ပွဲ​မှာ အနိုင်​ရ​ဖို့ အားကစား​သမား​ဟာ ကိုယ့်ကိုယ်ကိုယ် ကြပ်မတ်​ရ​တယ်။ ကျွန်တော်တို့​လည်း ယေဟောဝါ​နဲ့ ပို​ရင်းနှီး​စေ​မယ့်​အကျင့်​တွေ ရှိ​လာ​ဖို့ ကိုယ့်ကိုယ်ကိုယ် ကြပ်မတ်​ရ​မယ်။

14. Baebu ccaw riapaw eenaw tuh pawmou thua lang a ccang? Eenaw hawte athua kho nawlang pawtemou ria lang cipaw tousenaw ho tua.

^၁၄ နေ့တိုင်း ကျမ်းစာ​ဖတ်​တဲ့​အကျင့် ရှိ​ဖို့ အရေး​ကြီး​သလို ဖတ်​တဲ့ ရည်ရွယ်​ချက်​ကို သတိ​ရ​ဖို့​လည်း အရေး​ကြီး​တယ်။ ရည်ရွယ်​ချက်​က ဘာလဲ။ ယေဟောဝါ​နဲ့ ပို​ရင်းနှီး​လာ​ဖို့​ပါ။ ဥပမာ၊ သိပ်​ချမ်းသာ​တဲ့ လူငယ် အရာရှိ​နဲ့ ယေရှု စကား​ပြော​တဲ့ မှတ်တမ်း​ကနေ ယေဟောဝါ​အကြောင်း ဘာ​သိ​ရ​သလဲ။ (မာ. ၁၀:၁၇-၂၂) ယေရှု​ဟာ မေရှိယ ဖြစ်​မှန်း လူငယ် အရာရှိ ယုံ​တယ်။ ဒါ​ပေမဲ့ ယေရှု​နောက် လိုက်​ရဲ​တဲ့​အထိ မယုံ​ဘူး။ ဒါတောင် ယေရှု​က “သူ့ကို ချစ်” တယ်။ ကြင်ကြင်​နာနာ စကား​ပြော​တယ်။ ပျော်ရွှင်​စရာ အသက်တာ ပိုင်ဆိုင်​စေ​မယ့် ဆုံးဖြတ်ချက်​မျိုး ချ​စေ​ချင်​တာ ထင်ရှား​တယ်။ သူ့​အပေါ် ထား​တဲ့ ယေရှု​ရဲ့ သဘောထား​ကို စဉ်းစား​လိုက်​တဲ့​အခါ ယေဟောဝါ​ရဲ့ သဘောထား​ကို​လည်း သိ​နိုင်​တယ်။ (ယော. ၁၄:၉) ဒီ​မှတ်တမ်း​ကို ဖတ်​ပြီး ကိုယ့်​အခြေ​အနေ​ကို သုံးသပ်​ပြီး​နောက် ‘ယေဟောဝါ​နဲ့ ပို​ရင်းနှီး​လာ​ဖို့ ငါ ဘာတွေ လုပ်​နို​င်သလဲ’ လို့ စဉ်းစား​ကြည့်​ပါ။

15. Ngawphue unopaw hae tuh ahoypaw dosuinkuh lang thua nawlang pawcce azici? (1 Timote 4:12, 13)

^၁၅ ‘သစ္စာ​ရှိ​သူ​တွေ​အတွက် စံနမူနာ​ကောင်း ဖြစ်​ပါ။’ (၁ တိမောသေ ၄:၁၂၊ ၁၃ ကို ဖတ်ပါ။) စာဖတ်​စွမ်းရည်၊ သွန်သင်​ခြင်း​စွမ်းရည်​သာမက ချစ်​ခြင်း၊ ယုံကြည်​ခြင်း၊ စင်ကြယ်​ခြင်း စတဲ့ အရည်​အသွေး​တွေ ရှိ​အောင် လုပ်​ဖို့ တိမောသေ​ကို ပေါလု တိုက်တွန်း​တယ်။ ဘာကြောင့်လဲ။ အပြော​ထက် လုပ်ရပ်​က ပို​တာသွား​လို့​ပါ။ ဥပမာ၊ အမှုဆောင်​လုပ်ငန်း​မှာ ထက်ထက်​သန်သန် ပါဝင်​နိုင်​ပုံ​အကြောင်း ဟောပြော​ချက် ပေး​ဖို့ တာဝန်​ရ​တယ်​ဆိုပါစို့။ အမှုဆောင်​မှာ သင် အတတ်နိုင်ဆုံး ပါဝင်​မနေ​ရင် ပြောအား​ရှိ​ပါ့​မလား။ ကိုယ်တိုင် စံနမူနာ ပြ​ပြီး အတတ်နိုင်ဆုံး ပါဝင်​နေ​ရင်​တော့ သင် အားပေး​တဲ့​အတိုင်း ညီအစ်ကို/မ​တွေ လုပ်​ချင်​လာ​မယ်။—၁ တိ. ၃:၁၃။

16. (a) Paw ungtuzia phuingpangaw kya mou ngawphue unopaw hae tuh ahoypaw dosuinkuh lang a thua kho hae? (b) “Bya” kya ahoypaw dosuinkuh lang pawtemou thua kho lang?

^၁၆ ညီအစ်ကို​ငယ်​တွေ စံနမူနာကောင်း ပြ​နိုင်​တဲ့ ကဏ္ဍ​ငါးရပ်​ကို ၁ တိမောသေ ၄:၁၂ မှာ ပေါလု ဖော်ပြ​ထား​တယ်။ ကဏ္ဍ​တစ်ရပ်​စီ​အကြောင်း ကိုယ်ပိုင်​လေ့လာမှု လုပ်​ကြည့်​ပါ။ ဥပမာ၊ “အပြောအဆို” မှာ စံနမူနာ ပို​ကောင်း​ချင်​တယ်​ဆိုပါစို့။ ကိုယ့်​အပြော​အဆို​အားဖြင့် တခြားသူ​တွေ​ကို ဘယ်လို အားတက်​စေ​နိုင်​မလဲ စဉ်းစား​ကြည့်​ပါ။ မိဘ​တွေ​ကို ကျေးဇူး​တင်​စကား မကြာ​မကြာ ပြော​နိုင်​တယ်။ အစည်း​အဝေး​မှာ ကိုယ်ပိုင်​စကား​နဲ့ မှတ်ချက်​ပေး​နိုင်​တယ်။ တာဝန်​ကျ​တဲ့ ညီအစ်ကို/မ​တစ်ယောက်ယောက်​ကို အစည်း​အဝေး​ပြီးနောက် ချီးမွမ်း​စကား​ပြော​နိုင်​တယ်။ အပြော​အဆို​မှာ စံနမူနာ​ကောင်း​ဖို့ ကြိုးစား​တဲ့​အခါ သင့်​တိုးတက်​မှု ထင်ရှား​မြင်သာ​လာ​မယ်။—၁ တိ. ၄:၁၅။

17. Ngawphue unopaw hae Pachia kuetung a phya kho nawlang hae pawnynhmou a bung cih hae? (2 Timote 2:22)

^၁၇ ‘လူငယ်​တွေ​မှာ ဖြစ်​တတ်​တဲ့ အလို​ဆန္ဒ​တွေ​ကို ဝေးဝေး​ရှောင်​ပါ။ ဖြောင့်မတ်​ခြင်း ရှိ​နိုင်​ဖို့ အမြဲ ကြိုးစား​ပါ။’ (၂ တိမောသေ ၂:၂၂ ကို ဖတ်ပါ။) ဘုရား​ရေးရာ ပန်းတိုင်​တွေ​ကနေ အာရုံ​လွဲ​သွား​စေ​နိုင်​တဲ့၊ ယေဟောဝါ​နဲ့ ဆက်ဆံ​ရေး​ကို ထိခိုက်​စေ​နိုင်​တဲ့ အလို​ဆန္ဒ​တွေ​ကို တိုက်ထုတ်​ဖို့ တိမောသေ​ကို ပေါလု ပြော​တယ်။ တချို့​လုပ်ရပ်​တွေ​ဟာ မမှား​ပေမဲ့ ဘုရား​ရေးရာ လုပ်ဆောင်​မှု​တွေ​အတွက် အချိန်​လျော့​သွား​စေနိုင်​မှန်း သင်လည်း သတိ​ထား​မိ​မှာ​ပါ။ အားကစား​လုပ်​ဖို့၊ အင်တာနက်​သုံးဖို့၊ ဗီဒီယို​ဂိမ်း​ဆော့​ဖို့ သင် အချိန်​ဘယ်လောက် ပေး​နေ​သလဲ။ အဲဒီ​အချိန်​တွေ နည်းနည်း​လျှော့​ပြီး ဘုရား​ရေးရာ လုပ်ဆောင်​မှု​တွေ​အတွက် အချိန်​ပို​ပေး​နိုင်​မလား။ ဥပမာ၊ ခန်းမ ပြုပြင်​ထိန်းသိမ်း​ရေး​မှာ ကူညီ​နိုင်​တယ်။ အများရှေ့ သက်သေ​ခံ​ခြင်း​မှာ ပါဝင်​နိုင်​တယ်။ ဒီလို​လုပ်ဆောင်​မှု​တွေ​မှာ ပါဝင်​တယ်​ဆိုရင် ဘုရား​ရေးရာ ပန်းတိုင်​ထား​ဖို့၊ ပန်းတိုင်​ပြည့်မီ​ဖို့ ကူညီ​ပေး​မယ့် မိတ်ဆွေ​သစ်​တွေ ရ​လာ​နိုင်​တယ်။

MINCCANG PAW HAE HOYNAW CYIPAW TUH HYTHUANAW PATAE YN MUESAH

18. Marka te Timote tuh lungpaw ngaengangnaw hingnaw a hoi hae cite pawcce ho kho a thua?

^၁၈ မာကု​နဲ့ တိမောသေ ကိုယ်ကျိုး​စွန့်​ပြီး သူတစ်ပါး​အကျိုး သယ်ပိုး​တဲ့​အတွက် ကျေနပ်​ပျော်ရွှင်​စရာ အသက်တာ ပိုင်ဆိုင်​ကြ​ရ​တယ်။ (တ. ၂၀:၃၅) မာကု​ဟာ ညီအစ်ကို/မ​တွေ​ကို ကူညီ​ပေး​ဖို့ ရပ်ဝေး​ဒေသ​များစွာ​ဆီ သွား​တယ်။ ယေရှု​ရဲ့ အသက်တာ​နဲ့ အမှုဆောင်​လုပ်ငန်း​အကြောင်း စိတ်လှုပ်ရှား​စရာ ခရစ်ဝင်​ကျမ်း​တစ်စောင် ရေး​တယ်။ တိမောသေ​လည်း အသင်းတော်​သစ်​တွေ တည်ထောင်​ရာ​မှာ၊ ညီအစ်ကို/မ​တွေ​ကို အားပေး​တည်ဆောက်​ရာ​မှာ ပေါလု​ကို ကူညီ​ပေး​တယ်။ မာကု​နဲ့ တိမောသေ ကိုယ်ကျိုးစွန့်​စိတ်ဓာတ် ရှိ​တာ​ကို မြင်​ပြီး ယေဟောဝါ ပီတိ​ဖြစ်​မှာ သေချာ​တယ်။

19. Timote a pyapaw Paul tuanaw hae kha ngawphue unopaw hae pawcce zui lang a ccang?

^၁၉ လူငယ်လေး တိမောသေ​ဆီ ရေး​တဲ့ စာ​တွေ​ကို ကြည့်​ရင် တိမောသေ​ကို ပေါလု သိပ်​ချစ်​တယ်​ဆိုတာ ထင်ရှား​တယ်။ ဒီနေ့ခေတ် လူငယ် ညီအစ်ကို​တွေ​ကို ယေဟောဝါ သိပ်​ချစ်​တယ်၊ ပျော်ရွှင်​စေ​ချင်​တယ်​ဆိုတာ​လည်း ထင်ရှား​တယ်။ အဲဒီ​စာတွေ ရေး​ဖို့ ပေါလု​ကို စွမ်းအားတော်​နဲ့ လမ်းညွှန်​တာ ယေဟောဝါ ဖြစ်​လို့​ပါ​ပဲ။ ဒါကြောင့် ဖခင်​သဖွယ် ပေါလု ပေး​တဲ့ အကြံ​ပြု​ချက်​တွေ​ကို အတတ်နိုင်ဆုံး လိုက်နာ​ပြီး သူတစ်ပါး​အကျိုး ပို​သယ်ပိုး​နိုင်​ဖို့ ကြိုးစား​ပါ။ ဒါ​ဆိုရင် လောလောဆယ် ကျေနပ်​ပျော်ရွှင်​စရာ အသက်တာ ပိုင်ဆိုင်​ရ​မယ်။ အနာဂတ်​မှာ “စစ်မှန်​တဲ့​အသက် ရ​မယ်။”—၁ တိ. ၆:၁၈၊ ၁၉။